هل يعقل شركة زيبارت ما عندهم تلميع !!!

نصيحة أبعد عن الإستبدال ..

حاول تودي سيارتك المعارض .. وأعرضها للبيع ولا تستعجل بالبيع ..

إذا جابت لك سعر كويس توكل على الله وبعها ..

أما إذا كانت الخسارة كبيرة .. خلها عندك وأحمد الله على كل حال ..

======

تجربة قديمة سأذكرها للفائدة ..

في عام 2000 أشتريت ماكسيما موديل 2000 من الوكالة بسعر 65000 نص فل ..

وبعد كم أسبوع سوا الجميح عرض على اللومينا بسعر خاص ( ناسيه )

المهم رحت لمهم قلت أبي أسوي أستبدال ( مثل ما أنت ناوي )

طلع معي مندوب وشاف الماكسيما ( تخيل جديدة مالها كم أسبوع )

قال نحسب لك الماكسيما بــ 35000 ألف ( تخيل ) :mad1:

قلت له أنتم ما تخافون الله وأنا أصلا هونت عن الإستبدال والسالفة كلها ..

وبعد 5 سنوات بالضبط بعت الماكسيما بـــ 30000 ( ثلاثون ألف ) ..

يعني تخيل إني طعتهم وبعتهم السيارة بـ 35 ( مصيبة ) !

=====

لذلك أبعد عن الاستبدال من الوكالة ..

مرور الكرام

ابعد عن الاسود احسن لك تراه حساس مرررررررررررررره

بحكم معرفتك بالسيارات

هل اقدر ابدل سيارتي عند الوكالة بتاهو 2009

وكم تعتقد الزيادة

ارجو الرد عاجلا لا هنت

حياك الله..

بالنسبة للأسعار طبعاً ما أعرف بالتفصيل كم راح يكون للجيب ..

أما بالنسبة لتجربتي أيام السوناتا كانت الأسعار رخيصة سويت حماية كاملة داخلي وخارجي بـ 1350 ريال ..

والأوريون قبل 7 شهور تقريباً كلفتني تقريباً 1900 ريال ... لكن هالمرة زيادة تغطية الأنوار الأمامية + الكشافات ( بعازل شفاف )

ويعطونك زيارة سنوية يعملون لك نفس الحماية الداخلية والخارجية بــ 500 تقريباً ..

وعندهم فئات للحماية ( ماسية وذهبية .... الخ)

انا الي سويتها كانت أقل شي !!

مالك إلا تمرهم وتفاصلهم أحسن ..

والوقت على خبري إذا جيت السيارة الصباح تاخذها المساء

واذا جبتها المساء تستلمها ثاني يوم العصر

وبالتوفيق للجميع.

السلام عليكم ... اشكرك اخوي مرور الكرام ياليت تقولي كم تكلف حماية السياره كامل عند زيبارت علما ان ان السياره فورتشنر ؟ وكم تاخذ وقت عندهم ؟ بحكم انك لك تجارب سابقه عندهم

جزاك الله خير وبارك فيك

سبحان الله ... كأنك تقرأ أفكاري ..

هاليومين ناوي أشتري تاهو ...

ومحتار باللون ... وأول اختيار كان الأسود ولكن بعد التفكير العميق أستبعدته بسبب صعوبة المحافظة على اللون ..

وبعد ردك هذا أكدت لي إني أبعد عن الأسود ..

وإذا تبي نصيحتي روح لزيبارت فرع خريص بعد مكتبة جرير وأسألهم عن التكلفة ..

وأذكر عندهم معالجة لبهتان اللون أما الخدوش لا أعلم هل يعالجونها ولا لأ ..

وأتمنى تلقى الحل الي يرضيك ..

حبيب ألبي مرور الكرام

اشكرك على تجاوبك واهتمامك بموضوعي

سيارتي تاهو اسود موديل 2008 فيها خدوش غسيل

زيبارت يسوونها او لا ؟ واي فرع تنصحني اروح له

مع شكري وتقديري لتجاوبك

الأفضل تروح بالسيارة بنفسك ويشوفونها ويشوفون وضعها ..

زيبارت يضع طبقة حماية على السيارة أول ما تشتريها ..

تحمي البوية والمظهر الخارجي والمراتب من التشققات والحفاظ عليها ..

فإذا كانت سيارتك كلها خدوش كيف راح يسوي حمايه لها وهي بالأساس مخدوشة مثلاً

ولهم فرعين بالرياض فرع مخرج 9 السوداني الي فيه سيئ لأبعد درجة

أما الفرع الجديد بطريق خريص السوداني الي فيه طيب لأبعد درجة

وهذا تلفون فرع خريص 4935700

جربت عند الفرعين سيارتين

1- سوناتا 2006 على وقتها

2- أوريون 2008 قبل 6 شهور تقريباً

بالتوفيق وأي سؤال حاضرين.

turki878

اشكرك على مرورك

لكن انت اول واحد ينصحني بغير زيبارت وتحديداً العربة

والله اني احترت كل واحد يقولي شكل

انا طالع يوم السبت ان شاء الله للرياض من شان هالشغله

بالله دلوني وين اروح

منيتهم على حالهم

عاد من زين مستوى زيبارت الي عندنا

اذكر من كم سنه رحت لهم متحمس بسيارتي وجلس ساعه يبربر علي

وقلت ابشوف سيارات ملمعه

وشفت اكثر من سياره مو باين انها اصلا ملمعه لانها غير نظيفه وفيها سواد في الاطراف بس فيها لمعه على الجلد بشكل فضيع
تقول فستان طقاقه

سيارتك معك وكاشك في جيبك .. رح لغيرهم وترى يمدحون العربه

الرياض- طريق التحليه- محطه العربه

بالله نوروني بخبراتكم

هم عندهم تلميع وتشميع
بس يمكن ماشرحتله صح او يمكن هو مافهم عليك

اخوي ميدو اشكرك على مرورك المشرف

الحقيقه الزول ابن الحلال ما قالي زحمه كان ارتحت شوي

لا هذا سكرها بوجهي قالي ما عندنا تلميع للخدوش واحنا ما دايرين نجرب بسيارتك حاجه ما واثقين من نجاحها

ياجماعة هو انا طبيت عليه بالغلط والا جيته بوقت كان مسطول والا ماله خلق يتناقش بشي

قسم بالله حطلي عقلي بكفي

لو اعرف المواد اللي تشيل الخدوش وطريقة استعماله والله اسويها بنفسي

لان ما عاد لي ثقه بكل المحلات

نورني اخوي مؤيد الله ينور دربك وش اسوي

هلا ابوظافر سعدت بمرورك العطر

كيف ما عندهم المادة اللي تشيل الخدوش وهم شركة عالمية ولها ثقلها في كل مكان

اذا هم ما عندهم ما يشيل الخدوش اجل من اللي عنده

والله اني تعبت بالله واحد يفيدني عن مكان يشيل الخدوش او اشتري المواد واسويها بنفسي

حرام سيارتي جديده

.
.
.
وعليكم السلام ورحمة الله وبركاته

يمكن قصده مافي امكانية تلميع ,, زحمة ولا شيء كذا !!!