مدري وش اخر اللف بالمعارض ؟؟؟ والشريطيه والامريكي ....( نصايحكم

مدري احد يحب يطرح اي اضافه جديده

؟؟؟

والله يالغالي


انا شلتها من راسي خلاص


بس بجي الرياض بحول الله واشوف بنفسي

وا نا دراهمي حول ال75 وبحاول ازيدهم

وحسب نضافتها نرفع السعر


والله يسلمك على مرورك

والله معاك حق بس يبقى مغامره ....

وبالنسبه لي اذا ضاقت ولا لقيت سعودي نحول على الامريكي ..

والله اخوي كلامك عين العقل


بس الحقيقه المره

انه هل تضمن اللكزس الامريكي ماتخرب قطعه مؤثره بالسياره ومو موجوده بالسعودية؟


فاعتبر هالشي نوع من المغامره ...

مع ان الامريكي مغررررررررري والسعر مغرررررررري



تسلم على التعقيب والاظافه

هلا اخوي العمدة

أولا أنا أتمنى ان تشيل من راسك شي اسمه كابرس
من بعد الصابونة معاد به كابرس صراحة من أسوأ السيارات لكثرة أعطالها ونزول قيمتها عند البيع

لكن اللكزس خيار ممتاز صراحة اللكزس سيارة تجمع بين الفخامة والصبر والسعر الجيد عن البيع لكن نصيحة اترك ام شاص وتعال الرياض ودور على رواقة في النسيم وبتلاقي شي طيب ونظيف لكن مو بـ 70.000

تقبل مروري

أخي الكريم اللكزس الأمريكي والسعودي نفس الشئ تقريبا.

وأعرف أشخاص كثر معهم أمريكي ولايوجد منها شكاوى

بالعكس أفضل الأمريكي بسبب الاستخدام الجيد والاعتناء بالسيارة في الغالب.

السعودي للأسف ماتحصله ماشي أقل من 150-180 ألف.

يعني جهز نفسك لأن اللكزس يطلب بعد الممشى هذا..وقطعها غاليه نوعا ما .

واللكزس ماتحتاج وكاله للصيانه..الورش المتخصصه للكزس كثيره جدا

وأيضا القطع تباع عند الموزعين وهناك نوع من القطع رخيص ونفس الأصلي ويطلق عليها (المايز) متوفرة عند النهدي.

لذلك أفضل الأمريكي خصوصا اذا كان عليها ضمان 3 سنوات أو أكثر مع صيانات مجانيه.


كذلك الكابريس خيار ممتاز خصوصا 2007-2008 .

صحيح كلامك بالنسبة للعيوب التصنيعيه ..
بس هي سيارات لا تتعدى اصابع اليد :) و في جميع انواع السيارات ..
عموما ما علينا :)

بالنسبة للقطع ..
اشياء بسيطه ما تؤثر على السيارة .. و عادي لو تاخذها و انت ما غيرت فيها شي ..
هم يقولون فيها تغيير عشان هناك الجو بارد و من هالكلام ..
و في امريكا ولايات جوها نار مثلنا .. اعتقد مثل تكساس ..
اذا تبي تريح نفسك خذ وارد هالولايات :)

طبعا ابو جميل مايضمن السيارة اذا صار فيها عطل ولا شي ..
واذا تبي تصلحها تصلحها باحد الورش المحترمه ..

اخوي بما انك منتب مهتم للشاشه .. ترا تلقا امريكي على الـ80 للموديل 2004 ..
اشوف انه اكشخ بواااااجد من القديم ..

عموما موفق يالغالي ..
وشيك الخاص :)

هلا غلا اخوي


والله شورك هو المطروح امامي

انا رجال دورت بمعارض جده معرض معر ض بس للاسف ما حصلت اللي ابيه

وشكلي بحول على الرياض بعد العيد


تصدق السعودي ماشفت الا ثلاث ا و اربع بس !!


مقطوع

العالم كلها على الامريكي علشان رخص ثمنه ومواصفاتها التوووووب


المهم...

اليوم صار معي موقف

حصلت لي لكزس سعودي لون اسود كذاب فل كامل ال اس 430

2001


واخذتها للفحص

وتفاجئت بوجود ضربه في الشاصي الامامي يمين ويسار


فحصة الكهرباء والمكينه والجربكس والقير كله تمام


الماكينه اعطت 91 يالمائه يعني ممتاز

والسياره ورده صراحه


الزبده الرجال حادها ب 70

وانا وصلت ل 65 وش رايك وراي الشباب اشري ؟؟ ولا اصبر

علما باني رجال حاب استخدم الا 3 او اربع سنين



تنصحني انت والشباب ؟؟؟

هلا اخوي ابو عزيز


والله اذا فيه مايثبت كلامك ياريت تطرحه للنقاش
؟؟؟

واكون لك شاكر

هههههههه يقولون اجل ! ,,,

والله شوف اخوي من ناحية عيوب التصنيع

طبيعي بجميع السيارات كل موديل جديد يحاولوا فيه تعديل عيوب الموديل القديم

بعد طرحه بالاسواق وتجربة الجمهور ...
--------------------------------------------------


اما عن اللكزس انا الان بجده

ودورت حتى دخت المتواجد كله امريكي واسعاره زي ماذكرت

بس ابغى احد يثبت لي سالفة القطع اللي تختلف هل هي صحيحه

وبعدين سمعت انه عبداللطيف جميل مايضمنها ولا يستقبلها ؟؟

طيب مين يضمنها ووين اصلحها اذا صار ماصار ...؟؟


.....

