وعليكم السلام ورحم الله وبركاتة
أنا لي تجربه معها
وطرحت تجربتي لها في رد في احدها المواضيع وفيما يلي نصه >> حلوه
وانا لي تجربه مع جي اس 300 93 لمده 8 سنوات طبعاً اخذتها مستخدمة قبل 10 سنوات
مشيت فيها تقريبا 200 ألف اخذتها ماشية 130 ألف وبعتها ماشية فوق 300 ألف
والسياره ماشاء الله تبارك الله جودة التصنيع الداخلية ماشفت لها مثيل على الرغم من ان صاحبها الأول مايوقفها الا في الشمس ومعي نفس الطريقة ماراح فيها الا جلد الجلاسات فقط وفرمايكا الابواب الامامية اما الطبلون والابواب والداخلية كاكل ماصار فيها شي
وماغيرت فيها الا اشياء استهلاكية بسيطة خلال الثمان سنوات
وسوف اسردها بالتفصيل مانسيتها من قلت خراباتها طبعاً بدون قطع الحادث علماً بأن
القطع اللي كانت عليها قطع الوكالة راعي الأول ماغير فيها شي كان ظاهر غير القطع
الاستهلاكية
1 -مرتين قماشات امامية
(الاسعار قبل 5 سنوات تقريباً والاسعار تقريبية مو متأكد) قماشات امامية 160 خلفية 100
2- هوبات امامية (الواحد ب 290 )
3- مره قماش خلقي
3 -رمانات خلفية
(في الشركة الواحد ب 200 اخذت نفسة بالضبط من كيلو 3 ب 100 )
4-رمان كمبريسر المكيف ( 30 ريال)
5-مروحة المكيف ( اخذت مستخدم ب 50)
6-كلتش المرحة (150)
7-اسلاك بواجي (190)
8-خرطوش علبة الدركسون ( نسيت)
9-خرطوش صغير تبع المكيف الحار ((نسيت)
10-طرمبه مويه ( 250)
11-شريط الاير باق والهرن (450)
12-كرسي مكينة ( يجي اثنين بحدود 500)
13-سير التيمر Timer belt ( فوق 100)
14-سير المكينة ناسي يا مرتين او ثلاث مرات ونوع تجاري ( الاصلي بحدود 170 والتجاري ب 70 الى 90 )
15- 3 بطاريات
16- دينو الكهرباء والسبب غسيل المكينة بالديزل.( اخذته مستخدم ب 150)
17- فيوز المراوح ( يجي واحد ب 60 )
18- فلتر بنزين وفلتر موية ( 160)
طبعاً غيرت المكينة والقير والسبب والله اعلم عين لنه واحد ركب معي مره وقال انت حرارة سيارتك بس كذا قلت ايه وانا عمري ما اشتكيت منها بس نزل الرجال ومشيت شوي ألقى الحرارة لل H من بعدها مازبطت الحرارة عندي صارت فوق الربع وهي عادتها الربع فقط وكل ماراح لمهندس قال هي حراتها كذا فوق الربع بعد تقريباً 6 اشهر صارت الحراره تلعب احياناً توصل النص اذا دعست فيها جلست مده على هذا الحال ما اذكر بالضبط بعدها صارت تطلع دخان ابيض وديتها للمهندس طلع عيار الزيت لونه ابيض
طلعت خالطه موية وزيت والقير ماصار يعشق تمام
رحت غيرت المكينة والقير ياباني مستعمل ب 2800 مع شغل اليد واخذ القديم
الغريب في الأمر ماقد احترق في السياره اي لمبه ولا قد غيرت الا الكشاف الامامي بعد الحادث
والمكيف ماقد صار لي معه اي مشكلة وبارد جداً
وماقد طفت علي أو جيت اشغلها ماتشتغل الا مره غسلتها بستم بالديزل وتأثر الدينمو
ولا كنت راحمها ماكنت اطلع فيها مشوار الا لازم اسمع صوت المكينة وادعس على الاخر
هذي قصتي مع اللكزس
فيه قطع اخرى مثل المساعدات انا غيرت امامية بعد الحادث ب 140
والسياره بشكل عامل ممتازه جداً اذا حافظت عليها واذا لقيت نظيف لكن ما اتوقع يوجد نظيف الان
وتعليق السياره رياضي ويعتبر قاسي نوعاً ماء وعلى حسب الكفرات وتقدر تغير المساعدات بمساعدات ألين
لا تخذ مرشوشه او مصدومه او مشمسه زي اللي كانت معي لأنك بتفقد كثير من رونق السياره
وإذا فيه نظيف شفلي وحده معاك
وبالتوفيق واي استفسار تحت امرك
