السلام عليكم
عندي يوكن 2004 بدون دبل مكينة 5300 slt عندي مشاكل فيه وياليت المساعده قبل لا اروح التصليح:
1. اول ما اشغله وافتح الكبوت الاحظ انه حركة السيور(القايشات) والمروحه فيها تقطيعه يعني تشوف السرعه تقل فجأه كنها بتطفي وترد لسرعتها الطبيعيه مع وجود رجفه في المكينه والمروحه اتوقع انها ميكانيكية لأنها عمودها موصل مع الكرنك .
2. اذا مشيت عليها مسافه ووقفت عند اشاره مثلا ويكون الجير على D او N انبير الار بي ام (RPM) يلعب فوق وتحت وترجف السيارة.وهذه المشكله شبه اختفت بعد مانظفت الثروتل بودي(والشكر للمنتدى في تعليمي هذه الطريقه).
3.دايم تعطيني تحذير ان غطاء خزان البنزين لازم يتسكر عدل مع اني شاده حيل راح احاول ابدل جلدة الغطاء واشوفه .
هذه هي المشاكل الرئيسية واذا المشاكل متكررة ارجو وضع الروابط
4. يوم فحصت الفيوزات في البيت لاحظت انه فيوز الكرنك مايشتغل مع انه سليم وبدلته باخر احتياطي ونفس الشي ما اشتغل.
مع العلم ان اللي شريته منه قال انه بدل بواجي وزيت المكينه مع الفلتر وزيت الجير والفلتر قبل بشهر 1/2010 .علما بان الزيت المستخدم هو فيسكو الدرع الحراري2000
وشاكر لكـــــــــــم اخواني القائمين في المنتدى والله مكفين وموفين جزاكم الله خيرووفقكم دنيا واخره عدد ماكان ومايكون وعدد الحركات والسكون
