كم استفسار بخصوص انفنتي fx35 2009

[هولدن 2007]

السلام عليكم

كيف حااااالكم شباب وكيف الاختبارات

حبيت اسئلكم كم سؤال عن fx35 لأني ناوي اشتريه انشاء الله بعطله الصيفيه

وابي رايكم فيه من ناحية الرساوه والعزم لاني راعي سفر وخطوط هل عزمه حلووو وراسي

ومن ناحية قطع الغيار والعيوب هل فيه عيوب مصنعيه


ثانياً: وش الفرق بين fx35 و fx50 غير السلندر يعني هل حجمهن يختلف عن بعض


هل هو وسيع ومريح من الداخل


وش افضل لون فيه الابيض او العودي او الاسود


واسف على الاطاله

ياليت لو اي شخص يعرف لو معلومة يقولها راح اكون شاكر له

[BMW_FaN]

هـلا اخوي
السـيارة رائعه كتصميم داخلي و خارجـي

مع انها 6 سلندر الا ان عـزمها ممتـاز جدا و ما يميزها ان قيرها من 7 غيـارات
من ناحية الرسـاوه فالسـيارة تعليقها مريح ومائل للرياضيه لذا فهـي راسيه جدا

من ناحـية القطع و الصيانه في الامارات مـتوفره
و اسعارهم مناسبه اما فالسعوديه فالاخوان يفيدونك

الفرق بينها و بين ال FX50S غير عن المحرك و الاداء
اولا مثبت السـرعه بالرادار ACC و نظام التحكم فالتعليق غير متوفرين فال 6 سلندر
عدد وضعيـات الكرسـي فال 6 سلندر اقـل
و في نوع من FX35 يجـي بدون الشـفتر اللي خلف المقود.

من ناحيـة العيـوب : لاحظت ان المسـاحه الخلفية ضيقه بعض الشـي
و بالنسـبه للعيوب التصنيعيه ظهر كم عيب فالدفعات الاولى و اعتقد تم تلاشـيها فالدفعات الثانيه.

من ناحيـة السعه ففي الكراسي الاماميه ممتـاز
الخلفيه ضيق الى مقبول

بالنسـبه للالوان فأشـوف الاسـود جمـيل

بالتوفيق
و
تحـياتي لك

[أبو العـــــز]

العزم جدا ممتاز بالنسبة لسيارة 6 سلندر ودفع رباعي وكروس اوفر

ان انصحك فيه وبجداره

ويفضل يكون الفل اوبشن يأتي بشاشه خلفيه ديفيدي لفئة ال6 سلندر

واللون المفضل هو العودي

وبالتوفيق

[The_Game]

والله السياره ممتازه ماعليها كلام
انصحك بها
وافضل لون اسود والداخليه حمراء

[هولدن 2007]

BMW_FaN أبو العـــــز Angel1

مشكورين وماقصرتو على هالمعلومات

[نيوتن]

من ناحية الالوان ابعد عن الاسود الا اذا بتهتم فيه
المشكة الثانية يسحب الحرارة
وانا ارشح العودي ثم الابيض
اذا كان فيه لولوي توكل على الله وخذه

[هولدن 2007]

فعلاً اللون الاسود لحظته يبهت بسرعه

لان جوناً اغلب الايام غبااار وحر على العموم مشكووور اخوي

[salehhd]

السلام عليكم

سيارات انفنتي من اجمل السيارات اليابانية واقواها
محرك السيارة 6 اسطوانات اكثر من 300 حصان

شوف هذا الرابط يفيدك

http://www.arabicmotors.com/new2009/...fx35-fx50.html

تحفضي فقط على السعر والذي ارى انه مرتفع نوعاً ما ويصل الي اسعار بعض الجيوب الاوربية

في الختام انصحك بالاستخارة
وابعد عن الاسود (عن تجربة )
بالتوفيق