السلام عليكم
كل عام وانتم بخير ...
حبيت اشارككم .. معاناتي مع القراند ماركيز ... المشكله كانت تحدث في الشهر من 5 الى 10 مرات وهي احيانا تطفي السياره بدون مقدمات وما تشتغل بدري تحتاج كم دقه سلف طويييييييييله ودعسه بنزين حتى تشتغل مره ثانيه ...
في الحقيقه اني فحصتها كمبيوتر اكثر من مره دون ظهور اي عطب في اي جزء من السياره
توكلت على الله بعد ان غيرت 3 حساسات ولم تحل المشكله ...
بالصدفه وديتها لورشه .. فيها فلبيني صار ينصب علي ويقول هو عارف المشكله وانه سوف يقوم بفحص الاسلاك من خزان الوقود حتى كمبيوتر السياره ... بصراحه ما دخلت مخي قلت له طيب قبل ما تسوي كذا ابغاك تغير طرمبه البنزين الي بداخل التانكي ... وبعدها سوي فحصك الي تقول عليه ... كم التكلفه قال 500 ريال طيب مو مشكله اهم شي ابدأ شغلك
تركتها وبعد يوم رجعت له توه يغير الطرمبه ... اممم المهم قلت له خلاص ما ابغاك تسوي فحص للاسلاك ( على حسب كلامه ان الشغله بتاخذ وقت وجهد كبير )) طيب خذ حق تركيب الطرمبه والسلام 150 ريال فقط
الحمد لله السياره صارت اخف بكثير وسلسله ... كمان رحت اشتريت صفايه ب 35 ريال وركبتها ب 20 ريال
ولذلك احب اقول للشباب الي يعاني من مشكله الفورد لا يستعجل ويغير كلش الطرمبه سعرها حوالي 115 ريال
بالصدفه ..وانا في الورشه واحد جايب سيارته عنده مشكله في ال اي باس المهم تبادلنا الحديث ذكر لي انه عانى من نفس المشكله وانه غير الطرمبه وكذلك حساس قريب من الطرمبه ( بصراحه ما اعرفه ) واتحلت مشكلته ...
وسلامتكم
