تفاصيل الرحله
الرحله هذي تعتبر أصعب رحله قام فيها أعضاء منتدى الدفع الرباعي
بسبب ماحصل من بعض المواقف منها المحزن :blue: ومنها العادي واللي يحصل في أي رحله ومنها ماهو صعب جدا (( والا يابو أسد :bigggrin: ))
طبعا بالبدايه اول مادخلنا ومشينا تقريبا كم كيلو كانت الإفتتاحيه
لحية سيارة أبو وسن اللي إرتخت عليه واضطر انه يوقف يفكها
ثم بعد ماتحركنا بشوي تعلق الولهان بطرف نقره :bigggrin:
فتم سحبه بونش الفكسار
بعد ماخصلنا وتحركنا ثولث علينا الولهان مره ثانيه لاحوول :bigggrin:
طلعه ابن صقيه مشكورا :xyxthumbs:
بعدها كملنا ممشانا فتعلق أبو فهد تعليقه بسيطه
فتم سحبه بالفكسار
بعدها بشوي بنشر كفر الباترول الامامي
فكان لها بالمرصاد أخونا الكبير أبو إسماعيل ( ناصح )
فكان لها بالمرصاد أخونا الكبير أبو إسماعيل ( ناصح )
المكان اللي بنشر فيه الباترول
بعد ماضبط كفر الباترول مشينا وتعلق تعليقه بسيطه إستاذنا الكبير أبو إياس على أحد القصوص
فتم سحبه بواسطه اليوكن للعضو باترول 03
بعد ماكملنا المسير انفصخ كفر اليوكن الخلفي
لحظة تجمع الشباب أثناء تصليح كفر اليوكن
تقول أول مره يشوفون كفر منسم :tongue:
حاولنا نرفعه عن طريق إرباق أبو وسن لكن الموتر كل ماإرتفع تحرك فكانت تجربه خطره
مادرينا الا أبو إسماعيل جاي بالعفريته ( إسم على مسمى ) :bigggrin:
المهم خلصنا من سالفة اليوكن وكملنا المسيرة
لكن للأسف حصل مالم يكن بالحسبان واللي أحزن الجميع بصراحه
الشباب أخذو الإذن من أمير الرحله أبو وسن وكلن قام يشوف شغله وينثر إبداعه
لكن للأسف حصل لأخونا خالد حادث بسيط بظهور إيرباقات سيارته الهمر H3
لكن الحمدلله انه الرجال سالم ومعوض ياخالد :wink:
تجمع الشباب بعد ظهور الإيرباقات
بعد ماتأكدنا انه كل شي تمام كملنا المسيره اللي ماودها تستمر :bigggrin:
شويات الا أبو محمد وأبو إسماعيل طايحين في رباضه قشرا
فتم سحب أبو محمد بالفكسار اما الهلي فماقدرنا نطلعه عن طريق السحب بالفكسار ثم الباترول لانه الرباضه كانت جامده صدز :bigggrin:
بس عاد دفيناه وطلع :bigggrin:
مشينا شوي ثم ثولث الباترول وتم سحبه بواسطة اليوكن
بعدها بفتره طويله من المسيره وبعد ماقربنا من عرق الحمراني
نشب الباترول في نهايه قص وبوسط نقره على بداية طعس ثاني :bigggrin:
ياشين ام الحظ :bigggrin:
مثل ماهو واضح بالصور سحبناه بونش الفكسار
الى هنا والاحداث شبه طبيعيه وتصير لكن النشبه الجامده نكملها بالرد الثاني :bigggrin:
يتبع لا أحد يرد
