السلام عليكم ورحمة الله وبركاتة
اخواني
ابي رايكم وخبرتكم
لقيت فورد امريكي
لونه ابيض
ماشي 45 الف ميل
ستاندر حيل
الجنوط طيس ( بس قالي الموظف رح يغيرها لي الى جنوط 2005 نصف فل)
المسجل كاسيت
المكيف فرار
مراتب مخمل لون بيج
ضمان 3 سنوات على المكينه والدفرنس والقير
فيها بعض العيوب وهي
مسكات الابواب لونها اسود بالكامل يعني مو مثل الفوردات السياحيه يجي نصفها اسود ونصفها كروم
كبوت السياره فيه بقع بالوسط متقشره
قالي بصبغ لك كامل الكبوت
انا خايف من هالبقعه
هل هي مصدومه
بس يقولي مو مسمكره والدليل يقول ناظر الحديد مو متسمكر وحق وكالة( لونه رصاصي)
انا شفت السياره على طبيعتها اول ماوصلت من الميناء
هم باقي بيصلحونها ويعرضونها في الصاله
وفي شي بعد مخوفني
يمكن السياره بوليس او ليموزين
لاني قعدت ابحث في قوقل عن سيارات البوليس
لقيت اكثرها طيس ومسكات البيبان اسود بالكامل
بقولي الموظف شيك على موقع فايركس مادري وش اسمه
يقول عشان تتأكد من السياره
على العموم اخواني السياره وقفتها حلووه مره وسعرها مناسب( 46 الف ريال)
بس متردد
هل السياره مصدومه
هل السياره بوليس او ليموزين
اخواني ارجوكم لاتبخلون علي بأراكم ونظراتكم
تقبلوا تحياتي
