السلام عليكم ورحمة الله وبركاته
هذا شعر شفته باحد المواقع واعجنى وهو عن التطعيس
ملاحظة :- الشعر للشاعر صالح عبدالله الزرير التميمي- الرس
بسم الله
الموتر الي طاير من أسفل الطعس
هوكيف طار وعاكس الجاذبيه
الله يستر يامطعس من النحس
لاتنقلب وإلا تصيبك وهيه
أرفق بحالك لاتجي عشركم خمس
أو عقب الحياه تصير جثة رميه
أشكر لرب خالق الجن والإنس
ألي عطانا أنعام ماهي خفيه
عبدالله نايف الطويلعي- العلا
الهايلكس من اللوهيب طائر
طيرة حداد شائف لة قطاتي
يكويه خوف من العطش والبوائر
فاالحد مايرحم زوين النباتي
من شافها ياناس يعطي البشائر
خوف على السواق حد ومماتي
علي سعيد السعدي- الرياض
أمنت بالله كيف يوصف باللحان
تقل يتحداها نفود وتحداه
اليادست فوق سريتره ونت عجلان
ينزعن ثقل الوطئ تقل تنخاه
اسرع من اللي رف بالجو جنحان
حتئ الطيور الطائر ماتعداه
لواملكه لوكان في غال الاثمان
ارهن ثلثي مرتبي لجل مشراه
ياسر فاضي عبدالعزيز العنزي- حائل
نبي ندور الجو على (الهادي) ياحمود
الهاي عافت من دروب الطعوسي
نبي نشوف الكون أيام ونعود
لين المكينة تشتكيها التروسي
يوسف النغيمشي- الربيعية
شفنا مع البر طياره
جتنا مع الجال مرفوعه
سواقها ضيع افكاره
مع جملة اشكال مخدوعه
مايضبط إمساكة الطاره
تكى على الباب في كوعه
تفحيط وازعاج بالحاره
دايم ثقافيه وارجوعه
علي رشيد الرشيد- رياض الخبراء
يا اهل العقول الفاهمة وش تقولون
ياللي عواقيب الخطر ماحسبها
يااللي تعرفون الكتابه وتقرون
جريمة التفحيط وش هو سببها
اهل العقول الفارغة مايحسبون
الشلة اللي ينتهي من صحبها
لابد يوضع للمهابيل قانون
قانون يردعها ويحسن ادبها
حجاب مخلد الظويفري- عنيزة
ياداعي الموتر على وين رايح
غصب تبيها تطير من غير جنحان
بالفعل هذا ماكسبت المدايح
واقول ياابن الناس لاشك خسران
وخذها نصيحه من جزيل النصايح
خل التهور وادحر ابليس يافلان
قدام لاتكثر عليك النوايح
وقدام تحمل يافتى فوق الامتان
عقاب مخلد الظويفري- عنيزة
ونيت بالهوا طاير وش اللي حدها لمسكين
تكسر موترك والناس حولك مايفيدونك
على عمرك ترفق وانتبه لاتطاوع الغاوين
تشوف اللي يصفق لك وباكرهم يضرونك
وراك ام وابو واخوان ولشوفك ترى شفقين
اقول اسمع نصيحتهم قبل مايوم ينعونك
نصيحه للشباب اللي على درب الخطر ماشين
دروب الشر جنبها وطاوع من يسرونك
محمد بن عبدالعزيز الخنيفر- أشيقر
يالموتر اللي غرك العمر والطيش
والقايد اللي من جهل قام يعطيك
وغرك زمانك يوم بجت المطاريش
وعفت الوطا ياكبر والله هقاويك
انصحك لاتقعد تقلد على ويش
ماينفع التقليد الأعمى ويعميك
مثل الدجاجة كيف لوتنفض الريش
لابد ماتاقع ولافيه تشكيك
محمد بن شارع العضياني
الي يقيس ويعرف الصح لأباس
