السلام عليكم ورحمة الله وبركاته
والصلاة والسلام على اشرف الانبياء والمرسلين محمد ابن عبد الله واله ومن اتبع هداه..
اود في البداية ان اتطرق لموضوع احببت كثيرا ان اشتكي لشخص منه وافضفض شوي من معاناتي وانصح ممن يفكر من بعدي في اقتناء اي نوع من انواع مازدا..
اذا اردت ان تتبهذل ويرتفع ضغطك وتتعب نفسيا وماديا وتدهور حياتك فقصد هذه الشركة بتنبسط كثير اول ماتشتريها ولكن لن تذهب بعيدا حتى تبدا المشاكل في التراكم تباعا وكأن السياره تقول لك بيعني ولا ببهذلك زيادة اصلاحات بالكريك وكل ماقلت خلاص غيرت كل شي وبتصير تمام يطلعلك شيء ينغص عليك حتى تذهب يوما من الايام مجبور تعيس تقلب كفيك على ما انفقت في هذه السيارة وتبيعها بسعر زهيد جدا لا يغطي احد الخرابات التي قمت باصلاحها..
انا في حياتي ما شفت الوكيل المعتمد لسيارة ما عنده بواجي لسياراته :confused1: بواجيييييي مو متوفره لازم يطلبونها من جده وانت في العاصمه الرياض تخيلوا هذا الوكيل :smilie20: ..
والله ياشباب انها سياره ماتسوى ريال واحد انفقت مثل سعرها في خراباتها وقطعها نااااار هذا اذا كنت في احد المدن الرئيسيه اما اذا كنت في الطايف مثلا جنب سيارتك اسبوع لين توصل القطعه من جده :a1120(82): ترى الحاج حسين يعتبر الطائف قرية ..
طبعا انا في البداية توقعت ان الطايف بس الي فيه المشكله لكن لما سكنت في الرياض من خمس سنوات لاحظت ان مافيه اي تغيير تبي قطعه انتظر لين يطلبونها :confused1:..
ويوم جيت ابيعها 12000 والموتر نظيف وبدون صدمات.. وعيدت بعدها وابشركم على سياره اجار مرتاح هاليومين من الهم الي كنت فيه..
الان بعد زواجي وبعد مارزقني الله بولد حبيت اخذ سياره اقدر اتمشى فيها انا وعيالي تكون دبل وسعرها معقول وقدنا اسرة من ثلاثه اشخاص ..
قصدت تويوتا الجودة :blue: التي اصبحت تويوتا بالاسم وبي ام دبليو في الاسعار وكان نص قطعها مو صينيه تجميع عبداللطيف المليح ..
قلت خليني اشوف الناس ليش يرغبونها وفعلا هي ثابته في البيع ولا على قولته في المجله شيك في الجيب :bigggrin: رحت سالت عن الاف جي تقصيد يقول 180000 هههههههه هذولي مجانين ولا ايش؟
ترى تويوتا يا ابو جميل وليته لاند كروزر اف جي والطبلون 180 وزيد ثلاثه اصفار اذا كنت مسكين وماتقدر تشتري كاش طبعا بعد ما صعقني بالخبر موظف المتحده حقت عبداللطيف قلت بلاش شيك جب بلاش كلام فاضي اخسر 50000 عند البيع ولا اشتريه بـ180000 واطلع كسبان بقوة رحت لنيسان ومو بعيد عند ابو جميل بالنسبه للبايلوت ..
بعدين وانا ماشي في مخرج 13 شفت وكالة سوزوكي قلت انزل واشوف صراحه شفت العجب وقوة المواصفات العاليه والسعر المعقول بالنسبة للفيتارا 120000 تقصيد على اربع سنوات وزي الحلاوه بهذي المواصفات ..
لكني متخوف ان تكون معاناة مازدا ستتكرر معي ولم اجد طريقة سوى الكتابة لديكم وخذ اراكم بعد ان علمتم وضعي الكامل..
افيدوني ولكم جزيل الشكر...
تحياتي
