واجعلـوا أمـركم شـورى بينكـم (سبارو ليجاسي)

بو اسامه @user_188221 · 06-10-2009

السلام عليكم

بسم الله والحمدالله

إخواني السالفه بختصار شديد ... جاني عرضين اليوم على سبارو ليجاسي 2005 و على 2007
العرض الأول سعرها 2200 دينار كويتي موديل 2005 اللون أبيض كامل المواصفات جلد فتحه و كل شي مو ناقصها شي 4 سلندر و الموتر ماشي 65 الف كيلو و سيرفس منتظم بالوكاله.

أمه العرض الثاني سعرها 4300 دينار كويتي موديل 2007 اللون ابيض صدفي كامل المواصفات جلد فتحه و كل شي مو ناقصها شي وهم 4 سلندر و الموتر ماشي بين 50 و 60 الف كيلو .

يا شباب مشورتكم الموتر الأول مطلوب 1200 و طالب فوقه 1000 . قسط 54 دينار

و الموتر الثاني مطلوب 4300 و ما عليه طلب فوق.

و هل السياره تسوى أخذها مستعمل وله أخذها جديده من الوكاله ؟

جزاكم الله خير.

السلام عليكم.

بو اسامه @user_188221 صاحب الموضوع · 08-10-2009

جزاكم الله خير ..

"هسسسسسسه ولع نوووري " على قولة اخوانا العراقيين

بارك الله فيكم

البرق 3 @user_121388 · 07-10-2009

أفضل لك أخوي أبو أسامة إنك تأخذ موديل 2007 وفوق هذا بالنسبة للشكل القديم أو إذا تقدر على الموديل الجديد يكون أفضل , بس فيه شغلة أحب أنبهك عليها وهي إن السوبارو ليجاسي الأربعة سلندر تجي بمحركين واحد سعته 2,00 لتر والثاني 2,5 لتر . من ناحيتي أقترح إنك تأخذ الليجاسي 2,5 لتر لأن مكينتها أقوى, وإذا تقدر على الستة السلندر فهي خطيرة جداً , وإسأل مجرب.

على العموم أقدر أقولك إنك وفقت في الأختيار... السوبارو تعتبر من أفضل شركات السيارات في العالم التي تهتم بسلامة ركاب المركبة , بإذن الله لن تندم على فلس دفعته في السياره.....( بغيت أقول ريال بس هونت :tongue:) عموماً مبروك عليك السيارة مقدماً والله يعطيك خيرها ويكفيك شرها.

عمومي ثقيل @user_170611 · 07-10-2009

السلام عليكم
اولا بارك الله فيك وعلى استشهادك بالقرآن الكريم

ثانيا اخوك محاكيك سيارته سوبارو اوت باك فكيتها سلمك الله وكاله

السياره معليها غبار اعتبرها جوهرة الاصل الياباني المتسم بالصبر والعمليه الى ابعد الحدود

أنا افضل تشيل جديد على يدك لانها سياره صبوره وراح تعمر معك فتستاهل فلوسها وتكون اوت باك لان الاوت باك ارفع من الليغاسي وومكن تطلع بها البر وانت مطمئن

اذا تقدر تفك جديده ولو تقسيط اوت باك سته سلندر تكون بكذا قد اخذت سيدان وجيب وسبورت

وان كان الواحد لازم ياخذ مستعمل فااعتقد ماراح تلقا سياره زيها مستعمل لانها الاصبر
فخذ 2007 بس الفحص مهم عن الصدمات وكم واحد استلمها قبلك

هذا وعليك الاستخاره فمن الله التوفيق .

أبو دودي @user_173645 · 07-10-2009

السباورو من افضل العروض كمستعمل جودتها ممتازه وسعرها معقول

وخذ 2005 افضل لانها كلها نفس الممشى

L Y O @user_80504 · 06-10-2009

يعني انت تبي سوبارو او مطلبك سوبارو !!!
كل السيارتين ماشيه زي بعض حدود 60 الف
وفرق السعر بين السيارتين النص
اما فرق السنوات سنتين

يعني الأن النظر في المواصفات .. وهذي انا ماعندي خلفيه عنها لاأنك انت اللي شفت السيارتين وانت اللي تحكم او تبت في المواصفات اللي تعجبك

استنتاج سريع بس ... احسب حساب انك لو اخذت 2007 راح ينزل سعرها للنص في خلال سنتين عالأقل

والشيء الأهم انك بتأخذ اقساط يعني الماده عندك مش متوفره (اغرف بالملاس)
التوفير مهم في المسائل هذي والأولويه للتوفر قبل الكماليات بالنسبه لي

عموماً لو انا مكانك مارح يفرق معي الموديل والمواصفات المهم سيارة نظيفه
وسعرها مقبول بالنسبه لحالتي الماديه (يعني راح اخذ 2005 ) و أوفر نص المبلغ

لاتنسى ان تستخير
بالتوفيق انشاء الله