تعالوا وانقذوني مو بس تساعدوني

ركبت اليوم مروحتين عن اليمين واليسار حقت لاند كروزر ولكن للاسف خفت الحراره اول كانت ترتفع بعد عشر دقايق الحين بعد عشرين دقيقه بس المشكله ان انه لما ترتفع الحراره اسمع صوت طرطره خفيف في المكينه هل هذا من القزوز او الطرمبه

مشكورين اخواني ماقصرتوا توني راد من السفر اخوي ابو فهد ضغط الزيت على الربع الثالث والار بي على النص بالضبط ومعروف عن اليوكن الامريكي ان الريس مايرتفع مع المكيف او غيره وقلت اروح زي ماقالوا لي الشباب هنا اسوي لها برمجه واليه سعودي قاموا اللي في الورش يكلموني كني جايب هالشي من عندي كلهم اتفقوا قالوا مافيه رحت حق التوكيلات قال ممنوع نسويها الا للسيارات اللي على ضمانا وبس يعني ضفيت وجهي وطلعت من عندهم للحين لايزال للموضوع بقيه

السلام عليكم اخوي هذه اول مشاركة لي بالمنتدى وانشالله افيدك من واقع تجربتي :

انا سيارتي يوكن موديل 2001 فتح ايدي من الوكالة بالكويت والي الآن هي معاي ولا مرة اشتكيت منها ولله الحمد .

صارت لي مشكله بالحرارة قبل شهرين تقريبا وهي الماي الي بالسيارة كان ينقص ولازم ازيده يتم معاي فتره يومين وارجع ازيده آخر مرة زدته تم تقريبا اسبوعين بلا مشاكل وطبعا لما اوقف فتره ترتفع الحرارة فاضطر اني اطفي التكييف
لكن بيني وبينك مليت من سالفه كل شوي زايد الماي قلت خل اشوف شنو المشكلة رحت لميكانيكي وقالي السبب عندك طرمبة الماي وبالفعل لما فكيناها كانت خربانه وبدلتها والحمدلله كل شي تمام .

ومعلومة احب اقولك اياها خذيتها من صديق لي يعمل بنفس وكالة جي ام قالي اليوكن في عيب بالتكييف احنا بالكويت نسميه ( سلف المكيف او سويتج التكييف) هذا ساعات يعلق وما يشتغل يعني تكون مشغل المكيف وكل شي اوكي لكن الهواء مو بارد لان سلف التكييف ما شبك ولا عشق عدل

انشالله اكون افدتك والسموحه على التقصير

ياسيد العشق لاتتعب نفسك بس يبرد الجو شوي بتروح المشكلة
كانت عندي واختفت من نفسها الاذا طولت واقف
وهذي عيب المراوح الميكانيكية ومشكلة بالجموس
ماتبي حرارة رهم مروحة ولا اصبر لين يخف الجو شوي
ومن ضمن كتيب تشغيل السيارة مذكورة هالعلة يقولك اذا ارتفعت دوس بنزين 2 دقيقتين
اما القير طبيعي اذا ارتفعت الحرارة بيرتفع حرارته لانه يبرد من الاديتر له مواصير تبريد اذا سخت الاديتر بيسخن القير

سؤال ونت واقف ضغط الزيت حق المكينة كم ؟

ضغط الار بي ام فوق النص بدون مكيفا اوعلى النص او تحته مهم جدا ؟
الوقت عشر دقايق بدرجة كم حرارة الجو ؟
لانها كانت عندي واختفت والحمد لله بداية الصيف
اما التوليف لو بالرياض اسال عند الغرابي بيدلونك كثير
المروحة الخارجية مريحة جدا للسيارة ولو اني اكرة التوليف خشية ماذكرت ماس وغيرة

الفريون اصلي ومطابق يا اخوان وتم التاكد امريكي اصلي 134 a

جزيت خيرا كفيت ووفيت

وبقي تتأكد من مطابقة رقم الفريون الذي قمت بتعبئته لسيارتك

الله يعطيكم العافية

ممكن الفريون زايد لانه اذاكان زايد الكمرسور مايفصل عشان كذا الحراره ترتفع
وحرارة القير من الرديتر لان تبريد القير على الرديتر

اخوي انا عندي دينالي 2002 امريكي يعني مروحة عاديه واذا وقفت الحراره ترتفع بعد النص بشرطة وحرارة زيت القير كمان ترتفع للنص ورحت وفحصت كمبيوتر وطلعت الدرجة الداخلية 75 وبالعداد 200 يعني الخلل بحساس القير .
بسألك قد شفت مروحة يوكون 2006 مواصفات سعودية ؟
شوف ورهم مثلها .

