عاجل ... سوناتا 2009 سياحي جير تماتيك كم سعرها ؟؟

اخذها وانت مغمظ لو بـ45000

انا كنت داخل معارض النسيم بالرياض
وجاني شريطي قال تبيع وقلت بشوف كم تجيب عطاني 45000
وسيارتي سياحي تماتيك لونها ابيض ماشيـه 31,000

يعني ماقال الشريطي 45,000 الا ان وراها مكسب

يعني اخذ ذي ومنت خسران ان شاء الله

والله يكتبلك اللي فيه الخير

ياخوي اذا انت من جدة فالسيارة اللي تتكلم عنها الظاهر مافيه غيرها اللي شفتها
في معرض خضر المالكي نفس المواصفات اللي ذكرت ونفس السعر كان طالب فيها
45 ألف ريال ولا اعجبتني لانه يوجد على ما اذكر دقة في احد الابواب واضحة ولأني
كنت ادور على فل كامل ، وبالتوفيق

في فضي ( الي منتشر )
وفي فضي غامق (نفس سيارتي) ولو تبي تشوف اللون ابحث في مشاراكاتي لاهنت
وفي فيراني او رمادي
كل هالثلاث الوان موجوده على السوناتا واحلاهم والي انصحك فيه هو الفضي الغامق الى يعطي بالعصر على بنفسج تقريبا

شاكر لك أخي حسون وجزاك الله خير

يعني أستخير الله سبحانه وتعالى وأشتريها

السعر حلو كثيييير وللأسف ما عندي صور للون هذا
بس هو حلو والداخليه اسود حلوة كمان
تحيآتي ,,,

للــــــــــــــــــــــــــــــــــرفع

الله يجزاك خير أخي كاسر

طيب يا اخوان وش رايكم في اللون رصاصي ومن الداخل أسود

وهل الرصاصي هو الفضي الغامق

ويا ليت صورة لسوناتا باللون الرصاصي

لأني ما شفتها الى الآن

والرجال معرفتي به عن طريق النت فقط وهو في مدينة اخرى

تكفون يا اخوان محتاج مشورتكم ونصحكم عاجل عاجل قبل ما أتورط :blue: .