اخوي اللكز س بنضري لكزس لو مافيها شااشه بكفي الفخامه

الله يسعدك على ردودك واتمنى تعقيبك ..

اخوي انا تحدثني نفسي بنفس هالكلام


بس تبقى اللكزس عمليه وتتحمل بنضري ... :)

شاكر مرورك

والله يالمالكي شووف,,

انا معك الياباني اجود وافضل واقل بالخرابات يعني عملي

بس ولله انا حالف حلف يالكزس يا كابريس والسبب

انا رجال احب قوة الامريكي بس المشكله انه مايتحمل الكرف


فحاولت اجد سيارة تجمع بين قوة الامريكي والعملية والتصميم

ووجدت اللكزس هيا الحل .... والكامري اخر اخر الحلول


اتمنى اقنعتك :wink:

ويـن ويـن ياجمـآعه
وش جآب اللكزس للكآبرس
يـكون بعلمك آخـوي ترآ اللكزس 430 الامريكي افضضل من السعودي
واذا تبي اجيـب لك رآبط يثبت كلآمـي علمنـي

بالتوفيق

ههههههههههههـ يا حبنا لـ كلمة يقولون !!
يالغالي الوالد معه كابريس 2007 ال تي زد 6 سلندر ..
وللحين ماشيه معه زي الحلاوة .. :)
لا خرابات و لا عيوب تصنيعيه ..
وشاريها بـ 92 .. طبعا بدون فتحه و جلد ..
_____________________________________

ونصيحتي لكاتب الموضوع ..
اذا تبي لكزس سعودي بتحصل بس الموديلات القديمه .. ( 2001 .. 2002 .. 2003 )
بس بتلقاها مكرووووفة وماشية فوق الـ 150 الا ما ندر .. وغير كذا
اللكزس السعودي في الموديلات ذي ما فيها شاشه ..!! تخيل لكزس ما فيها شاشه !!
لكن اذا تبي من 2004 و طالع .. بتلقاها من 100 الف وطالع حسب نظافة السيارة

الامريكي بتلقا من 2001 الى 2003 بالسعر اللي معك ..
وميزة الامريكي يجي انظف من السعودي 100 مرة ..
وغير كذا الامريكي يجي فيه شاشه بالموديلات ذي .. طبعا هي اختياري ..
يعني بتلقا امريكي فيه شاشه و بتلقى امريكي ما فيه شاشه ..
لانهم هناك اللي بيشري سيارة يحط المواصفات اللي يبيها ..
مهب مثل ابو جميل الله يهديه .. ما احط الا فئة وحدة !
اما 2004 وطالع امريكي بتلقاه بحدود الـ 85 الى الـ 130 تقريبا حسب النظافة و الموديل ..
لكن عيب الامريكي ما يضمنه لك ابو جميل بس ..
اما تقول اختلاف قطع ومن هالكلام .. فهذا مهب صحيح ..

ميزة اللكزس اذا طحت بوحدة نظيفة انها بتقعد معك اكثر من الكابريس المستعمل ..
فنصيحتي دور لكزس و اذا ما حصلت ..
اشتر ياباني .. يقعد مع الواحد و لا يخرب بسرعه .. ( طبعا هي على حسب السواق ) لكن معروف ان الياباني اكثر جودة :)
وعليك بالافالون مستعمله ..
بتلقا لك شي على قد فلوسك ..

ولا انصحك بكابريس مستعمل ابد .. الكابريس يا جديد والا بلاه :)

موفق يالغالي .. ومبروك السيارة مقدما :)

اخوي انصحك بالكابرس 2007 وفوق
موتر بمعنى الكلمه

ومافي احد اشتكى منه

والى يقول اخطاء مصنعيه ومدري ايش اقوله استريح كان معي واحد والحمدلله

توكل على الله وخذ 8سلندر وعشششش الحيااااه

تبيه راحه ولا تبيه قوه ولا تبيه فخامه ولا تبيه رساوه ولا تبيه علمي ولا ولا ولا كلها موجود بالكابرس

عن نفسي ماراح اشتري غير كابريس طول عمري الا اذا تعديت الـ 150 الف ..لانه هو الخيار المناسب والاكمل

لاتاخذ غير ياباني انصحك من تجربة انا يوم كان معي الكابرس ذبحني بالصناعية اخر مرة توضيب ب7000 ريال وموديل كابرس 2004 وممشاه 140 الف يعني مامشيت شي لاكن الحين مع الكامري نسيت الصناعية وين مكانها انصحك بالكامري سيارة تركبها واقتصادية في القطع والبنزين وفلوسك تجيب 2009 براحة فكر بموضوع القطع لكزس لو تخرب يبغالها بنك

طيب ياخوي عندك خبر بكم شاريه ؟

وهل هو فل ؟