مشروع ماله اول ولاله آخر والشركه نفسها لسيارة ماتقدر تسويه زى شدبلده ولاترهق نفسك وميزانيتك ...الافضل تشتري بدبل وتريح دماغك على قول اخواننا المصريين..... لك تحياتي
اللهم أغفرلي ولوالدي وللمؤمنين والمؤمنات والمسلمين والمسلمات الأحياء منهم والأموات
يعتمد على نوع التركيب
اذا كنت تبي من شغل اي كلام وكل يومين وانت في الورشة فعليك ب(( الترهيم)) وهو شغل الهاوين اللي يلقطوا من السيارات في التشاليح ويطلعوا بسيارة كل قطعة من شركة مختلفة
اذا كنت تريد شغل احترافي فتختلف باختلاف المركبات و الميزانيات
بعض المركبات يكون الامر سهل مثل الماونتنير فيه دفع رباعي دائم والاكسبلورر فيه دفع رباعي خفيف وثقيل..... كل المطلوب هو الدبل ووحدة تحكم وازرار الدبل والهارنس وتكون خلصت وقطع نفس المعتمدة من فورد
ممكن تكون فيه انواع دفع خلفي وفيه دفع رباعي فتغير المقصات والتعليق الامامي وتركب الدبل (بعضها يدوي) والعكوس الامامية ومحور الدوران ويكون نفس قطع الواكالة
فيه سيارات ما انتجت بدفع رباعي فاغلب التركيب راح يكون ترهيم يعني دفرنس جمس على مقصات هايلوكس على مساعدات باترول....تلفيق على بعض
وبصراحة الترهيم بالسعودية فاشل....... لانه يعتمد على المزاج.... اذا الفني مزاجه رايق تفنن في الشغل واذا مزاجه ملخبط فيلخبط عليك الشغل وما يطيب منه ابد...شغل محششين
وفي الامارات عندهم شغل احترافي لكن غااااااالي
مثل محل في الامارات يسقط مكينة LS1 على باترول ب 7000 اجرة يد فقط والكل يمدح جودة العمل ما ننكر لكن بمبلغ كبير
اخيرا
قبل ما تفك مسمار تأكد من ميزانيتك وكم راح تكون تكلفة العمل كااااامل... وهل تستاهل ام تبيع الموتر وتاخذ اخوه ابن امه وابوه لكن دبل؟
