سؤال بسيط لأهل الخبرة

الله يهديك بس

اخوي اذا قصدك تفحيط تكون السرعه لا تقل عن 70 وفي البدايه
اذا كانت السياره تماتيك تكون في الN يعني في الفاضي وتخذلفتين قبل تسحب الجلنط يمين ويسار سريعه والثالثه بسحبه جلنط على اخرشي وترجعه بسرعه
واذا حذفت معك السياره وانت ما تعرف لعكسياتها واخذت تلعب معاك اترك الداركسون لا تكسر اصابعك

^^^
يا سلام على الاسلوب خلاص الرجال شكله بيشيل الفكره من راسه عشان ردك
وترى المسميات تختلف حسب ما فهمت منه انه يبغى عقده و استفهام [ ؟ ] بس بدون نقطه خخخخخ

اما لو اخذنا حسب الشكل اللي يبغاه ال [ 5 ] " خمسه بالعربي وليست الدائرة الهنديه " فهذي تسويها بالبنزين [ برن اوت ] تقحيص يعني

وال L هذي تسويها بالتراكشن على رمل :)

وانا ما احب اساعد بالشرح في مثل هذي المواضيع لان في قراء اخرين ممكن ياخذون الشرح منطلق لتفحيطهم

هههههههههه قل ابي ارد وجه

اول شي ما انصحك ابداً خصوصاً من خلال هذي الاجواء

لأنه كل مازاد معامل الاحتكاك يزيد التعرض للأنقلاب

لو كنت مركب كفرات عريضه وجديده وفي الشتاء تسحب جلنط هذي فيها احتمال كبير جداً انك تنقلب واعرف واحد سحب جلنط في الصيف (مع ان الصيف يقلل الاحتكاك) بس كان معرض الكفرات شوي وانقلب

والعكس لو كانت جنوط الوكاله و الكفرات ممسووووحه والجو صيف + على مويه او تراب بدون حصا هذي يقلل الاحتكاك = تقل نسبة الانقلاب بشكل كبير

يعني لو كفراتك جديده + في الشتاء توقع انك راح تنقلب ولا تستغرب اذا لقيت راسك على التنده

شكلك ما اشتريت السيارة بفلوسك الخاصة لو اشتريتها بفلوسك الخاصة وتعب عليها والله ثم والله انك تنحرق على البس لو جاء فوق السيارة خلي تفحطبها .

اذا تبيه لفه وحده السرعه من 40 الى 70
تشوف بس لامنك كثرت ها اللفات تعدم عليك العكوس والقصات والكفرات اكيد

^^^^^^^^^^^^^^
هههههههههـ

الله يديم عليك الضحكة

لكن لا تسمع كلامه يا "فورد فييستا" و الله إن يفجر عليك القير ..,,.هذا إن تعشق القير

و بعدين ما أنصحك تسويها لأن دائماً أول مرة تكون طريق للإدمان

و صدقني راح تفكر تسويها مع كل لفة و ما هو "كل مرة تسلم الجرة"

لكن ترى ما فيه سرعة محددة
و ذلك لإختلاف نوع الكفرات و مقاساتها و درجة حرارتها ووزن السيارة و نسبة سرعة الإستجابة للتوجيه في الدركسون و أشياء كثيره

هذا إذا تبغى تضبطها مثل بيتر مانسيل أو سيباستيان لوب أو ناصر العطيه أو كييتشي سوتشيا

أما إذا بتسويها مثل ما سوى كثير من الشباب فسوف تتعلم بطريقة
"كل دقة بتعليمه" و هي طريقة ليست جيدة لأنك بتعدم سيارتك مقابل لا شيء

أنصحك تتجه للسباقات الإحترافية أفضل و أفيد لك و لغيرك

عسى الله يوفقك و يحفظك

:xyxwave:

أمش اربعين ولف الدركسون وحطها في الريوس واسحب الجلنط
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

والله بتخوفوني ياشباب
بس أنا حابب أجربها ولو لمرة واحدة فقط
يعني ممكن نقول إنو السرعة 60 أو 80 جيدة وتكون السيارة محافظة على وزنها ولا لازم تكون السرعة أقل شوي
وأشكركم على الرد

السرعه لاتقل عن 240مع لف الدركسون للاخر


انتبه تصدّق ترا هذا انتجار فئه 5نجوم

انا مره قبل 25 سنه كانت عندنا ددسن 81 سحبت جلنط والسياره تمشي80 وكنت بالليل
قعدت تدور في لين وقفت انا احسبتها منقلبه كان فيه واحد يشوفني وانا افتر يقول كأنك تريكٍ محذوف , عقبها ماعمري سحبت فرامل اليد إلا والسياره واقفه وحياناً اخاف اسحبها لو السياره واقفه :smilie16:

قصدك تفحيط ؟ حسب السياره والسواق وحجم اللفه لكن ما انصحك خذ النصيحه من مجرب كان عندي سياره ما كنت ابغاها حقت الثانوي وكنت اسحب فيها جلنطات على الرمل يوم خلصت الثانوي وصرت اخذ هايوي كل يوم صرت امشي وانا خايف القى نتيجه جلنطاتي لان اجزاء كثيره تتضرر في السياره اولها الكفرات والمساعدات لا تتهور عشان لا تتعور