اولا وقبل كل شي السلام عليكم ورحمة الله وبركاته
كيفيكم اخبارك وش مسويين مع الجو الحلو بالذات اللي ساكنين في الرياض
ندخل في الزبده على طوول
اخواني الاهل عندهم جيب اكسبلورر 2004 سعودي معروف اصله ونسبه <<تراهم موب مناسبينه:tongue:
المشكله انه دخل شريط في المسجل وما رضى يطلع حاولت معه بالطيب مانفه حاولت بالقوه مانفع الرجال حالف انه مايطلع من المسجل
عشان كذا قلت مافيه الا نسوي له عمليه قصيره قلت احاول افك المسجل واشوف ان اراد الله اصلحه والا مالي الا اوديه لورشه
وانا حطيت هذا الموضوع ابي مساعدتكم اذا في اح سبق له ان فك مسجل اكسبلورر او يعرف يفكه يساعدني
هو على مايبدو لي انا الديكور اللي جاي على المسجل وتحكم المكيف وازرار الدبل ((مربع اسود كبير))انه ينفك بدون مسامير لان ما شفت اي مسامير على الديكور
عموما انا بحاول اجيب لكم صوره عشان يكون اوضح
واتمنى تساعدوني وشـــــكــــــرا
