شاركنا بصوتك و ش افضل طريقة للحماية من الرمال

في النهاية اظن اننا راح نخترع شئ
من واقع تجربة السفر في الليل هو افضل حل لان العج يكون اقل او شبه معدوم و انا اسافر بشكل مستمر مع طريق الساحل و لكن الحذر الحذر من الفيري

شوفوا ياشباب مواد الحمايه كثيره ولكن في رايي ان افضلها الحمايه الدائمه لمقدمه السياره وهمي عباره عن استيكر شفاف يوضع على المقدمه بالكامل وضمانه خمس سنوات بس شوي غالي وفي مواد حمايه مؤقته ورخيصه الثمن انا جربت اكثرها مثل القناع الذكي تعتبر جيده لسفره وحده وسهله التنظيف مقارنه بالتغيره

شباب
انصحكم بفيري
بس مشكلتكم تخلون فيري على الوجه تشخيص 4 ايام
5 ايام على بالي انا مسافر
حتى التغبيره
ياخي وش ذا الحتسي
فيري وشيله اول ما توصل .. وشف كيف

وبعدين السرعه ماهيب زينه
خلوكم على 120 - 140
انتم جلعده ومشغل النور ومركب برقع ومغبر وحاط فيري
وما تبي اللمعه تروح

تمنياتي بالتوفيق لكم
يا مغبرين

السلام عليكم ورحمة الله وبركاته

أنا واحد من اللي يعانون من ظاهرة الغبار
وبصراحة دورت عن حلول كثيره ولكن للأسف مافي حل مقنع إلى الان

1- بالنسبه للعازل الشفاف مشكلته انهم يقولون ما نقدر نحمي الصدام يعني ما يحطونه الا على الشمعات وطرف الكبوت لصعوبة ازالته عن البلاستيك أنا سألت عنه في زيبارت قالو لي بـــ 1200 واذا بس تبي الشمعات بدون الكبوت بـــ 800
وبصراحة من وجهة نظري غالي وما يستاهل وش بستفيد اذا روح علي الصدام

2- البرقع وما ادراك ما البرقع تقريبا سعره بحدود 400 ريال والمشكله انه مع الهنود اللي منتشرين بهالبلد ما تدري من اللي شغله زين ومين اللي من جنبها واغلب المحلات اللي رحت لها يقولون ما نضمن لك انه البويه ما تتجرح وبعضهم يقولون اذا خليته يغطي الكبوت راح يخدش البويه مع العلم انه أنا معاي يوكون وطرف الكبوت يعتبر مع الواجهه يعني اذا في غبار بينعدم
مرة من المرات كنت طفشان ودخلت معرض التوكيلات العالميه للسيارات لقيتهم حاطين في قسم الاكسسوارات برقع أصلي بس عيبه انه منطقة الشمعات والشبك مفتوحه يعني ما عليها شي >>>> طيب ما سوينا شي
وبصراحه ما سألت عن سعره
ولهذا قررت اني ابتعد عن البرقع

3- البخاخ الشفاف اللي متواجد في الاسواق جربته مرتين وبصراحه عجبني لكن اذا جيت تحطه حاول تحط طبقتين أو ثلاثه عشان يوفر الحمايه المطلوبه
سعره :
الصغير 35 ما يكفي الا لمره وحده لاتحاول تقتصد عشان يكفي لمره ثانيه لأنه اذا كانت الطبقه خفيفه ما بتستفيد شي
الكبير 60 هذا يكفي لمرتين
لكن اللي مثلي دراستي تبعد عن مكان سكني 300 كم وكل اسبوع طالع نازل يعني بصراحه مكلف شوي بس اللي عنده سفره أو سفرتين في السنه راح يكون هو الحل المناسب

4- الفيري انا سمعت بأضراره الكثيره وأنا احاول اتجنبه لكن حاط معي في شنطة السياره علبة فيري للأحتياط وللضرورة أحكام

أتمنى اني قدرت افيدكم
ويارب انهم يخترعون حل سهل ومريح

ودمتم في حفظ الله ورعايته

فيري قاهر الدهون أحسن شي

البرقع اختياري
لدي تريل بليزر و شريت البرقع الاصلي من الاكسسوارات الاصلية لدى ليبرتي في ابوظبي \الاكسسوارات نفسها موجودة على موقع GM للاكسسوارات .....

