تقرير وانطباع مبدئي عن تويوتا لاندكروزر 2010 ...... @@@ الولهان @@@

اي سيااره معرضه للخرااب.....لاننسى انها صنع بشر:smile:.... لكن عندي نقطه ودي اوضحها...
انا من مجربين الجمس...خاصه السييرا مر علينا حتى الان 5 سييرا ويوكن لذلك عندي خلفيه كبيره عنها
جي ام من 2007 وطالع مو مثل اول ابد...!!
بالنسبه للمشاكل اللي نسمعها للاسف بعضها صحيح
والله يحمي مواترنا وماوتركم من كل شر...في الاخير كلها الآت مصيرها الخرااااب
تحيااتي

شوف يا بعدي

معنى ان انتاج سلعة كله حصل بدون اخطاء هذا مستحيل تلاقيها في اي مصنع

طيب وش تفسر الكلام اللي طلع عن قير التاهو مع اني صراحة ما بعد شفتها امامي لكن اقل الايمان لا تكذب ولا تصدق و حتى لو صارت امامي عادي كم تاهو غيره ما خبط لا محركه ولا قيره

لكن انك تنفي الخرابات من المحركات فهذا شي ما يدخل العقل وانا اخوك حتى مكاين الديزل اللي بالمزارع تخرب هذا وهي مخصصه للكد

و صدقني ما هو لازم تكد المحرك عشان يخرب ... الشايب معه كابرس 86 بكس له فوق 7 سنين معه ابعد مشوار 10 كيلو و تمر عليه ايام ما اشتغل و الله تو مكينته تحت التمرين موظبينها

و عشان لا تزعل كان جمبه مكينة هايلكس 98 توظب عادي ما فيها شي ولا عابها

و ما تدري يمكن خوينا ما هو خبير بالجموس لكن يمكن حظه فيها اقشر او شايلته عين :confused1: صح ولا لا !

المختصر المفيد

في عالم السيارات ما فيه شي ما يخرب و لو انك دايم تمر الورش كان عرفت ان الخراب ما يضر سمعة الموتر ولا يعيبه و تشوف انواع المواتر الجدد تصلح مع اللي اقدم منها مهما كانت صناعة الجديد

*بنفسي كذا مره محصل تاهوات جدد مماشيها اقل من 40 الف دفرنساتها مفككة عند الجميح ... ومع ذلك لا زال اختياري الاول هو التاهو

شباب انا ما ودي اتدخل
بس الحوارات والتداخلات الاخيره انحرفت
بالموضوع عن مساره

كل شئ معرض انه يخرب لو توك مطلعه من الوكاله
بس السؤال ليش تتم التضحيه بموتر وبيعه
بخساره وهو ما يزال جديد وجيله جديد وضمانه ساري ؟!

اذن العله موهب في الموتر وانما نقول الاستعجال في شرائه
وعلى تشكك وكره بعد . بحيث انه بمجرد ظهور شئ مقلق يتم بيع السياره!
وقد يكون عادي الامر جداً او يصلح تحت الضمان

عموماً مثل ما قلت ما ودي يتواصل الانحراف عن الموضوع
الاساسي وهو الانطباع الاول للاند كروزر

تحياتي :xyxwave:

عزيزي

أسلوبك ماكان جيد


ممكن تشرح لي وش محل هالجملة من الاعراب في بداية كلامك

( جنت على نفسها براقش )

الرجال ماكان يبي يجيب طاري التاهو الا يوم اصرينا عليه بالردود

ودامك تقول الجموس معروفه وراك اجل استشطيت وقلبت الدنيا

دامها معروفه فما راح يضرها رد او ردين او حتى مواضيع

انا كنت مثلك لكن دام الشوارع تقول عكس كلام المنتديات ماعاد صار يهم

كل شي بالامريكي يخرب الا محركه هذا الشي معروف لكن ماهو معناته انه محرم نسبة قليله من المحركات يجيها بلا

اجل لو خبط معي جمس وجيتك ابيك توضبه لي بتكذبني :bigggrin:

