سؤال صغير عن اليوكن

يا حبيبي بلا يوكن بلاهم غير هذا لاتدور:c0038:

يا حبيبي بلا يوكن بلاهم غير هذا لاتدور:c0038:
[/IMG]

اخوي
اذا تبي الشور خلك من الدبل

الجمس ما شاء الله عليه ما يحتاج دبل

واحد من العيال معاه يوكن 2005 بدون دبل نطلع عليه دايم نتمشى ونفلها بدون مطامر واموره ماشيه اهم شي تكون دعستك وحده

كلامك عين الصواب
اكيد استخدام الموتر بصوره سلبيه يعدم ابو الموتر في وقت قصير:blue:

مشكلة اليوكن يطربك انك تدعس عليه ما شاء فزه ودزه وفله :smilie16: بس ان شاء نسدد ونقارب ونحاول نركد رجلنا شوي:smile:


شكرا على اجابتك لي وان شاء الله الفايده للجميع

اذا الموتر يمشي بدون دبل كويس جدا

الدبل صح يمكن تطب في موقف وتقول ياليتني شريت دبل لكن نادرا ما يصير وانا اسوق بركاده في الطعوس اذا طلعت لها

شف يابعدي

انت تقول راعي طلعات بر خفيف .. وربيع بس

اقولك من الحين لاتاخذ دبل .. لانه يبي يغنيك الجمس عنه وكثير بعد يحتاج منك تنسيم

وادعس ويمشي بأذن الله

لكن اذا تبي للتهور والتطعيس ورقى النفد ومطامر بالنفد وغيره خذ دبل

بس كله شهرين من الطلعات وهو منسدحن بحدى الورشات ومتفكك

ماقولك انه مب قوي بالنفود لا ! بالعكس ماهنا اقوى منه ماشاء الله

بس مب للمطافيق الجمس .. :bigggrin:

والجمس معروف يابعدي بالتحمل والكرف .. استخر ربك ومانت شايف الا كل خير باذن الله

ومن ناحيه ان رجلك حاره فحاول ماتدعس له لاخر شي .. مير ازين من اللي يوصل ضغط المكينه لـ 6 هههههههه

بالتوفيق يالغالي

هلا وغلا اخوي ,,,

بالنسبه للدبل يضل الموضوع رغبة شخصية يختلف عليها الكثير


لكن هذا رأيي وفيه كم واحد من العيال مع رأيك بالدبل بس اللي انا ابي أوصل له
الـGMC في الطعس يمشي ما يقول لأ بدون دبل هذا لو كنت تبي تتمشى بس تطعيس لازم منه اذا تقصد الرقيات والمطامر
بس لا تنسى طول وجهه ولا تنسى انه مع الاستخدام بهالطريقة راح يتفكك ولا راح يعيش معاك


تحياتي أخوي

اخالفك الرأي اخي العزيز من ناحية الدبل ...

++ عشره الاف بسيطه بصراحه واشوف حرام واحد ما يزودها وتكون السياره دبل .. حتى عند البيع يفرق كثير بالسعر بدبل ولا بدون.

... من ناحيتي الدبل اهم شى عندي اكثر من فتحه او اكسسوارات لا تقدم ولا تأخر .

والله من ناحية استعمال انا رجلي لك عليها حاره شوي عشان كذا ابغى الموتر اللي يتحملني واتحمله

وعليكم السلام ورحمة الله

ما قصرت يا مخربها والله فصلتلي تفصيل حلو ورائع وكلامك من ناحية الدبل والسعر ما بعد الاستخدام صح

الله يعطيك العافيه

السيارات توافيق لكن إذا انت حافضت عليه من الأستعمال السيء راح يعيش اكثر من 10 سنوات واليوكن الجديد 2008 و2009 مثل سابقتها الـ2000 لايزال بعضهم يعتبر بحاله ممتازه المحرك مافيه اختلاف كبير كلهم من نوع فورتك اعرف واحد معه 2003 ماشي 370 كلم مايغير لون الزيت واشتغاله ما شأ لله هي سيارات خطوط بالأساس هل تعلم بأنه في امريكا الخطوط عندهم قد تصل لــ9000كلم ومتوسط رحلات السفر عندهم 4000كلم وشوف صالاتنا اكثرها يوكن وشفر استعمال امريكي محركاتها عمليه جداً واثبتت نجاحها وبالمناسبه كل محركات سيارات GMC من نفس النوعيه اليوكن ,والهمر ,والأسكاليد ,والدينالي لكنها تأتي بأحجام:

8100 سي سي وهي على السوبرمان حجم 2500وهي الأقوى لكنها نادره .
6100سي سي على الدينالي .
5300سي سي على اليوكن العادي وهي المنتشره.
اقرب حجم للسعه هذي هو الفكس ار ثمان سرندل 4700 سي سي .

ملاحضه الـسي سي(سعة السرندلات من الداخل مجتمعه وتعني ,سنتي متر مكعب) وكلما زادت السعه زادت القوه بالطبع .

السلام عليكم ... انا هنا :xyxwave:

اول شي أخوي
السياره نازله في 2007 يعني مافيه احد راح يقدر يجزم لك انها راح تعيش 10 سنوات لكن
انا اللي اقولك ان السياره مبدأياً عمليه جدا
انا شاريها في نهاية 2007 موديل 2008
الحين لها معاي سنه و10 أشهر ماشي 65000
الحمد لله تمام ما عندي اي مشاكل يعني في البداية كان فيه بعض المنغصات اللي عشانها أخترعوا شي اسمه ضمان
الموتر اقدر اقول عنه عملي الى حد ما

بالنسبه للدبل
انا ما انصحك فيه لأسباب
الأول وجه الموتر طويل مو مثل الأولات يعني ما يمديك تقطع جره الا واللحيه طايحه مع اني وللأمانه ما جربته لكن وجهه والله طويل واصل للأرض

النقطه الثانيه راح تزيد 10000 ريال عشان الدبل وفي الأخير ما راح تستخده الا يمكن شهر في السنه
ادفع 10000 ريال في الفتحه والجلد أو اي مواصفات ثانيه راح تستخدمها

عموما اذا انت مصمل على الدبل لا تاخذ جنط 20 للانها ما راح تتوافق

لان الجنط الكبير ما راح يتمحل البر والتنسيم لان الكفر واطي مررره
بالنسبه للسفريات خذ رجال ما شاء الله عليه
سافرت عليه واجد ولا أروع الحمد لله


نجي لموضوع السعر

الملاحظ اليوكن 2007 الى 2009
انتشاره العضيم وهبة العالم فيه وهذا الشي اللي خلى الشريطيه الله يعطيهم العافيه يفكرون يرفعون أسعاره الى حد كبير

يعني في المعارض انت روح وشوف وألقي نظره عليها
راح تلاقي أسعارها عاليه وقريب من سعرها وكاله
مثلا الجديد في الوكاله 130000
اللي في المعارض 2009 ماشي30000 بيكون حدود 125000

هذا والله أعلم

وعسى الله يكتب لك اللي فيه الخير و أي أستفسارات ثانيه انا تحت أمرك وانا أخوك .

السلام عليكم

عزيزي الناس في المدارس والدوامات فطلول بالك بارك الله فيك

هناك عدة مواضيع في المنتدى تتحدث عن اليوكن ومميزاته وعيوبة وتستطيع ايجادها باستخدام خاصية البحث