يأصحاب الفورد ابي مساعدتكم في مشكلة؟؟ ضروري

السلام عليكم
اخوي بالنسبه للمكيف نصيحه لا تفك الطبلون لانه لو تفكه ماراح يرجع نفس اول راح تشوفه يطلع صوت مع المطبات وانا سبق جربتها
ثاني شي انت يوم انك تقول انه قام يبرد بسو ذاك التبريد انا اعلمك ليه
فتحه التهويه الخارجيه مفتوحه عندك وتحصل كل الغبار والريحه داخل الموتر والدليل لما تفصل الحار مستحيل يعطيك تبريد خفيف بالعكس
وبعدين بالنسبه حق الرقم السري يااااخي افتح ديكور باب السايق وبتحصل تحت صندوق عليه رقم مكون من خمس ارقام وانتهى الموظوع
وبعد برمجه الريموت انت بنفسك تقدر تسويها الوكاله نصااااااااااااابه
شف ياطويل العمر طبعا هذه الحركه من موديل 98 وحتى موديل الان 2009
اول شي تاخذ ريموت خاص بنوع السياره حلو الكلام
ثاني شي تروح حق الموتر وتجلس ثم تروق صح وتاخذ الريموت الجديد وتوجه عند اللمبه الحمراء الي بنص الطبلون مفهوم ؟؟؟؟ ومن ثم تعلق على زر الي يفتح الموتر واثناء هذا انت تحط مفتاح السيار بالسلف ومنها تفر السلف على وظع البطاريه لا تشغل السياره طبعا توسي حركه السلف خمس مرات بسررررررررررررعه وانت طبعا ظااااااااااااغط على الريموت وموجه الى اللمبه الحمراء
راح تشوف الحبات تفتح وتقفل كذااااااااااااااااااااااااااااا ياكبتن تم برمجه الفورد
والي يامرني بأي شي عن الفورد من برمجه او مشكله انا حاظر خويكم من سنه 91 وحتى من قبل 3شهور (كفايه فورد) ^_*

اخوي بوتشيني الكلام الي قاله نجم العشاق صحيح كله اسألني من الفورد ولا تحاول تطفي السياره والمكيف شغال او العكس مره ثانيه لأن الحركه هذي هي السبب

بارك الله فيكم اخواني
جميعا عللى ردودكم

هلا اخوي
بالنسبه لفك الطبلون يستغرق وقت وفكه في حدود 700 ريال
..................
لاكن انصحك تروح ورشة البيان الي في صناعية الشفاء
تقدر تروح لها وعندهم ريموت جديد وتلقاء مستعمل بعد
............
وعندهم تشليح كبير في الحائر ممكن يجيبون لك اي شي
والسيارة عندهم

اخي العزيز سوبارو

مافيه زعل انشاء الله هذا رايك وانت حر فيه والاختلاف في الراي لايفسد للود قضية
وانت على عيني وراسي وكلامك ماقول فيه شيء
اصلا عند اخوي فورد قراند ماركيز موديل 93 شراها تقريبا من 5 سنوات والله العظيم انه اول سنة او سنتين مضبووط بعدها الله لايوريك انواع المشاااكل طبعااا مشاااكل كهربائية بهذلنا في كل شارع يوقف صرت ادخل البقالة واطلع اتوقع انه مايشتغل والله اني كرهت الامريكي بعده وصرت اسب فيه

بس واحد من عيال عمي شراء 99 ماركيز وله 3 سنوات وشجعني اني اشتري فورد
الخلاصة
انت حافظ على السيارة والله تعيش معك شيك على السيارة كل فترررره اول باول
وسلامتك وشاكر ومقدر لرايك ايها الاخ الحبيب



اخي نجم العشاااااااااااااااااق العزيز
باااااااااااااااارك الله فيك على ردك
صحيح المكيف لمس الكتروني وفعلا اغلب المحلات قالوا هذا الحساااس
شريته من الوكالة ب119ريال بس ماركبته للحين رحت لكذا محل طبعا مارحت ورش متخصصة
رحت محلات عادية وصغيرة اللي تصلح المكيفات

جيت اول واحد قالي لازم فك الطبلون ويكلفك ب150 ريال انا شكيت فيه بصراحة
لاني اتوقع انه ماراح يفك الطبلون كامل احتمال انه يفك الدرج بس ويدخل يده ويفك مسمارين بس ويكسر الحساس ويطلعه لان المسمارين هي اللي ظاهرة له والمسمارين الاخريين مايقدر يشوفهم الا اذا فك الطبلون كااامل طبعاااااااااااااا هذا سوري رحت لتركي قال ب1000 ريال

اخر شيء مريت يماني قال لازم فك الطبلوون كامل ويحتاج وقت طويل اكثر من 10 ساعات
وب 400 ريال

صراااحة صرت اخاااف منهم وابي ورشة متخصصة

وررررررررررررررشة البيان اللي بالشفا وينهي وهل هي نفس ورشة البيان اللي بالنسيم

ابي مفتاح وريموت وابي اصلح المكيف واربط السيارة يعني ابي الورشة الشاملة
اروح النسيم ولا الشفاااا وابي وصف للموقع الله لايهينك