الله يهديك بس

اخوي ولد وايل المثل يقول حدث العاقل بما لايليق فان صدق فلا عقل له

وهذا المثل ينطبق على صاحب الموضوع جايب لنا سالفه ماتدخل المخ

تبينا نصفق له ونقول له ايه صحيح وخلاص كل اللي معهم جموس مايفهمون

وانت راعي الاوله جبتها يالسنايدي افا بس ماهقيتها تطلع منك



وكل المنتديات فيها حقها من الرجال ياولد وايل مهوب هالمنتدى بس


سلامي لك

هلا ابو هذال

انا معك باللي تقوله لو كان سوء استخدام اكيد اي مكينه بتمشي عليها بدون زيت بتنعدم

لكن سالفة ان الجموس كلها مكاينها تخرب من الباب للطاقه فهذا الشي مامر علينا

وحنا راعين جموس وبران وكد وجلد وحتى حملات حج فيه ناس من ربعنا مايرحمونها

ولاعمري سمعت هالكلام اللي يقوله والامريكي معروف اقوى مافيه مكينته وتحملها

للكرف والجلد


شاكر لك تعقيبك

هذا الكلام يابو هذال

المواتر توافيق وهي صنع البشر

معروف انه المحركات الامريكيه خصوصا الجيل الجديد من ايام الحلابات والى الان وحده من اكثر المحركات عمرا لكن ماهو معناته انه مايحصل معها شي

اما تكذيب الرجال والفلسفه الزايده ذي ماتنفع الا في منتديات غير هالمنتدى

وكأنه اخبر واحد بالجموس

ماشاء الله تبارك الله
الله يطعمكم من خيره ويكفيكم من شره
سيارة محترمه لأبعد الحدود

ولكن أختلف معاك وبقوة يوم قلت أنه أفضل من قيادة التاهو والدينالي .......!!!

جربت السيارتين ولا يوجد وجه مقارنه بينهم
لا من قوة محرك ولا رساوة ولا راحه

بارك الله فيكم
أبو عبدالعزيز

^^^

مع احترامي

لكن الامريكي موتر يصيبه ما يصيب غيره من المواتر و التاهو صنع بشر يخرب و يروح فيها بعد و مكاينهم صحيح رخيصة و قوية و تتحمل لكن برضه تبقى مكينة لو تمشي بها بدون زيت خبطت ... التاتا نفس الشي !!!

ايه فيه لقلقة في الصباح لكن ما تطول بالكثير 10 ثواني لاجل الزيت يكون تو ما وصل البلوف
و هي توافيق من رب العالمين موترك مبهذلك تبيعه على واحد تلاقيه معه احلى من العسل

و الله يعين

يقول المثل جنت على نفسها براقش

واللي باللون الاحمر يبين انك منت راعي جموس واهل الجموس يعرفون كلامي زين

معروف الامريكي بقوة المحركات وصبرها لدرجة البدي يروح والمحرك باقي فيه عمر

اما كلامك يالولهان فمع احترامي لك جانبه كثير من الصحه


لو قلت شي غير المكينه كان انهضمت وصدقناها :bigggrin:


تحياتي لك

الله يعافيك ..... واخيراً عرفنا قصة التاهو ...:smilie16:
بس ليش ما وديتوه للوكاله ما دامه على الضمان !!! وخاصة انه توه جدييييييييييد:confused1:
انتم شاكين في احد صاكه بعين ؟


عموماً مالنا بهالشغله .... وكلن حر بتصرفاته

بارك الله لكم في الموتر الجديد ان شاء الله
والله يبعد عنكم كل لقلقه :smilie16:

تسلم يابو راشد..

لاهنت على المرور



مممممممم اتوقع حتى لو ارض مو مايله راح توقف السياره علىى القير لكن فعلا زي ماذكرت انه تصير اخف

يعطيك العافيه وشكرا على المرور والرد

على فكره اخوي ملك الشواص ترا محطات البنزيم الي تغش هالايام واجد يخلطون مويه مع بنزيم وقاز مع بنزيم وديزل مع بنزيم طبعا اي سياره ممكن تخرب من هالشي

صوت طقطقة البلوف تقصد,والله غريب جدا انا واخوياي وربعنا ونسايبنا كلهم جموس من 1980 ماقد خبطت مكينه الا وحده 83 454 انكسر الكرنك بعد الحراره العاليه جدا

الله يوفقكم بالجديد ذا انا موتري 2009 نفس المكينه مافيه شي الحمد لله الله يتمي عليه

حياك الله يابو لقلقه ..:bigggrin:


مممممممم في صوت في مكينه التاهو واليوكون يطلع في الصباح اذا كانت المكينه برد زي كذا لق لق لق لق وبعدين يروح .. لكن الي حصل معنا ان الصوت يزيد مع دعسه البنزين يعني كل مادعست كل مازاد الصووت وزادت القلقه <==== افلقني كانك فهمت شي :bigggrin:

