وأخيراتمّ التعرف على المشكله !!!

[سهمي نازل]

السلام عليكم ورحمة الله وبركاته...........

أمتداد للمشكله اللي عرضتها عليكم بموضوعي السابق وهو موجود بمواضيعي اسفل الاسم

المهم قبل لا اودي السياره على فحص ال5000 كيلو من زيت وخلافه مع عرض مشكلة القير

عليهم طبعا الموتر بوقتها ماشي 5800 كم المهم قلت ابغير الزيت والفلتر زيت الوكاله ما عجبني

وابي اغير للفوكس سوبر جي تي العادي بس اخلي الوكاله يشيكون على ال15 نقطه حصل امر

رهيييييييييب أقسم باله العظيم وربي راح يسألني على كل كلمة ابقولها لكم وديتها لصاحب مغسله

وتغيير زيت شباب سعودي أعرفه من زمان ومحترم وعليه زباين ما شاء الله قلتله غير السيفون

والزيت فجأة صرخ وطلع بسرعه لمغسلة صغيرة لغسل اليدين ويفتح الماء ويبرد على يده وش فيك ؟!!

قال ستر الله عليك من لمست السيفون يبي يفره بالمفتاح الخاص حق السيفون ولاه ما ربط

ومرتخي ونزل معاه على طول يقول اللي مركبه ما شده مجرد ركبه بيده ولا همه والسلام

طبعا من وكالة العيسى الحمد لله اللي ستر علي واترك لكم التعليق !!!!!!!!!!!!


المهم رحت للوكاله للوكاله ابي بس يشوفون مشكلة القير دخلت عليهم وكلمت الشباب السعوديين عن مشكلة

الزيت و شرحت اللي صار وقدمت شكوى........

بعدين قلت لهم على مشكلة الطقه ونادوا كبير الفنيين فلبيني كبير شوي بالسن بليّة وداهيه نصحني

فيه الشباب السعوديين واحد من الغيث والثاني نسيته المهم طلع لي الفلبيني وشرحت له الموضوع

وقالي اركب وابسمع هاللي تقول المهم سقت السياره وقالي هذا الصوت عادي قلتله طيب جربها

انت يمكن تكتشف شيء ثاني تغير رايك.

وساقها وقال لي هذا عادي جدا وما فيه أي ضرر على الموتر وهذا ما هو من القير هذا نظام الأيه بي

اس ونظام التراكشن ضمن منظومه واحده يعملن مع بعض اول ما تشغل وهذا ما يجي الا بالفل

اوبشن

هذا طبيعي وانت سيارتك(sle) فيها من الفل اوبشن حسب مواصفات العيسى

طبعا عندي المساعدات هيدروليك نفخ بالهواء وهي من ضمن مميزات الفل المهم قلت ابجرب

سياره فل اوبشن

رجعنا وجاب لي سياره (slt) وقالي سقها وفعلا اثناء التبديل من الاول والثاني طقه ورجفه المهم

أخذ يطمني ومن هالكلام.....

طلعت من عندهم وانا قاعد أفتر باحد الشوارع واشوف يوكون اس ال تي فل واوقفه واساله عن

الرجفه قال ايه والله تطلع معي اول ما أحرك بعد التشغيل قلت الظاهر انها عاديه وعلمته باللي

عندي.

عاد انتم يا شباب وش رايكم ؟ هل فعلا هذي معلومه جديدة بالنسبه لكم واول مره تدرون عنها ؟

آسف على الاطاله... وسلامتكم

[mr.nawaf]

اشكرك اخوي

وبارك الله فيك

تقبل شكر وتقدير اخوكم { mr.nawaf }

[ابو سعد 1]

هذا عادي صوت الطقه و ما يأثر على القير مع اني اعتبره عيب

لانه نفس الكلام قاله لي بالبيد

اما موضوع السيفون دامها ما هربت الزيت يعني مربوط زين لكن يمكن ما شد عليه زياده
اي ركبه لك

[anaconda]

أنا مايقهرني الا اذا ركب معك الفني وقال الصوت هذا عادي
طيب أيش الشيء اللي ماهو عادي

هل اختفاء الصوت وذهاب المشكلة أمر غير عادي ؟؟؟؟

مايبغون يفتحون باب على أنفسهم.... يعني مشي حالك.

[MSAHMM]

ايضآ يوجد لدي نفس المشكلة وطلع معي الفلبيني بعد ما مليت وانا ارجعهم وقال عادي والى الأن رافضين يعترفون بمشكلة التغيرات الغلط وخاصة من واحد الى الثاني وفيه فزه غريبة بالموتر يبدو ان المشكلة منتشره في اغلب اليوكونات مع القير الجديد 6 تعشيقات



لك رسالة على الخاص اخوي سهمي نازل

[م.الحارثي]

اللهم لك الحمد موتري ما قد صار فيه الاي تقولون على اني اكرفه وانتم فوق انكم محافظين مشاكل غصب تضهر هذا من عيوب الامريكي نصيح من الفوردات نطيح بشفر والياهو امر الامريكي غريب والوكاله لاتعترف بالعيب صوت يقول مو عيب ما صارت
يعني كل السيارات الاي مالها صوت ما فيها شي والاي فيها صوت عندهم زي الاي ما فيها صوت غريب منين عايدي قسم لقدم شكوى رسميه هذا اذا ما لبقت واحرقت السياره من القهر

[م.الحارثي]

هذا عادي صوت الطقه و ما يأثر على القير مع اني اعتبره عيب

لانه نفس الكلام قاله لي بالبيد

اما موضوع السيفون دامها ما هربت الزيت يعني مربوط زين لكن يمكن ما شد عليه زياده
اي ركبه لك

الحين الرجال يقول ركبه بس تركيب بس ما دوره ولا شده تقول انت ما يضر غريب امرك الايضر لو اني بداله كان الله يعين الاي اشتغل عز الله راح فيها

بعدين تقول عايدي صوت الطقه لو موترك فيه الطقه ما نمت يا بعدي ولكن الاي رجله بالجنه مو مثل الاي رجله بنار
الله يعينك يا صاحب الموضوع احس بالمك كان الله في عونك

[أبو ديـــــالا]

بالنسبة لصوت الطقة ما أفتيك فيه والحمد لله مو عندي يمكن لأن سيارتي أربع نمر .

أما ما يخص صوت وتأثير (abs) فحسب خبرتي المتواضعه بالميكانيكا فالنظام تحس فيه لما تشغل السيارة وتمشي لحد سرعة (20 _40 ) كلم بعدها تحس بحركه بالفرامل وصوت يختلف قوته من سيارة إلى أخرى ولمره وحده فقط , ولا يطلع مره ثانية إلا لما تطفي السيارة وتشغلها .

أما سالفة إن القير فيه صوت طقه كل ما بدل من 1 إلى 2 ويقولون الوكالة من نظام (abs ) فأضن كلامهم غير صحيح

أنا ما أقول كلامك عشان أقلقك , بس عشان ما يصرفونك بتصريفه ما تخش المخ .

وأنا أقول تطمن لأن سيارتك على الضمان ولا يعني عدم سلاسة التعشيق إن السيارة خربانه

مع تمنياتي القلبية لك بالإستمتاع بسيارتك وما توفره لك من مميزات