ياخوان ارجو التركيز انو ارتفاع الحراره فقط مع تشغيل المكيف والموتر واقف فقط اذا مشيت الموتر ماعليه كلام وبعد ركزوا حراره القير ليه ترتفع وش له خص بطرمبه الماي

أخوي الكريم أرجو أن تبحث عن العلة الرئيسية بدلا من توليف مراوح للسيارة
بإعتقادي مشكلتك تنصب في التالي:
1- غطاء الرديتر
2-بما إنك غيرت الكمبروسور وإختلفت الحرارة فممكن إن رمان الكمبروسور مجيم ويعيق حركة السير، أو أن السير غير مشدود بالكامل..
3-طرمبة الماء قد يكون فيها خلل
4- كلتش المروحة ممكن يكون فيه خلل

هلابكم والله اخواني مشكور ابوفهد بس اقتراحك يعني الغاء المروحه الميكانيكيه وهذا فيه مخاطره الكهرب ممكن تقدر فيني لاتفه سبب
اخوي انس انا الفريون عندي 60 قال لي 55 قلت له 60 بس حتى ولو كان الفريون زايد فرضا المفروض ماترتفع والسياره واقفه والمكيف شغال بس يعني ترتفع سواء انا ماشي والا واقف
بس الحراره ترتفع في بس وانا واقف والمكيف شغال
بس يا اخوان انتو نسيتوا شغله مهمه اللي هي انه مو بس حراره المحرك تتعدى النص بعد حراره القير ترتفع فوق النص اذا كانت واقفه
اخوي الجمال السياره من وكالتها مالها مراوح مكيف واكيد فيه مشكله والا ليه اجل ناس ماهي محتاجه للتوليف مراووح والموتر اول تمام والحين لا اكيد فيه عله

اول شي نصيحة اخ اللي يقول لك الحراره طبيعيه اذا تعدت النص هذا ماعنده ذره فهم وادراك ياأخي كان معي سيارة امريكيه حرارتها ترتفع فوق النص بشرطه وحده وقالوا طبيعي لين خبط عليه الماطور (حسبي الله ونعم الوكيل)


لكن اذا الحراره ارتبطت بالمكيف انا ودي اسالك سوال مهم هل في سيارتك مروحة مكيف اذا كان فيها فانا ابصم بالعشره ان الخلل منها لان مروحة المكيف اذا توقفت تزداد الحرارة وهذه من تجربة مريت فيها كنت اذا شغلت المكيف الحرارة ترتفع واتضح اخر شي ان المروحة حقت المكيف ماتشتغل فرفعت الحرارة في السيارة

سيد العشق إسمع نصيحتي الله يعطيك العافيه

جرب لي السياره بدون مكيف وادعس عليها خذ خط مسافة 10 كلم بس إنتبه المرور السري !!وشوفها وهي واقفه كيف الحراره

أنا اللي فهمت عليك منه إن السياره قبل تركيب الكمبريسور ماكانت تسخن ( صح أو لا )

بعد ماغيرت الكمبريسور وضغطت الفريون صارت تسخن

عندك إحتمالين فقط لاغير وكلها سهله بإذن الله وميزانيه ماتتعدى 150 ريال كأقصى حد
1- الإحتمال الأول أن ضغط الفريون زائد ويسبب زياده في درجة حرارة المحرك

2- الإحتمال الثاني الفريون لديك ليس مطابق لنظام التبريد لديك أو أنه نفس الفريون ولكن مغشوش ..

الحلول أعلاه مجربه في سيارتي المرسيدس


جرب أحسن من أن تبدأ بموال لانهاية له

هذي احد طرق التوليف لسيارة مختلفة
ذاكرها احد الاخوان




احد التجارب على الرابط

http://www.assayyarat.com/forums/showthread.php?t=167486

اي بس اخواني كيف اشيل المروحه الاساسيه وهي مروحه ميكانيكيه هذا اولا
وكيف ياخوي استبدال محرك غطاء الاديتر بهالمروحتين تلغي المروحة القديمة
ماعليش اخوي ابو فهد عذبتك معي جعل جزاك الجنه بس كثيرين راح يستفيدوا من نقاشنا هذا

صادق الدينالي بارز شوي اديتر المكيف ونا سيارتي دينالي
ماهي الي بالصورة تختلف
تستطيع تركيب المروحة بجانب الاديتر حق المكيف من جهة الراكب صغيرة خارجية خلف الشبك الامامي
او تشيل مروحته القديمة وتركب الي بالصورة مروحتين مع بعض
فيه ناس تولف حقت السوبارو
وفعلا الدينالي يبرز اديتر المكيف الي قدام شوي
شوف القطع الي نزلت صورها تركب
وهذا من موقع قطع غيار امريكي
ومريحة للسيارة بس اذا لقيتها دلني عليها لاني بركبها ومدري وين تباع هذي تعتبرشد يلد
للدينالي
ومراوح الكهرباء فايدتها ماتسمع صوت السيارة وتزيد عزم الموتر واستهلاك الوقود

مشكور اخوي ابو فهد بس انا موتري يوكن دينالي 2001 مو زي الموتر اللي عندك صورته انا راديتر المكيف طالع شوي