لكن اصحاب الجموس يعرفون قصدي

ومشكورر على مرووووووورك

الله يعطيكم خيره ويكفيكم شره وتقطعونه بدون لقلقه :bigggrin:

اللحين وش الفرق بين اللقلقه والطقطقه والتكتكه والا كلهم عيال عم :smilie16:

لاني بصراحه ما استوعبت الصوت هل هو صوت جديد خارج عن المألوف متقطع والا مستمر والا كيف

بنتظار تقرير اللاند ان شاء الله

ماشاء الله تبارك الله
زين ما اختار والدك
سيارة ما عليها كلام
بالنسبة لسؤالك عن ان والدك يوقف السيارة على الp
لو على ارض مستوية ما في مشكلة بس لو على ارض مائلة يضر الجير و الفرامل الامامية
و ان الوالد ما يحمي الموتر فهذا يقصر عمر الماكينة
بس مو بنسبة كبيرة ((عشان لاند كروزر))
و يعطيك العافية و الله يباركلك في الموتر


اخوك محمد

ماشاء الله تبارك الله....الله يعطيكم من خيره ويكفيكم شره.........

الله يسلمك ويبارك لك في حلالك.. ومشكور على الرد على الاستفسارات..
تحياتي


الف مبروك ..

واذا حصلت شاشه لاتنساني الله يعافيك
يعطيك العافيه:xyxwave:


الله يسلمك ..

وان شاء الله نحاول معه ..
بالنسبه لكلامك ((( برضوا هناك بدائل بسعر اقل ...)))
عجزت وانا ادور وماحصلت .. جربنا الدينالي والباترول بصراحه مايجون عند الكروزر .. يتفوقون عليه في نقاط صح! لكن كاستعمال عادي ويوميي طبعا الاندكروزر افضل وهذا رايي من تجربه ..

يعطيك العافيه





الله يبارك فيكم ويبارك لكم في حلالكم..





يبارك فيك يابو فهد .. لاتمدحني كثير ترى كل يوم اصير انزل موضوع :bigggrin:

نورت الموضوع



يبارك فيك يابو عزيز..
ان شاء الله انتظرني بس <=== على وزن افلقني :tongue:

يعطيك العافيه



هههههههههه جايك يالتاهو :mad1:

اول شي لازم اقولكم قصه قصيره حصلت لنا قبل ...
كان معنا يوكون 2005 دبل سعودي شارينه جديد .. طبعا كان تووب التوب بصراحه .. لكن كان دايم تحترق لمبات الفرامل:mad1: بشكل خيالي ..
نجي للمهم مره شغله الوالد الصباح .. وسمع صوت لقلقه في المكيينه .. ( انا ادري ان الجموس فيها لقلقه لكن هالمره زاااايده ) وكان الوالد مضطر جدا للسفر الى الديره ( القريات :xyxthumbs:) وراح فيه وطنش الصوت والخراب .. الى ان طقه المكيييييينه!! والله العظيم ياجماعه ان المكينه طقه !! موديل 2005 ! وتضرب المكينه طبعا تصليحه مكلف جدا جدا !! ومنتهي ضمانه لانه كان ماشي تقريبا 95 الف هالحدود.. المهم قرر الوالد يبيعه وبااعه بسعر رخيص جدا كون ان المكينه مضروبه !!! وشرينا بعده التاهو 2009 بدون دبل.. قير 6 سرعات الجديد ومن اول ماطلعناه والوالد مو مرتااح معه ابد !! الى ان حلت الكارثه .. وشغله قبل اسبوع وطلع صوت لقلقه نفس اليوكون بالضبط وكان برضو مرتفع .. فبعد مشاورات باعه وبلغ المشتري ان فيه صوت في المكينه ... ورجع ابوي الى عرش الكروزر بعد فراق 14 سنه ( كان عندنا 96 خليجي) وردد بصوت عااال ( تويوتا وبس) وتي تي خلصت الحتوته :bigggrin:

بالنسبه للقير ماذكر فيه مشاكل او اي شي من هالامور..
والتاهو بصراحه جلس معنا هالفتره ممتاز لكن يعيبه لقلقه المكينه الي طلعت فجاه وديكوره جدا رخيص ! :c0038:


يعطييييييييكم العافيه جميعا