شباااب والله قهر سيارتي وكااله ومحكوكه

الله يعينك اخوي وانشاء الله يلقون عقابهم من الله يا اخي مايخافون الله ذولي حسبي الله عليهم.

الله يعينك
للاسف الوكالة ما تصلحها بالضمان ومالك الا انت ترشها وحتى التأمين ما راح يصلحها لك وان كان شامل لان لابد من طرف ثاني واجراءات ترفع الضغط
الله يعينك

هههه انت تقول ما كملت ٦٠٠٠ الف عليها انا من سكان جدة و سيارتي ما كانت مكملة ٢٠٠٠ كيلو إلى جو عيال حرام حقين كول زي ما وصفلي السواق إلي كان في سيارته جالس فلبيني جيت و لقيت السيارة مخدشينها من طرف اليمين و اليسار قلي عيال لابسين إسكيت و لفو على سيارتك مرة واحد و راحو انا واللة إنحرق دمي بس اخذتها برواقهـ ولا راح ارش السيارة اصلن لئن اول شي العين حق و ما تذكر اللة و ثاني شي اذا احد شافها ما فيها خدوش راح يخدشها ثاني ريح بالك و لا تهتم هاذي غير عن سيارة خويي ايام الكامري لمن نزلت شكل الجديد جاء و لقى سيارتو مخدوشة صح و لاعبين ٣ مباريات إكس اوو على كبوت سيارتو كما تدين تدان يوم من ايام راح يجيهم نفس الشي في سياراتهم
وسع صدرك و خليهـا على اللة

الله يعطيكم العاافيه على ردودكم
والعلم اللي سويته اني دقيت على الشرطه بالجبيل وقلتله على الساالفه وفتح محضر
وعدني يوم سبت قال تجي وتاخذ التقرير للتامين ويعدلووها حمد الله على اللي صار زين انها جت على مخشااات بس والله كل مانزلت من السياره اروح اتحسسها اخخخخ الله لايوريكم اللي جااني ماني قاادر اصدق <<<< لو انها بانوراما وش بتسووي خخخخ
وانا من سكان الرياض وادرس بالجبيل الصناعيه
ويعطيكم العاافيه

اخوي انا نفس الشي لاكن المشكله انها في الكراج << اخواني الصغار يمخشونها

لاكن عندي لك حل اسهل من انك ترش السيارة اذا كانت سيارتك لون غامق اسود

مثلا روح للمكتبة وخذلك قلم سبورة اسود وغطي فيه المخوش << مثل ما اسوي

والشكوى لله واذا كانت سيارتك متحككه اكثرها ما لك غير ترشها كامل

والله يكون في عونك ...

الله يعينك

والله هالسالفة تقهر ومن جد

:xyxthumbs::xyxthumbs::xyxthumbs::xyxthumbs::xyxthumbs::xyxthumbs::xyxthumbs:

p

picasso.

اخوي تعرف ايش تسوي حل بسيط قوم قيام الليل كل يوم قوم ادعي على الي حكها وادعي عليه من كل قلبك والله لا تشوف النتيجه ايجابيه هذا ابسط الحلول لكن اخوي انت في اي مدينه ساكن ؟

لو يقوم ويعبد ربه ويدعي لنفسه ولوالديه ولبنيه يكون أفضل
وحتى يدعي للي عمل العمله .. ما يدعي عليهـ


أقول لكـ شي بسيط .. والله يعلم إنها حقيقه
شريت الأزيرا وبنيت بايكهـ (موقف) وكل ما أروح ألاقي على البوابه أوساخ وقدام المدخل ألواح وأخشاب وغيرها
كنت أنقهر .. وأحيان أدعي ع اللي عملها
لكن الوضع ما تغير .. وكل يوم ع نفس الحال
لين يوم من الأيام تذكرت أفضل الخلق .. الرسول عليه الصلاة والسلام .. لما كان يواجه الأذى .. ما كان يدعي عليهم .. بالعكس كان يدعي لهم
وهذا اللي سويته .. و والله العظيم ما عاد لقيت أي قذارهـ بعدها :xyxwave:


وكلنا في النهايه مسلمين
فـ أدع لهم بالهدايهـ .. والله يعوضك كل خير

مثل حالتي جيت لقيت قزاز سيارتي الأامامي مكسور

رحت وركبت وحده جديده


مالك الا ترش السياره



الله يكون بعونك

الله يكون في عونك

الله يعينك اخوي

اخوي تعرف ايش تسوي حل بسيط قوم قيام الليل كل يوم قوم ادعي على الي حكها وادعي عليه من كل قلبك والله لا تشوف النتيجه ايجابيه هذا ابسط الحلول لكن اخوي انت في اي مدينه ساكن ؟

الضمان ما يشمل الحكات
لاكن اذا كنت مطلعها اقساط وعليها تأمين شامل طبعا
فالتأمين بالحاله هذي يشمل
وايضا لو كاش وعليها تأمين شامل يشملها التأمين
لاكن اتوقع يجب ان يكون هناك طرف متسبب بالحادث
واهم شي عندك التقرير لو تحصلت عليه من المرور تمشي امورك تمام