السلام عليكم ورحمة الله وبركاته
الموضوع طويل شوي بس تحملوني
اخواني سيارتي هوندا اكورد موديل 96 قير عادي
لاحظت عليها ضعف العزم في الاونه الأخيره
وعندنا طلعه في الرياض تسمى طلعة القديه وهذه الطلعه قويه جدا وطويله
وهي على طريق الرياض مكه بعد ما تطلع من نقطة التفتيش حقت الرياض
تقابلك نزله قويه وانت راجع وطلعت تحس بقوة الطلعه
المهم قبل سنه طلعت معها بالنسبه لسيارتي الهوندا (معطيها اخوي من الصيفيه)
وكنت في اسفل الطلعه رايق ماشي 102 كلم ميه وشرطه وحده
وبدأت في زيادة الدعسه علشان ما ينزل العزم ووصلت اعلاها 98 كلم ميه
ناقص شرطه وحده يعني عزم حلو
وطلعت قبل شهر على سرعة 120 وتناقصت الى 80 ورجعت النمره في الرابع
مع اني داعس على الآخر وتحطمت وطلعت قبل اسبوع على سرعة 140 وتناقصت
الى 80 ورجعت النمره في الرابع
ما ادري ايش الحل تكفون عطوني آرائكم
وفيه موضوع قد كتبته عن مشكله فيها وهي
( السلام عليكم ورحمة الله وبركاته
بالنسبة سير التيمن انا معاي هوندا اكورد لم اغير السير فيها مع العلم اني امسك خطوط
واشد على السياره (جكر) بعض الأحيان وعندما مشيت السياره 220،000 كنت ماشي
على سرعة 60 وفجأه طفأت السياره وأحاول اشغلها وفيها صوت واخذتها على سطحه
ووديتها الصناعيه وعلى طول يوم قلتله المشكله قال لي سير التيمن (والله اني شاك فيه)
وشيك عليه لقاه مقطوع (مع العلم يوم السياره اشيك عليها وهي ماشيه 200,000 قال لي غيره بس
ما اخذت بنصيحته) وتكسرت عندي البلوف فقط
وكلفني سير التيمن اصلي مع سير ثاني صغير يجي جنبه بـ 190 ريال والبلوف 700 ريال
وشغل اليد 400 ريال و وجيه علشان راس المكينه انفك ناسي يمكن حدود 350 ريال
وتمنيت اني مغير السير بـ 190 ريال مع شغل يد حدود 200 تقريباً 400 ريال
كان افضل من سطحه بـ100 + وجيه راس بـ 350 + بلوف بـ 700 ريال + اجور المخرطه 150 ريال
شغل يد علشان فك الراس بـ200 المجموع = 1550ريال +السير واجره تركيبه 390 = 1890 ريال
خساره كنت في غنى عنها يعني تمنيت اني دفعت 390 ريال ولا دفعت 1890
ارجوا انكم استفدتم من تجربتي
)
|5|
