ايهم اقل ضجيج وضوضاء بالسفر التاهو ام الاكسبدشن ؟

الاقل ضجيج و الاكثر راحة هو التاهو لأني جربته في الخط ما شاء الله مريح جدا
تحياتي

أنا ما أقدر أفيدك عن الإكسبيدشن لأني ما جربته

بس التاهو اللي معي الحمد لله ما واجهت أعطال أبد إلا أقفال الأبواب وتم تغييرها على الضمان

التاهو فيه بعض العيوب ومنها

عزل الهواء برأيي أعطيه 6 من 10
نزول الواجهة ( لهواة البر)
مراتبه فيه نوع من القساوة ( مقارنة بالقراند ماركيز)

يحببني بالتاهو قوة المكينه:a120(40): وشكله الحلو :emot80:

الي يقول لك فيه فرق بينهم بالراحه و يقول ان الفورد اريح من التاهو في الخط

هذا مع احترامي له ما عنده اي حياديه في الموضوع

اليوكن = التاهو = الاكسبيشن على الخطوط كلهم سوى ما فيه فرق
يمكن صوت العزل فقط لكن
الي يقول خربات التاهو برضو اقول لك انه ما جرب و يسمع و ما يدري

انا عندي تاهو و جربته على الخطوط الطويله و الممله

و حتى صوت الهوى ما اسمعه او نسيته لانه مو ذاك الصوت الي بيسوي لي قلق

يمكن اول ما شريت السياره ازعجني لاني اول مره اشتري جديد و تفاجأت
فقط

الفورد يتفوق على التاهو و اليوكن في خدمة ما بعد البيع الوكيل فقط

لكن بالشكل ما اظن فيه مقارنه بين التاهو و الاكسيدبيشن
اكيد التاهو اجمل منه بدون مقارنه

يمكن الاكسبيدشن الي قبل ذا الشكل أجمل من الاخير بكثير

لمحرك هو نفسه في جميع الأنواع والفروق هي كالتالي

ls :
- لون المساكات للابواب سوداء.
- ديكور لون فضي في الطبلون والأبواب .
- لا يوجد تحكم في أرتفاع دواسات البنزين والبريك .
- لا يوجد حساسات خلفية .
- لا يوجد تحكم بالمسجل في الدركسون .
- مكيف عادي مع تحكم بدرجة الحرارة لكل من السائق والراكب بشكل منفصل .



Lt :
- لون المساكات للابوب نفس لون البدي .
- ديكور خشبي في الطبلون والأبواب .
- وجود أزرار في الطبلون للتحكم في أرتفاع الدواسات و إقفال وتشغيل الحساسات الخلفية .
- وجود حساسات خلفية .
- تحكم بالمسجل في الدركسون .
- مكيف عادي مع تحكم بدرجة الحرار لكل من السائق والراكب بشكل منفصل .


Ltz :
- لون المساكات للابواب كروم
- كراسي جلد .
- تدفئة الكراسي .
- ذاكرة لوضعية مقعد السائـق .
- فتحة سقف .
- مكيف ألكتروني .
- شاشة dvd .
- فتح الشنطة بالريموت أو بأزرار .
- الصف الثاني للكراسي يطوى آليا بأزرار عند السائق أو جمب الكراسي نفسها .




و على حسب الطلب يعني المقاعد متصله و منفصله لفئة الـ lt و الكاميرا تلقاها مع فرق السعر
ويوجد ميزة في جميع الأنواع وهي تشغيل المحرك والمكيف عن طريق الريموت ، يعني وأنت في بيتك شغل السيارة والمكيف وأركب السيارة وتلقاها باردة .

و اعتقد العيسى مواصفاته افضل و السعر

كلاهما متقاربين من ناحيه الراحه والاعتمادية
ولكن الفرق بينهما بالصيانه وتعامل الوكيل وهما الجميح وكلاء GM كما اسمع مش ولابد أما عن توكيلات الجزيرة وكيل فور فكما اعرف ومن تجربة 5 سنوات تعامله راقي في منطقتي

وللعلم معي اكسبيدشن + باجيرو قصير

اخوي حساسية ودي اعرف كيف اربط الجوال او جهاز الملاحه بالسيارة؟؟

ماقصر اخونا حساسيه وفى وكفى

بالنسبة لي اشوف ان الاكسبديشن اريح وارسى على الخطوط وعزلة ماراح اقول ممتاز لكن جيد جداَ واشوفه اريح من التاهو وذلك عن تجربة..