بارك الله فيك

اولا المكيف
اكيد مكيفك الكترووني
عندك حساس الحرارة عطلان ولاصلاحه لابد من فك الطبلون كامل
وهي عمليه معقدة وتحتاج لورشه متخصص في الفورد
والطريقه السهله هي ارجع اشبك ليت الحار
فك الدرج الداخلي وحاول ادخال يدك في الجهه الايسرا
ستجد حساس الحرارة ويوجد فيه فيش كهرباء
حاول انك تفصل الفيش من الحساس..
بعدها شغل السيارة وشغل المكيف اذا وجدته لايزال حار اطفئ المكيف
تم اطغط على زري OFF وFLOOR في نفس الوقت ثم ارفع يدك
وبسرعه اظغط على زرAUTOMATIC ستراي الشاشه تدور لمدة
دقيقه بعدها سيظهر لك مجموعه ارقام ممكن 52 و48 عندها اظغط على زر
الاحمر او الازرق ثم جرب المكيف
لاكن لان يعمل معك على الحار مرة اخري
.........................
باالنسبه للارقم تجد مكتوبه على مفصلات باب الشنطه من الداخل
..................
والمفتاح معا البرمجه اذا كنت في الرياض
موجود في ورشه البيان بالشفاء 190 ريال
وكذلك الريموت سعرة في الوكاله 130 ريال
وبرمجته 50 ريال

اخوي بوتشيني :wavey:
معليش اذا كلامي كان في شي يزعلك
بس انا مجرب والتجربه طبعا فاشله :smilie20:
المهم
اذا واجهت اي مشكله بالفورد مايردك الا اصابعك ارسلي رساله وانا انشالله ابجاوبك
لاني خبره 3 سنين مافي خراب في الفورد الا وصارلي واعرفه ومصلحه كمان اي شي بخاطرك قولي......اوكي

تقبل تحياتي.............. سوبارو

اخي ملك الماركيز
انا سيارتي فل كامل والطبلون الكتروني والمكيف لمس
بالنسبة للمفتاح محل المفاتيح ب 150 والوكالة 430 اكيد بروح محل المفاتيح واعتقد مافيه شيء
بالنسبة للريموت ماعرف كيف ابرمجه

تحياتي لك على ردك

اخي العزيز حاير

ياليت تعلمني طريقة البرمجة سواء للمفتاح او الريموت
وبالنسبة للرقم السري انا شريت السيارة من واحد سعودي وصراحة دورت الرقم في الدرج بس
وماشفت شيء حتى ولد عمي يقول فيه لزقة تكون في الدرج بس انا مالقيتها
وبحاول ادور مره ثااااااااااااااااااانية او شكلي بلغي الارقام نهائيا وارتاح


اخي العزيز سوبارو
اللي جرب الفورد مستحيل انه يتخلى عنه الا اذا صارت معك مشاكل في السيارة اكيد بتطيب نفسك منها
انا ولد عمي معه ماركيز 99 لها ثلاث سنوات معه ماشاء الله وردة والرجال مبسوط
والاعطال بكل السيارات مو حكر على سياره معينه


اخووي فني سيارات
وانا بعد معك نفس التساؤل انا وضعت استفساري في الموقع الصحيح


اخي الادريسي

كلامك صح


تحيااااااااااااااااااااتي لكل من رد علي واقوله

الله يسعدك دنيا واخره ويرحم والديك ويمتعهم بالصحة والعافيه اذا كانوا احياء

ونقول الله يرحمهم ويغفر لهم ويسكنهم فسيح جناته اذا كانوا امواااات

مافي احسن من الفورد ياراعي السوبارو

ولكن لاتخلي احد يلعب فيها وبتعين خيررررررررررررررر

ياريت الي نقل الموضوع يذكر لنا سبب النقل

؟؟!!

بسم الله الرحمن الرحيم
طبعا هذي اول مشاركه لي

اخوي تبي نصيحتي ......... تراه افضل احل

بيع السياره ..
وخذلك غير الامريكي
نصيحه من اخ
انا اقولك قصتي......

كانت معايا فورد 96 فكتوريا وقت ماشتريتها كانت نظيفه نظافه ماشالله وكاله والسياره مشيت معي اكثر من 8 اشهر وبعدها............ورششششششش
السياره كملت معي 3 سنين
وفي خلال 3 سنين خسرت اكثر من 20000 ريال
طبعا كله ورش
قسم بالله السياره اهلكتني بالورش طفرتني مافي ورشه الا تحصلني مشهور فيها
وياريت تاخذ بنصيحتي افضلك ومابغاك تجرب اللي جربته وخسارة الفلوس والكلام الفاضي
والحمدلله الان مرتااااااااااااااااح مع السوبارو فلوسي في جيبي
واسفين على الاطاله.....

وتقبل تحياتي ..........

اخوي بوتشيني,,, باالنسبة للرقم السري دور له في الشنطة ولا في الكبوت (دور في كل السيارة يمكن صاحبها الاول ملصقها تحت السيارة) لانها من الوكالة تجي خمس لصقات في البوك اللي في الدرج ,,, اذا لقيته تقدر تشيل كل الارقام المضافة بطريقة سهلة .. اما المفتاح اذا عندك الاسبير فبعد برمجته سهله,,والرموت اشتر واحد من المعارض ب50 ريال وبرمجه انت بنفسك بشغله بعد سهله اذا حبيت اقوول اي طريقة ما عندي مشكلة.. مع العلم ان كل البرمجات اليدويه موجوده في الكتلوج ولا يبغالها ذيك اللغه لانها مدعمه بالصور.. وسلامتكم