رأي اصحاب اوريون وخبراء تويوتا

مشكورين اخواني على كرم ردودكم ماقصرتوا , بس اذا عبداللطيف بيتأخر في تسليم السياره مشكله بصراحه خاصه انه انا حاط اللؤلي ببالي على العموم وش رأيكم بشركة الكفاح سعرهم انزل من عبداللطيف ب3000 ريال وظمانهم هو ظمان عبداللطيف ومشكورين

الله يرزقنا من واسع فضله

واحنا مانرد الهديه ونرضى بالقليل لو بانوراما تمشي الحال :)

خخخخخخخخخ الكفر يطلع اذكره بالكامري 2007 يقولونه ... يقولونه ولا شفت شي

اخوي انا ما جربت الموتر لاكن الي اشوفه ان مواريه مواري خير (وتراه من المواتر الي قالو ما فيه عيوب )<< ما طلبته للحين تويوتا

ياخيي حدث العاقل بما يعقل !!!

يعين مشكلة الزنون امين ولا الظالين وتصير في احسن السيارات ، اما مشكلة الكفر الامامي دي قوية قوية ..


يعني فيه تعصب بس بمنطق مو تعصب اعمى !!!!!

==============

عموما لصاحب الموضوع ماعليك من الاسرائيليات الي نازلة من البعض ، السيارة ممتازة جداً وعزها الصوتي جيد جدا وثباتها رائع

خويي طلع اوريون 2010 بعد ما طلعت روحه وماطل فيه عبداللطيف جميل مماطلة غير طبيعية ، وما كملت اسبوع معه وعلى طول خربت الشمعات الامامية وبدا النور يطفأ فجأة
وراح للشركة وقالهم عندي مشكلة قالوا مافيها شي ، وبعدين طفى النور تماما يعني ما صار يشتغل ابد ورجعها لهم ،وغيرو له الشمعات !!

المهندس يقوله الزينون هذا اساس المشاكل وفيه دراسة جادة لالغاءه !

لكن ترى فيها خلل مصنعي قاتل ، الكفر الامامي فجأة يطلع عن السيارة وممكن يسبب حوادث مميتة !

ولد عمي عنده أوريون 2008 وحسب ما سمعته منه أن صرفها للبنزين كثير بعض الشي وبالنسبة للسرعات العالية 150 وفوق تصير السيارة كأنها باخرة يلعب فيها
البحر من كثر خفتها أمام الهواء ...

الاوريون الافضل في فئتها
وسيارة عملية ورائعة جدا
وعلى الله تلقا لك موتر
لاني انا كلمتهم بخصوص اللون اللؤلؤي ولكن قالوا راح يتاخر لان الطلب عليه عالي

أخوي لا شكر على واجب عموما ترا العزل قريب من الفورد يعني مو اشكاليه وترا فيه عازل للصوت يسوونه بزيبارت بالف وثلاثميه يعطيك عزل رائع جدا وفوق ماتتخيل يعني لا تشيل هم من ناحية العزل وشكرا

مشكورين اخواني على ردودكم الاكثر من رائعه , وبالنسبه لي بصراحه انا سيارتي الحاليه فورد ماركيز وهو جدا مريح وصوت الهواء خفيف جدا

ما ادري الخوف يصير التحول الى الاسواء اذا اشتريت الاوريون خاصه بعد كلام الاخ عن عزل الصوت ولكن السياره كشكل روعه

تحياتي لكم اخواني

أخوي اما صرفية البنزين فالسياره ممتازه بالنسبه لفئتها وماتصرف بنزين ابد والبنزين خله اخر تفكيرك وراحة المراتب مريحه ماشاء الله ماكأنها ياباني والله براحة الامريكي
اما عزل الصوت بصراحه يعني متوسط مو بذاك الزود اما بالنسبه للعازل الحراري فيه خيارات كثيره ومااقدر افيدك بالمقارنه بينهم لكن الانواع كثيره وتقدر تختار منها اما بالنسبه لرساوتها والله السياره راسيه ماشاء الله وتمشي عليهاالى 180 رساوتها ممتازه اما فوق كذا ماجربت بصراحه اما بالنسبه للمطبات انا اعتبرها مريحه على المطبات وافضل من بعض السيارات اللي في فئتها بكثير

باحتصار اخوي اذا تبي سياره شبابيه وشكلها جميل ومواصفاتها ممتازه وسعر مابعد البيع ممتاز فتوكل على الله واذا تبي سياره عائله افخم واريح فخذ لك افالون تراها رائعه وتتفوق على الاوريون من ناحية العزل والراحه والفخامه ولكن تتفوق عليها الاوريون بالمواصفات وكلامي طبعا عن الفل الكامل للسيارتين وشكرا