بسم الله الرحمن الرحيم
السلام عليكم ورحمة الله وبركاته
البعض بالمنتدى يقول إنه حصلت معه مشكلة قفل القير وهذا المشكلة ياجماعة ماحصلت إلا عند البعض وهي بسبب سوء إستخدام القير مثلا :
1- عدم ترك السيارة تأخذ الوقت الكافي للتسخين أثناء إستخدامها
2- أثناء التعشيق عدم إعطاء عصا القير المسافة الكافية والمفروض إنها تأخذ إلى أقصى اليمين ثم تعشق لكن البعض هداهم الله يسحب القير بكل قوته بنفس المكان يفكره قير كامري لكن القير الكسرات يحتاج أخذ مسافة كافية
الحلول:
1- تسخين السيارة لمدة لا تقل عن عشر دقائق عشان الزيت يحمى حق القير
2- إعطاء القير المسافة الكافية للتعشيق
3- عدم فك البريك والسيارة في وضع p أو r أو d عشان ماينفك البريك على ترس ويصير حمل على القير وإنما فك البريك في وضع n في جميع الأحوال سواء كنت راجع لوراء ولا ماشي قدام ثم توضع بعد فك البريك بالنمة إلي تبيها
4- تغير زيت وفلتر القير وزيت الدفرنس كل 40000 ألف كيلو
بإذن الله إلي يسوي كذا راح يدوم معه القير لفترة طويلة وماراح يحصل معه مشاكل بعصى القير ولا تعليق ولا شيء
السيارتين حلوة وتتحمل وقيرها ممتاز وقوي وقيرها بالقوة يعادل قير مرسيدس وتحس أول ماتعشق بقوة القير ماشاء الله والسيارة مكينتها وقيرها ألمنيوم وتحتاج تسخين بشكل كافي
أنا إستخدمت مرسيدس وكرايسلر والآن معي دوج تشارجر مشاء الله عليها وبصراحة مالاحظت بينها أي فرق بالرساوة والإستخدام وإستخدمت الشروكي أيام الهبقات ولكن اليوم مانستخدم إلى سيارات رسمية إسأل مجرب ولا تسأل طبيب
