بي أم الفئة السابعة أو مرسيدس S ؟؟

هلا اخوي ..

شوف بالمبلغ هذا تجيب لك bmw 730 li 2006 او 2007
لاني لقيت ٢٠٠٦ ماشيه ١٠٠ الف ويبي فيها ١٠٠ الف والشهاده لله السياره نظظظظيفه

اما المرسيدس فهي بتجيب لك ان شاء الله s350 موديل ٢٠٠٤ او ٢٠٠٥

وبالنسبه لقطع الغيار البي ام اغلى من المرسيدس هذا شئ انا شخصيا متاكد منه ..

بس ميزة البي ام انك اذا غيرت قطعه انسااااااها اما المرسيدس نفس القطه ممكن تغيرها مره ومرتين وثلاثه ،،،، وفي مشكله معروفه في الفياغرا مستغرب ان ما احد من الشباب ذكرها ،، وهي مشاكل الهيدروليك وهذي حط تحتها عشرين خط احمر مع شوارعنا .. لانها بتتعبك جدا جدا واسال اي احد مجرب الفياغرا وبيقولك ...

باختصار انصحك بالبي ام لان تقنيته وجودته افضل وسعره لما بتاخذه بيكون طايح ويجيب لك موديل ٢٠٠٧ لو تبي بفلوسك بينما المرسيدس بنفس القيمه يجيب لك ٢٠٠٤ .. وترا ٣ سنوات استخدام تفرق معاك ..

واسسف طولت عليك واي استفسار انا حاضر ...

بالتوفيق

حبيبي حياة التميز ... سلمت يداك ولا عدمناك وأسال الله لك التوفيق

حبيبي VIP111 بيض الله وجهك ... أسال الله أن يفرجك همك ويسعدك

حياك الله يالغالي

1- وش الموديل اللي ممكن أحصل عليه بهذا المبلغ ؟
المرسيدس تحصل الى 2005 ، اما البي ام فممكن تحصل الى 2007 بهذا السعر

2- هل في السيارة عيوب متعارف عليها ؟ كيف أسعار قطع الغيار؟ كيف السيارة من ناحية قيمة البيع مستقبلا ؟
اسعار قطع الغيار مرتفعة ، ولكن المرسيدس اقل من الـBMW ، والسعر عند اعادة البيع راح يطيح ، لكن مو بقوة ، لانك اصلا انت بتشتريها وسعرها طايح

3- هل تنصحوني بشراء السيارة من قسم السيارات المستعملة في نفس الشركة أو أشتري من الحراج؟ ولماذا ؟
مثل ما قالوا ، الشركة اعلى بالسعر لكن اضمن ، وانت خذ فرة لى الشركة والحراج وشوف الفرق
4- هل تنصحوني بشراء السيارة من السعودية أو من دول الخليج الأخرى؟

السعودية

الله يوفقك ولاتنسى صلاة الاستخارة

السياره ممتازه ,, ومريحه ,, وراح تنبسط فيها بأذن لله

بالنسبة وش أختار بين البي ام ولا المرسيدس لو بيدي آخذ بي ام :smile:

واذا تقول قطع الغيار اغلى بشويه من المرسيدس ,, مو مشكلة لانها افخم وتقنيات اكثر
لكن ابي اقولك ان الفياجرا اكثر عمليه من البي ام

وبالنسبة لقطع الغيار فهي غاليه شويه

انا قدر الله علي وصار لي حادث قبل يومين على الفياجرا الرفرف + المرايه

رحت سألت عن اسعارها شويه غاليه :smile:

المرايه الوحده بـ 1500 ريال والرفرف بـ 1200 وشغل اليد ووو ,, وقالواتبي تكلفني حوالي 4000 الآف ريال وهي طقة رفرف مثل مايقولوا :smile:

وعندك حساس الباب بـ 600 ريال والدينمو خرب علي مرتين وكل تصليح بـ 1000 ريال

وغيرها ,, لكن يحتاج لها عنايه :smile: نصيحه اعتني فيها :bigggrin:

وأي استفسار انا حاضر

ألف شكر للأستاذ عاشق الأوبل والأستاذ Sammy_R-Gti والأستاذ Mohammed-HMS ويعطيكم ألف ألف ألف عافيه على التوضيح ...

