مساعدتكم الله يرضى عليكم ... إكسبلورر أو موهافي

بسم الله الرحمن الرحيم ...

بتكل على الله ثم رأي أخواني الخبراء في هذا المنتدى الأكثر من رائع ...

أنا رجال لدي عائلة صغيره (الله يخليلكم ذويكم) وعندي من ثلاث الى اربع سفرات في السنه ولمسافه اكثر من 800 كلم مره وحده ... والصراحه اني لي مده ادور على سياره دفع رباعي تكون فيها المواصفات التاليه:


- مواصفات سلامة عالية (والحافظ الله أولا وأخيرًا).
- مريحة بالطريق بدون اصوات وثبات. ومكيف ممتاز.
- قوة تحمل عاليه . مافيني كل يوم توقف على بالطريق ولا حراره ولا خلافه. اسافر احيانا بالظهر في عز الصيف. بالحقيقه ابي سياره تكرف.
- تكون فئة سبع مقاعد يعني اصغر من اليوكن شوي.
- إقتصادية. وطبعا سعرها مناسب وقطع غيارها كذلك.
- بالنسبة للبر مانب راعي مقناص ولا مطامر بالنفد. اهم شئ اذا طلعنا مع الأهل والربع برحلة ما تغرز بي واقعد اسحبها.
- بشكل عام يقولون عني ربعي اني جدا محافظ على السيارات واني رحوم عليهن.
- مواصفات واكسسوارات داخلية حلوه. بس منب طمَاع.
بعد بحث كنت احس ان الإكسبلورر افضل خيار لين ما شفت في مول موقفين الموهافي داخل الصالة فشدني شكله وإبتديت ابحث عنه. وهذا خلاني في حيره من امري بين السيارتين. بالنسبة للموهافي اعرف انها كوري والسياره نوعها جديد بس اذا شفت كيا اوبرس اتشجع شوي. واتردد لانها ماهي مجربه كثير.وفي نفس الوقت سعرها مغري على الرغم من كثرة المواصفات اللي فيها. ومن قرائاتي حسيت انها اكثر راحه وافضل في الطرقات السريعه من الإكسبلورر. وانتم ابخص.

تويوتا من تالي مزودينها ... اسعار نار وجوده إبتدت تتردا.

انتظر ردودكم.الله يجزاكم خير جميعا.

الله يدفع البلا ... 15 قراءه ... ولا رد واحد :)

موهافي احسن بالسعر والمواصفات بل فورد بلا زفت

أرشح الأكسبلور وبجدارة ..

يكفي إنتشار السيارة بالشوارع ..

ويكفيك أسم الشركة الأم ( فورد ) على الأقل شركة منتشرة وقوية ..

سعره مناسب لمواصفاته .. لا ضرر ولا ضرار ..

وأستخير ربك قبل كل شي ..