سيارة لا تحب رؤيتها في الشارع!<< ادخل وشارك >>

ياجماعة اتمنى اللي يتكلم يتكلم عن السيارة نفسها مو اصحابها

مثل الاخ اللي يحش باصحاب الفورد

انا والله مو زعلان بس مايصلح كذا الموضوع يطلع عن مضمونة

كم واحد معة فورد وعندة سيارة ثانية مرسيدس والا بي ام دبليو والا غيرها

يعني اذا ساق الفورد دلخ واذا ساق المرسيدس ذكي

يعني امريكا دلووووخ كلهم


وياحبي للماركيز تسوقة كنك بالبيت

والسيارة اللي ماتعجبني بصراحة

اي سيارة صغيرة من كل الشركات


الف شكر

اغبى سيارة شفتها في حياتي

:smilie16::smilie16::smilie16:

خذ راحتك وانا اخوك :xyxwave:

اتفق مع اخوي بهالأمر

وعجبني رده الصراحه :bigggrin:

الهايلكس ((الملقب بالبقره)) أو ((البيك أب))

تشوف الواحد حاط تغبيره وتجليده على الكبوت وجنوط مرسيدس

واهم شي عنده

الفحطه :a1120(121):

لازم يدعس لين يقول ان ان ان ان بعدين اوووع ((يعنني ينقالك عزم))

الصراحه ما قد شفت ناس مثل عقليتهم

ولا يجيك واحد يقول ملمع الشكمان ولا مغسل بطن الموتر ولا يقولك نصب ورزه

الله يرحم والديك تراه صندوق يعني لا تلعب على نفسك انه كشخه

والله ما قد شفت موتر اسقم منه


واشكرك اخوي على الموضوع ((مع اني طلعت عن الموضوع شوي )) :rolleyes1:

بالتوفيق

Fj
اغبى سياره بالعالم

:bigggrin:
لاتلومهم ترى الفورد دركسونه خفيف وسياقته مهبوله توجيهه ناعم بالذات الماركيز يصلح تسوقه عجوز داقه الديرم ولا بنت ناعمه اما التمساح الخشن مايصلح له تشوفه يحذف ويدوس فرامل قويه بدون سبب

لما كان معي الله من واحد بغيت اخطي عليه بدون ماادري عن نفسي والناس تطلع يديها مع الدريشه وتسوي حركات غير لائقه وان كان مهوب باليد بالاشاره ودايم يدقون لي بواري

وربي كنت احس اني راكب جحش الله يكرمك ماوده يتحرك رغم اني امسك خطوط ياما مره مشيت ورا التريلات بسبه هالفورد اللي تحس انه سفينه عاصف عليها الهوا يبيله واحد يمشي حبه حبه حبه:a1120(82):
سيقاته وتوجيهه مايساعد نهائيا لاتلومهم

ههههههههههههههههههه جنوط المرسيدس عليه مثل السرج على الجحش الله يكرمك :bigggrin:
تراهم يركبونها عشان جنوطهم دايم تتكسر ودهم يلفقون لها اي جوده بأي شكل والله ماربح الا اللي باعهم هالجنوط من دبي والمشكله ماتكون اصليه كلها من سوق التنين الصيني وهو يهز راسه ويطق صدره وارد دبي ياحبيبي :bigggrin:
ولاّفيه احد صاحي يدفع على الهايلكس هالألوف المؤلفه ؟

الهايلكسات اللي يجيك حاط جنوط مرسدس وكفرات خط ومغبر السياره من فوق
وملحسها من تحت لاويجيك موديل السياره 99 وتلقاه حاط تجليده بيضاء عالسياره << يبي يعيش الجو ان سيارته جديده // لا وتلقى اكثر واحد فالعالم يلمع الكفرات حقين الهايلكسات
وياعيني اذا وقف السياره على ورى وسكن وركب مع خويه << اموووت انا اذووب انا ادوخ انا