أسال الله أن يوفقكم ويسعدكم ويحقق أمانيكم وتقبلوا خالص التحية جميعا

1[COLOR=DarkRed]- وش الموديل اللي ممكن أحصل عليه بهذا المبلغ ؟
[COLOR=Green].
تحصل في هذا المبلغ على مرسيدس من موديل 1999 الي 2004 الي هي الفياجرا
الفئة اس وتقدر تحصل على الشكل جديد بانوراما 2006 بس راح تكون غير نظيفة وفيه غلط
ومن موديل 1999 -2001 سعرها لا يتعدى ال 80 الف
.البي ام مثل ما ذكر الاخونا من سنة 1999 الي 2005 الي هي الحوت
2- هل في السيارة عيوب متعارف عليها ؟
السيارتين جميلتين لا يوجد بهن عيوب كثير
عيب واحد وهو غلاوة قطع الغيار

كيف أسعار قطع الغيار؟
المرسيدس نار غالية
البي ام ارخص بشوي
كيف السيارة من ناحية قيمة البيع مستقبلا ؟
الله اعلم ممكن تبيعها بسعر شراءها .
3- هل تنصحوني بشراء السيارة من قسم السيارات المستعملة في نفس الشركة أو أشتري من الحراج؟ ولماذا ؟
نعم انصحك وبقوة تشتريها من قسم سيارات مرسيدس الجفالي للمستعمل لانه يكون عليها ضمان وسياراته نظيفه
نفس الكلام للبي ام.

4- هل تنصحوني بشراء السيارة من السعودية أو من دول الخليج الأخرى؟
لا اعرف
5- كيف أعرف إن السيارة نظيفة تماما لأني أول مرة أشتري ألماني وما أبي ينضحك علي؟؟

شوف نظافت السيارة تعتمد على ممشاها
النظافة الداخلية للفرش تشوفها بعينك
اما الماكينة فهي بالممشى يعني تقدر تحصل على مرسيدس ماشية 190 الف هذه كويسة ونظافة المحرك تبين معك على الطريق
وسيارتين قد ما تعطيها تستجيب لك ما تشكيلك من شي
سيرتين مريحات جدا ولكن حساسات على المطبات مثل اذا اكلت مطب راح يخرب عندك المساعد والمساعد هايدروليك وسعره فوق ال3000 ريال اما في الطرق السريعه فهي قوي جدا جدا جدا حتى في الطرقات العامة

((اي خدمة نحن في الخدمة))

[/COLOR][/COLOR]

العــفو اخوي

وحبيت اعلق على رد اخوي ســامي

بنسبه لموديلات الــ بي ام صعب يلاقي الشخص بهذا السعر سياره (( نظيفه )) و ماشيه شي معقول فوق موديل 2005 لان بعد هذا الموديل تم تجديد السياره من ناحيه الوجه بشكل بسيط و من ناحيه الخلفيه وتم تعديل على المحرك مثل موديل 735 تغير الى 730 و 745 تغير الى 740

وبنسبه للمرسيدس صعب او مستحيل يلاقي موديل 2006 لان 2006 هذا اول موديل للبنورما ولا يمكن يلاقيها بهذا السعر الا اذا كان فيها مشكله او عطل في السياره بس احتمال يلاقي تحت هذا الموديل يعني من 2005 وتحت لانه هو الشكل السابق
وعموما في حدود هذا السعر تلاقي نظيف وماشي شي معقول في حدود موديل 2003 وتحت وانصحك تاخذ 2003 لانه تم في هذا الموديل تغيرات في الوجه و خلفيه السياره وفي الداخليه من ناحيه شكل الشاشه (( طبعا هذي المرسيدس ))
وارجع واقول خذ لك زياره للوكاله و استفسر عن قطع الغيار

اتمنى لكـ كل التوفيق تحياتيـ

حسب عملي السابق بمعرض سيارات فاخرة تلقى

bmw 7 series بحدود هذا السعر موديلات 2005 الي 2007 طبعا حسب النظافة و المحرك

و بخصوص الفئة اس كلاس من مرسيدس تلقى موديلات 2002 الي 2005 بحدود هذا السعر و ربما اذا حظك حلو تلقى 2006 اس 350 بهذا السعر لكن صعب اقرب شيء لسعرك تلقى 2002 الي 2005

بيض الله وجهك يأخي عاشق الاوبل .. بصراحه فرجت عني هم كبير ... الله يفرج عنك كل هم ...
ياليت أسمع إجابات أخرى كمان ولكم خالص الشكر والتقدير ..