السلام عليكم
أخوي
محب الحقيقة
الحقيقة ما عندي خلفية عن السيارات المذكورة في موضوعك
كان معي باثفاندر 2005 وزلت منه وشريت صني 2006 وجلست معي سنة بعدين بعتها وطلعت بعثة دراسية وراجع بإذن الله بعد شهرين
كنت أفكر بالجراند فيتارا بشدة لدرجة إني جبيت أشتريه قبل أخلص البعثة وخليت واحد من الزملاء يسأل لي عنه في جدة والرياض والقصيم
اللي بالرياض ما حصل شيء واللي بالقصيم يقول بعد إسبوع بيجي كم حبة ولا حدد أي نوع هل هو الفل ولا 4 سلندر ولكن يقول ينزل عن الوكالة من 3 إلى 4 آلاف فقط
اللي في جدة يقول موجود 7 سيارات في معرض الظاهر إسمi الهياس أو الهايس ما دققت بالإسم واجد
يقول موجود 3 سيارات فل 6 سلندر وحدة
بيضاء مباعة وباقي سياراتين وحدة زرقاء ووحدة فضية أو رصاصية والألوان غير واضحة لأنه رايح بالليل والسيارات مغبرة
ويقول فيه 4 سيارات أقل من الفل 4 سلندر ولا قالي الألوان
على العموم أسعار الأربع سلندر ما سأل عنها لكن 6 سلندر الفل يقول على 83 الف مدين
يعني صادر له لوحات وواقف بالمعرض " ليس بطاقة جمركية " وهذا اللي منزل سعره
أنا أشوف السعر مناسب إذا كان بالوكالة بـ 92400 يكون طايح فيه 9400 ريال عن الجديد وهو جديد لكن مسجل بإسم واحد قبلك كلها ماشية من 6 إلى 10 كيلو متر بس
إستخر الله عليه وشاور الجماعة والقريبين منك قبل الشراء والله يكتب لك الصالح
أخوك
Swap