كامري شكل 2006 اعوذ بالله

يالحبيب .. وش دخل سيارة فورد بواحد خشمه وراسه كبير؟ يعني الشركه مشترطه اللي يشتريها يكون بهالمواصفات ؟ :smilie16:

ماودنا نطلع عن الموضوع خلنا بالسيارات مو اللي يسوقونها:a1120(82):

كـــــامـــــري

^
بالله وش بك عالفورد ؟
المشكلة أنك مآأ هزأت الموتر هزأت اللي يسوقونه
يآأخي وش اللي حآأرق دمك ؟
بالله إذ1 أصحآأب الفورد دلوخ أنت وش تطلع ؟ < ادلخ منهم :)
الله لآ يبلآنآأ بزر من جد
ولآ أحس أن فيه موقف صآأير لك مع رآاعي فورد كرهت أصحآأب الفورد من بعدهـ

مشكور على الموضوع

الفورد : دلالالالالاخه من جد دلاخه وغشامه وتلقى راسه+خشمه كبير ويدعس الفرامل ودايم تلقى راسه عند المرايا عشان يطالع اللي ورى يوزع ابتسامات يعني فراامل ولا اذا جاك العقال على ورى توقع اي شي فجأة يطلع عن المسار ولا يخش عليك عادي ابو الشباب وانتم لاحظو اي فورد يمشي بالشارع تحسه دلاخه

اليارس : غبية و استهبال وزحف بنفس الوقت هي وطبلونها اللي بالنص الظاهر بالموديل الجديد يكون بالسقف خخخ بنفس الوقت يعني اللي فاضي ويبي يستهبل ويزحف ياخذ النملة هذي واختها الايكو نفس الطريقة طبعا منافسة

الافيو: من موديل 2006 يلعن ام الغباء شكل فاشل وافشل من الغبي بس صراحة مريحة اخبر اول ماطلعت والله اضحك على الاغبياء اللي شارينها بالله ذي سيارة ماقدرت اقتنع انها سيارة وش ذا ؟؟
ويجيك مصري ويقول سيارة حلوة وميه ميه وسريعة ومكشخ فيها

الكامري: نجاسة ونذالة ونحس لدرجة شديدة ودك تصفق فيه لين يقول بس

الفورتشنر: تصميم غبي وفاشل جدا جدا جدا شكله تقول صرصور واللي راكبه يحس انه ركاب احسن سيارة بالعالم ومكشخ ومايدري ان العالم تضحك عليه كل تويوتا بالموديلات الجديدة اشكالها غبية ومعوقة

التيدا: مادري وش تبي شكل غباء رغم انها قوية لكن شكلها غبي معوقة وخاصة المثلثات الغبية الي قدام عند المرايا

الارمادا: ماهو بعيد عن الفورد دلاخة بس يبطي يوصل لمستوى الفورد بالدلاخة الطبيعية خخخ

الكرسيداااااااااا


اعوذ بالله منها

اداوم زحف اهون لي من اركب كرسيدا

بصراحة كل سيارات تويوتا بلا استثناء ما احب اشوفها ابدا

الاندنوسي
الانوفا والفورتشر
حتي اسمه ناسيه
شي يجيب العمه
لا السياره وتلاقي حتي لي يسوق يسوق
سواقه
كلها
(((( فرامل ))))

FJ Cruiser
Hummer بكل أنواعها
الدايهاتسو بكل أنواعها
الBMW X6

مدري وشلون الناس يشترونهم :a1120(86):

والله انا بالنسبه ليا كانت اكتييون من سانج يونج لكن لمن شفت الي شفتو صراحه ماصدقت والله ياشباب كان في مكان حق طعوس الي عند الكوبري الميت بجده كان في جيب بليز احمر مغرز وفي سياره اكتيون هي الي سحبتو وطلعتو من التغريزه والله الصراحه السياره جدا قويه في الطعوس كبرت في عيني لكن الشكل مو شرط اهم شي اداء السياره