تم اختيار فيري قاهر الدهون , انا بصراحة جربتة مرة وحدة و اذكر كان بالليمون ما اوصيك اقرب دكان وانت والخير اصدقاء:bigggrin:

والله ماعرفنا لكم
عجاجين مثل عج الغبارٍ

انا عن تجربتي مع البرقع

ميه ميه حمي لك الواجهيه كلها

ولا عليك من الكلام انه يرفع حرارة السياره لالا خطأ

انا ماشفت فيها شي .........والسياره فيها مراوح كهربائيه يعني خلاص ماراح ترتفع الحراره

تحياتي لكم

السلام عليكم ورحمته وبركاته فى شىء عندنا بمصر اسمه فروميكا ده شىء بنفس اللون اللى انتا عايزه يتم لصقه على السياره باالكامل لحمايه البويه غير مضر بالمره وعن تجربه

انا ما راح احكم الا على اللي جربته ..

جربت الفيري : لا بأس فيه ان كان الجو فيه غبار خفيف ولا عج بسيط .. سهل ويغطي المساحه اللي انت تبيها بالضضضضبط .. هذي ميزته ..

البرقع : يغطي مساحه معينه ومحدوده .. لكن المنطقه اللي يغطيها اننننننننسى تتقشر او تتأثر او حتى يبان فيها ايييي شي .. يعني عج مطر اعصار بركان << :D
ما يبان باذن الله ..

اما صعوبة التركيب .. انا اقولك الحل .. تعرف شمسنا ما شا الله تحرق حرق ..

خل البرقع بالشمس 10 دقايق بسسس .. تلقاه تمدد .. ركبه وشده ولا احلى ..

اخر مره ركبت البرقع ما اخذ مني 4 دقايق ..

لا وعلى خط السفر ركبته .


حماية الوجه : سواها اكثر من واحد من اخوياي .. صحيح هي تحمي .. وهي افضل من الاثنين اللي فوق .. لكن غااااااليه ياخي .. واللون مع الوقت يتغير .. هذا اذا ما كان متغير من اول ما تركبها ..



اما الشحم .. ما انصح فيه ابداااااااااااااااا .. هو اللي يخرب البويه ويبهتها ويلعب بحسبتها ..


---------------------------------------------



فازلين وشامبو :D

لا تعليق صراحه


من ذا الفاضي اللي بيشتري علب فازلين ويبدا يدهن بهالوجه .. والمشكله شلون تشيله لا وصلت ؟؟



ما زلت اشوف ان الفيري هو الحل الوسط .. رخيص . وفعاليته مش بطاله ..


وشكرا :)

خلي العج ياخذ مجراه هههه واترك عنك هالسوالف هالمبالغ حطها في رش الصدام وتلميع الانوار

البرقع ماله اضرار عن تجربة مضمونة بشرط أن يكون على واجهية السيارة والمرايا بدون الكبوت,,أما التثبيت سهل في خمس دقائق تقل أو تزيد على حسب خبرة الشخص!!

مرحبا اخوي الشهاب اللملتهب انا كنت في سفر و بخصوص المادة عندنا في جدة منتشرة العبوة الكبيرة ب 60 ريال و يقولن لها تغبيرة شفافة او الحماية الشفافة و في الرياض اسم المنتج رش و امش
و لا زال البرقع يتقدم في التصويت

غير البرقع لاتدور

أشوف ان العازل الشفاف افضل لكن مايحمي بنسبة 100%

والبرقع خاصة في الصيف وعندنا ماشاء الله الجو عليل يكتم السيارة

وقد يسبب ارتفاع درجة حرارةالسيارة بتقولي في فتحات وتهوية

اقولك هو جلد وحاول تغطي نفسك به في الصيف 5 دقايق فقط !!!!

ومن اضراره مثل ماقالو الاخوان اصابة مقدمة السيارة بالضرر

التغبيرة هي الحل الافضل مع نظارات للشمعات وتوكل واذا وصلت غسل التغبيرة

والله يا أخوان أنا ماجربت ولا شي بس صوت للبرقع أعتقد هوا الأفضل

لأنو راح تكون الوجهيه فقط من دون الكبوت يعني الأنوار وتحتها بس