اكيد يادرب الخطرماشابه
ياكم شاب راح خيرة الناس
اقفتبه الدنيا وطول غيابه
وكل السبب لاقيل في زوغة أطعاس
حزة طرب ماكان يحسب حسابه
هذي نصيحه لكل من عنده احساس
يبعد عن التفحيط ويترك جنابه
حمود الغضيله
كن العرواي ترايستار
راحت مع الجو طياره
تباء مدرج وبرج اخبار
وتبعد عن الناس والحاره
هذا العمل قمت الاخطار
لوطار من الجنط مسماره
ماحد يجازف بلمس النار
تكويك لوكانت اشراره
فارس بن رويمل العضيله
مدري علامك أشوفك بالهوى طاير
وش صار لك لايكون إنجن بك عقلك
ياخوي ماهي شطاره بالخلا ثاير
حافظ على النفس ليتك تنظر بشكلك
سمعت يقولون طعس باالرمل هاير
وش فايدة فعلهم ماغيرت طبعك
لامت قالوا رحل وموترك بالحاير
يشلحونه وذنبك أكبر بنفسك
عبدالله علي السحيمي- المدينة المنورة
صفحة خزامى الي لها القلب يرتاح
في نشرها للوعي دايم حريصه
تنشر لنا الصور على نور الاصباح
وبحر الشعر ماكل واحد يفيصه
والسايق الي بالهواء تقل سباح
ومكينة الموتر تنثر قميصه
مايستمع عاذل ولانصح نصاح
من سرعته صامت صياته رخيصه
العقل راح وكل مانملكه راح
باسباب ناس بالتهور بخيصه
خالد بن ناصر المخيم- روضة سدير
ذي صورة للي يسمون تطعيس
في وقت تروي إطعوسها من مطرها
فعلة غشيم غاص من دون ميقيس
جاهل رمى نفسه إبغبة بحرها
يقول ذا فعل أبي فيه تنفيس
أنا البطل يمناوي تمنع خطرها
غروه بعض الناس وإيغره إبليس
ناس إتمتع بالمخاطر نظرها
والخاتمة موت وكسر وتفليس
ماتنفعة ضحكات فاضي بشرها
فهد بن عقيل الطويان- بريدة
الددسن اللي يبي يفرد جناحينه
وش فيه عجلن على المشوار يااخواني
هو مادري إن الركاده كلها زينة
وإلا يبي يشترك في سباق عقبان
شوروا على سايقه لاشلت ايدينه
يخف رجله إلى من عشق الثاني
ويحمل شعار السلامه فوق متنينه
عسى الله يسلمه في كل الازماني
عبدالعزيز العميري- القويعية
مليت من التطعيس ومن طمر الأطعاس
وكنت أحسب أن فيها حياة التسلي
جابت لي العلة والأوجاع بالرأس
ومن يطمر الجرفان عقله مولي
أمس العصر طرأ على القلب هوجاس
ولعنت أنا الشيطان وصفيت أصلي
بالصوت والصورة أنا أعلنت ياناس
التوبة التوبة على ماحصلي
علي غنام الغنام- رياض الخبراء
ترا الوقاية هي الغاية
والتوعيه حق وانصافي
كم سرعة صارت نهايه
من سرعته شاف ماعافي
تأمل الوضع بعناية
لوشفت فالقلب ماشافي
سرعته ذي صارت دعايه
يمشي مع الجو ماخافي
غنام مسعود القريني- نعام
لقيت في صفة خزامى الحبيبه
صورة تخلي الفكر فيها يجيري
سيارة تطير والله عجيبه
مدري سحر وإلا دقيقة تطيري
وفي هاالزمن مافيه حاجه غريبه
ياما رأينا من العجايب كثيري
لكن ترى المقسوم مافيه ريبه
ماقدر المولى لزوم يصيريدي
صالح عبدالله الزرير التميمي- الرس
قولى كيف الشعر وتقبلو تحياتى
