قناة السيارات
السلام عليكم ورحمة الله وبركاته
بعد جهد جهيد استمر لأكثر من 5 ايام
يومين للتصوير بسبب انشغالي ويوم لرفع الصور
وبعدين يومين لعمل التقرير بسبب ان سرعة الانترنت عندي 56 كب فقط بعد ما خلص الليميت ال2 جيجا اللي بدة من يومين وما اعرف وين راح
و3 مرات كملت التقرير وما ينرفع وارجع اسويه من جديد وكل مرة والله انه ساعتين ونص
لكن الله المستعان ويستاهلون الاعضاء
المهم
الحمدلله شرينا تاهو LS 2009 ونزلت في موضوع خاص
وطلبوا مني الاعضاء وخصوصا ابو سعد1 الصور .. ولا يهونون البقية
والحمدلله استطعت اني انزل هالتقرير لعيونهم
الكل شايف التاهو بالشارع ويمكن باليوم الواحد بعضكم يشوفه اكثر من 10 مرات
لكن في البعض ما يعرف ايش يتمتع بمميزات هذا الجبار... مقارنه بغيرة ومقارنة بسعره
وانا صورت التاهو مالنا وحنزل الصور مفصلة بأذن الله
وكل ما اطلبه منكم هو قول ما شاء الله تبارك الله لكي يتبارك الموتر وابعاد لعيون الحساد
لأنه العين حق
السيارة فيها مميزات وفيها سلبيات وبتكلم عن السلبيات في نهاية التقرير بأذن الله
التعليق بيكون تحت كل صورة بأذن الله
سعر السيارة كاش 116 ريال بعد العرض وبعد الضغط عليهم ادرجوا التسجيل ومانع للصدأ وتظليل من عند شركة اسمها بنتاجون
تكلفة التظليل حوالي 3500 ريال وهو بصراحة جيد والرؤية واضحة
بأسم الله نبدأ
اول شي المفتاح المدمج معاه ريموت
هالريموت يفتح ويغلق الابواب ويفتح باب الزجاج الخلفي وفيه الزر الاخير يخلي السيارة تعطيك تنبيه عن مكانها
طبعا في ريموت الفل اوبشن الLTZ بيكون فيه اضافة إلى ما سبق زر لفتحا الباب الخلفي الاوتوماتيكي
وزر لتشغيل السيارة عن بعد ... وما اتذكر اذا بعد فيه شي
هذي صورة للسيارة في الليل
ويبيون فيها جنب السيارة
وبصراحة واجهة السيارة هجومية .. ولو كانت باللون الاسود حتطلع رعب
(ذبحت روحي على هاللون وما حصلته)
وهي من الجنب الثاني ... يبين فيها النص الثاني
وهي الصورة في النهار.. ويبين فيها دواسات الدخول للسيارة
والجنوط مقاس 17 ... وتتوافر على فئة LT نفس الجنوط او جنوط 20 كروم على الطلب
والجنوط الكروم على فئة LTZ قياسية.....
مميزاتها النعومة على المطبات والخط ... وسهل الدخول فيها في البر
اما جنوط 20 فهي قاسية على المطبات ولكنها اهدأ وهذا عن تجربة... لكن لا تستطيع الدخول فيها بالبر
هذي الواجهة الهجومية.... والسموحة لأن الصور في البيت وذلك لأننا نطلع فيها قليل
انتظر اني اخلص اجراءات رخصة قيادتي عشان انا اسوقها بدل السواق اللي خمش المرآة مرتين!!!
يبين في الواجهة الشبك العريض والاضواء الامامية الكبيرة...
وتحت مكان قلص السيارة ... ولا يتوفر فيها كشافات لأنها اقل نوع وهي متوفرة في LT و LTZ وسعرها ما سألت عنه
ويبين فيها الواجهة النازلة واللي اهل البر يعتبروها عيب فيه....
هذي صورة الجنب... طبعا يبين انه مسكات الابواب باللون الاسود والمرأة الجانبية ايضا
وانا مو عارف ليش استخسروا فينا شوية صبغ وكملوا المسكات والمناظر فيه
مسكات الابواب والمناظر في LT تجي بلون السيارة وLTZ تجي كروووم
هذي صورة السيارة من الخلف ... ويبين فيها الباب الخلفي ... وباب الزجاج الخلفي المرتفع
وطبعا واضح غاسلة الزجاج وماسحة الزجاج
واللي يميز مسكة الابواب عن غيرها .. هي انه على شكل زر تضغطه تنفح الباب بالنسبة لل2 .سواء الباب الخلفي او باب الزجاج الخلفي.. غير عن بقية فئتها اللي تكون مثل مسكات الابواب الاعتيادية
هذي صورة للخلف مبين فيها شوي النور الخلفي او ما يسمى بالاسطب...
ويبين فيه فتحة تنكي البنزين ... وهي على الطريقة التقليدية والتراث الامريكي اللي مصرين انه يكون يدوي
بس لازم تضغط عليه عشان ينفتح وتضغط مرة اخرى عشان يتسكر...
اول ما شفته فرحت قلت يمكن بزر ... اخر شي طلع يدوي ههههههه
الرجاء عدم الرد.. للموضوع تكملة
رد مع اقتباس
