مـعـانـاتـي مـع مراوح التـبريـد والفـيوز ):

اول شئ وقبـل كـل شـئ .. ابـي ترحـيب قـووووي ! :ch19:.لانـي عضو جديـد هنـا واتمـنـى ان اقـدم مايحـوز علـى رضـاكمـ . ما ابـي اطـول بالمقـدمـه لانهـا شـئ رسمـي ولا احـب الرسمـات .
ثـاني شـئ والزبـده بالتفصيل الممل:wink: .. انا عـنـدي سـيـارهـ لوميـنـا ال اس 2004 فـيـهـا مشكـله بالـمراوح والحراره ولم اجد لـهـا حـل . النـاس تقضـي رمضـان ونـاسـه وجمَـعـه وانـا قضـيت رمضـان بالخضـريـه (صنـاعيـة الدمام)
وبـدايـة المشـكـله هـو انـي صـلحت الرديتر واكتشف فنـي الرديترات ان المروحـه الكبيره ماتشتغل قـال رح للكهربـائ يفحصهـا لك .... ورحـت للكهربـائ .. واليكم معـانـاتــي بـاللـغه العـاميـه,

[COLOR=darkred]الكـهربـأي الاول (هـنـدي الجنـسـيه): فحـص الفـيوز لقـاه خربـان غيرته واشتغلت المروحـه تمـام وانـا بالطريق راجـع للبـيت ارتفعـت الحراره . حصلت سـلك المروحـه محترق والمروحـه الكبيره طافـيـه. رحـت لاقرب كهربـأي[/COLOR]

[COLOR=darkred]الكـهربـأي الثـانـي (تركـي الجـنسيـه): حـوَس بأسـلاك المروحـه شـوئ قـال المشـكلـه عـنـدكـ مـن المروحه غيرهـا وكل شـئ يصير تمـام .وقـتهـا كـنت بحفـر الباطـن وأخـر اللـيل يـعنـي اغلـب قطع الغيـار مسكـريـن ولازم امشـي للدمـام . ومشـيت عليهـا وكـانـت حرارتهـا طبيعيـه لانـي مـاسكـ خـط. واليوم الثـانـي رحـت للكـهربـأي التـالي ....[/COLOR]

[COLOR=darkred]الكهربـأي الثـالـث (بـاكـسـانـي الجـنسـيه): الباكـستانـي هـذا دايم يمـدحـه جـارنـا ويشـتغـل عـندهـ . وعنده زحمـه مو طبيـعيـه. قـالي غيـر المروحـه وانشـاء اللـه تضبط. جبـت مروحـه مـن التشـليـح وركبـهـا , وانـا ماشـئ بالسيـاره الا ترتفـع الحراره وارجـع السيـاره للباكستـانـي . حصلنا المروحـه الكبيره طـافـيه. غير الفيوز وضبطـة. قـال الحيـن مضبوطـه. واليـوم الـثـانـي مشيـت علـى السيـاره وترتفـع الحراره . بسبب ان المراوح طافـيـه . رجعـت السيـاره للكهربـأي قـال المشكلـه بحسـاسـات المكيـنـه لازم تفحصـهـا كمبيوتر. فـصـل الفيـش اللـي يوصـل بحسـاس المراوح علشان المراوح تشتغل دايركـت . قال الحـين رح افحص . طلعـت مـن عنده متوجـه الى ورشـة سـهم علشـان افحص الحسـاسـات قـالوا تـعـال بـكره . وانـا راجـع للبـيت سـمـعـت اصـاوت بـالمكـينـه ومشيـت علـيـهـا شـوئ وفجـأه تطفـي الـسـيـاره مـن اثـر الحـراره !!! :mad1: مـع ان الحراره عندي طبيـعـي .. رحـت اشبـك الفيش حق حساس المراوح وشغلت السويتش .. ارتفعـت الحراره اتــش . خليـت السياره وجيتها اليوم الثـانـي عبيـت الرديتر مـاء وشغلـتها طبـيـعـي والاصوات اللي سمعتها اختفت << سألـت عـن الصوت قـالولي من المـاء .. رجـعتهـا للكهربـائ قـلتله على اللي حصل معي .. قـال وبكـل دلاخـه (هـذا سيـاره انـتـه مشـكـل مـافـيه معـلوم ودي نفر ثـانـي) :a120(115):<<< تعوذت من الشيطان ومشيـت مـن عنده[/COLOR]

