السلام عليكم ورحمة الله و بركاتة
اخواني اعضاء المنتدى الطيب وبعد...
بدأت المشكلة عندي قبل ما ادخل السيارة لتشييك العشرة الاف.
المشكله هي صوت طقطقة كأنه حديد يصفق في بعض في الكفر الايمن الامامي و يطلع لما تدعس على بعض المطبات او الحفر او عيون القطو وانت لاف الطارة. نادر يطلع و الطارة سيدا.
طبعا شرحت للوكالة ولا في فايدة يقولون ما فيها شي, قلت طيب مع التشييك العشرين و نفس الكلام,الثلاثين نفس الكلام, الاربعين المهندس بنفسة قال نعم في صوت يوم طلع تست درايف و قالي 3 ايام و اتخلص السيارة, طبعا انا متحمس بيصلحون المشكلة. يوم جاء وقت الاستلام سألتة وش المشكلة قالي تربيط بس, قلت لة 3 ايام تربيط؟؟؟؟
خذيت السيارة من هنا و الصوت طلع من هنا:a1120(82): طبعا كلمتة و قالي طيب جيب السيارة قلت له التشييك الجاي . و في التشييك الخمسين ذكرت المشكلة للمرة الخامسة ولا في فايدة.
كللمت المهندس وقلت له قبل تشييك الستين اذا الله احيانا ابجيك و ابحط السيارة عندكم وانا داخل على المدير و الفواتير مكتوب فيها المشكلة. كل تشييك اذكر الموضوع ولا في فايدة.
انا ماشي الحين 57500 الف كيلو بعد رمضان ان شاء الله ابوديها لهم.
طبعا اطلعت مشكلة جديدة, هي و انا واقف لما الف الطارة يطلع صوت طقطقة و الكفر يرج وهو يدور؟؟ طبعا مو كل وقت على حسب الشارع او الميلان اتوقع؟؟
سامحوني على الاطالة بس والله من القهر كتبت السالفة كلها. هل احد عندة خلفية عن الموضوع؟؟؟
وش سبب الصوت الى كأنه حديد يصفق في بعض؟؟؟
شاكرا لكم مقدما