صدق اني ماملكت التاهو لكني اركبه شبه يومياَ مع احد الاصحاب وابناء العم

واذا انت من اهل الجبيل حياك اخليك تجرب السيارتين

سبق وسقت يوكن XL في مسافة فوق 80 كيلو متر متواصلة
وكانت تجربتي لها رائعة جداً
وحاليا لدي اكسبديشن قصير
وما اشوف فيه ذاك الفرق الكبير " في الراحة بالسفر " اللي يخليك تحدد أي سيارة تختار

لكن الله حق

متعة القيادة داخل المدينة بالنسبة لي للاكسبديشن وبجدارة
وعموما يبيلك واحد جرب السيارتين مضبوط وهذي نادر تلقاها , عندك اخونا ابو لميس الله يحفظه كان عنده يوكن اذا ماخانتني الذاكرة وباعه وشرى اكسبديشن ومرتاح معاه جدا ويمدحه اكثر من اليوكن

وبالنسبة لـ



صوت المكينة ماشاء الله تبارك الله هادي يعني لو تمشي على الفصلة ( 180 كيلومتر بالساعة ) الضغط تحت الـ 3
وراحة المقاعد كذلك ممتازة وبالنسبة للعزل انا ماجاز لي مره ولكني تعودت عليه مع العلم ان سيارتي السابقة كانت سيدان

اما بالنسبة لفئات الاكسبديشن عندك 3 فئات تتفاوت بالاسعار تفاوت كبير نوعاً ما وكذلك بالمواصفات

XLT السياحي ( وماشاء الله ماكنه سياحي بالموديل الجديد )

كشافات ضباب
مسجل 6 سيديات
تحكم بالمسجل من الطارة
مثبت سرعة
مداخل USB & AUX داخل التكاية
قير أرضي
حساسات مخفية
ارقام سرية
جنوط 18 اشوفها جميلة
نظام SYNC يتيح لك ربط الجوال او جهاز الملاحة بالسيارة وتستطيع التحكم بالجهاز اللي ربطته عن طريق الأوامر الصوتية
مثل اجراء المكالمات او الرد عليها او قراءة الرسائل وكذلك اوامر اجهزة الملاحة التي لا اعرفها صراحة

وهذي الفئة اللي عندي وفكيته ببداية شهر 12 بـ 142 الف واكيد سعره نزل الآن

وباقي الفئات ما اعرف مواصفاتها مضبوط ولكن اسعارها من 160 الف وانت طالع اللي هي الايدي باور والليمتد

اذكر لك بعض مواصفاتها وما اقدر احدد لك بالضبط باي فئه هي

جنوط 20 انش واكيد بتفرق بالراحة والرساوة عن 18 وافضلها لك اذا انت راعي مدينة وسفريات
وطايات للركوب تنسفط تلقائيا بعد اغلاق الباب تعطي منظر رائع جدا والسيارة تمشي
فتحه بالطبع
شاشة
مقاعد جلد
ثلاجة
شمعات مكحلة
في فئة الليمتد لون السيارة موحد
في فئة الايدي باور السيارة تكون بلونين



وهذا اللي عندي بخصوص الاكسبديشن وحبيت افيدك فيه

وموفق انتظر معاك ردود الاخوان

شوف اخوي انا املك اكسيبيديشن و ركبت تاهو<<<لا يا شيخ تكشخ:bigggrin:
التاهو ميزته مريح و شكله وحششششششششش بس يعيبه الوكيل و الخرابات اللي اسمع عنها بالمنتدى:c0038:
الاكسيبيدشن اقل راحه و مراتبه اقسى شوي و شكله اقل مستوى من التاهو بس عزله ممتاز مقارنه بحجمه و سيارة راااااااااسية جدا و سيارة تكرررررف معاك و اكثر من ممتازه بالسفر عن تجربه:bigggrin:(بس ما جربت التاهو بالسفر),,,وكيل ممتاز و تعامله راقي
و اذا عندك اي سؤال انا جاهز