[COLOR=darkred]الكهربـأي الرابـع (بـاكسـتـانـي الجـنسيــه): هـذا الكـهربـأي اجـمـع علـى كواسـته مجموعـه مـن الاصـدقـاء وقـالوا لاتروح لغيـره....جيتـه وشغـل المراوح بطريـقـته . طلعـت مشكـله جديـه :c0038: ! المشكـله ان المراوح ماتشتغـل الا بـعد ماتوصـل الحراره فوق النص... قـال هـذي مشكلـتهـا البلف (الترمستات) جبتله بلف جديد اصلي وركبـه << كهربـأي يركـب بلف ؟؟؟:a1120(121): وبعد ماركب البلف ماتغير شئ لازالت المشكله موجوده . قال خل السياره عندي افحصها وادق عليك . مشيـت مـن عـنده مايمديـني اوصـل البـيت الا ويتصل علي ... الووو هذا مروحـه كلو خراب لازم جيب مروحـه جديد مروحـه مستعمل مافـيه كويـس..[/COLOR]
غسـلت يدي مـنه . جيـته اليوم الثـانـي. وشلـت السيـاره لانتـقـل الى كهربـأي آخـر......

[COLOR=darkred]الكـهـربـأي الخـامـس (يمـنـي الجـنـسيـه): هـذا الكهربـأي اجمع عليـه عـدد كبيـر مـن الكهربـائييـن اللـي موجوديـن بـالصنـاعيـه ومـن مختلـف الجنـسـيـات .. ورحـتله على طــول. :xyxthumbs:[/COLOR]
قـالـي جيـب مراوح جديـده واصـلـيه .. وزي مـاقـال جبتلـه مراوح مـن الوكـاله . ركـب المراوح واشتغلـت لاكـن المشكلـه لازالت المراوح ماتشتغل الا اذا تعدت الحراره فوق النــص هذا بدون مكيـف . قـال المشكلـه مـن سـاعـة المراوح (حساس المراوح) غيرتـه وبدون فـائده.. واستنـجد بفـنـي رديترات وفحصها الفني اللي بجنبـه <(سوداني الجنسيـه) شيكـ على مجرى المـاء بالـسـياره بشكـل عـام وقـال المشكلـه بـطرمـبة الماء . غيرت الطرمبـه .. ولا زالـت المشكـله.. قـال الكهـربـائ افـحـص ضفيرت الفيوزات ..وبكـره تـعـال..
وجـيـت هـنـا اكتـب لكمـ معـانـاتي يمكـن احـد عنـده حـل او شـئ مـن هـذا القـبيـل ...



مـلاحـظـه: تـرى كـل كهربـائ اجيــه اعلمـه بسـالفـة الكهربـأي السـابـق. هذي المـلاحظـه علـشـان مـاتقـولـون عني غـبـي لاقـدر اللـه. ولا أخفـيكم علمـاً تـرانـي مـا افـهـم شـئ بـالسيـارات الامـريـكيـه .
وعندي سـؤالين: :confused1:
س1: هـل ارتفـاع الحراره يأثـر علـى توقـيت المراوح بـالتشغـيـل؟
[COLOR=red]س2:هـل مـن الضروري برمجـة السيـاره مع المراوح الجديـده ؟ [/COLOR]لان الكهربـأي الخامس قـال يمكـن تحتاج برمجـه !!

أتـمـنـى الـتفـاعـل مـع المـوضـوع وايجـاد حـل لانـهـاء المـشـكـله قـبـل العـيـد لانـي بـسـافـر . واعـذرونـي عـلى الإطـاله , والاخـطـاء الامـلائيـه ان وجـد.لانـي اول مره اكـتب موضـوع يحكـي معـانـاتـي . كل ابـو دايمـ اصرق مـن المنتديـات والصـق بالمنتدى اللي اشـارك فـيه