خبراء الباجيرو وكل من واجة مشكلة مشابهة

الله يعينك وتحل هالمشكلة

والحل الاول غير الكفرات بطقم جديد وسو لها ميزان غير الميزان الاول


تحياتي

السلام عليكم
انا مااتوقع ان السالفه سالفة تبديل كفرات ولكن تأكد من ارتفاع وجهية الموتر لان احد الشباب كان يشتكي من تأكل الكفرات من الداخل وبعد كشف وفحوصات تبين ان السياره منزله من الامام لذالك اختل توازن الاذرعه والمقصات مماسبب تمايل بسيط جدا الي الخارج
اطيب التمنيات لك

أنا سيارتى الآن ماشية 48 ألف كيلو وبدلت الإطارت قبل شهر وما حسيت بهالمشكلة اللى تقول عنها بالنسبة للرجة .
أما بالنسبة الكفرات الأمامية ففعلا عند التغيير كانوا ممسوحات نهائيا بسبب إنى ماكنت أبدل بين الإطارات بطريقة الإكس او المقص .

ودها الوكيل على الضمان
ضمان الباجيرو خبري به 100,000 كم او 3 سنوات
و يشمل المقصات

ودها لهم و لا تخسر فلس برى

جرب أكثر من محل ترصيص

أحس إن الهوشة إلي صارت بينك وبينهم هي السبب.!

:)

والله وانا اخوك انا اتوقع ان حل مشكلتك عند الوكالة ..

جربهم انا حلوا مشكلتك والا منت خسران ..

الله يعينك ..

يعني شلون تدوير الاطارات ؟؟؟!!!! ما فهمت ؟!

من جهه اخرى اخوي خلصت الاسامي ... ليش تخسر نفسك فلوس والسياره مضمونه ؟!

ليش ما تفحص نظام الـ ABS لا يكون حساس اكثر من اللازم ويستجيب لادنى ضغط على الفرامل

حول انك تزيد ضغط الكفرات كلها على رقم واحد ونقول مثلاً 50 وشوف الهزه هل راحت ولا لا

واعتقد ان كلام اخوي Dakar هو الاقرب للصحه مع ان الكفرات توها شبه جديده و 30 الف

ميهب شئ ..

تحياتي

يعطيك العافية "تايفون"

:)

عند جهينة الخبر الاكيد
روح الوكيل
ولاتقول انك موديه ورشه
وسلامتك

هلا أبو ماجد ...
مثل منت شايف .. الموتر بعده جديد على سالفة مقصات ! وهذا إلي أربكني ...
استعمالي غير قاسي ..
وحتى لو كان قاسي .. أعتقد المقص يحتمل أطول من كذا ...
فعلا ً ... بشوف لي ميزان ثاني عن قريب ..
وأطلعكم على الجديد ..

هلا Daylight
السالفة كلها يومين .. الجمعة رصصت .. وبعدها سافرت ..
واليوم بعد المغرب رحت لميزان العضيب ... وهو معروف ... يُفترض انهم ( يفقهون ) !
عموما ً .. يبدو إن سالفة المقصات بعيدة عن المشكلة .
:)

هلا Dakar
مسألة تدوير الايطارات .. هذي أجهلها ..
لكن سؤال ... هل الباجيرو حالة خاصة ؟ ... وليه الإيطارات الأمامية فقط !؟
بالنسبة لتغيير طقم الكفرات .. جاهز .. ما عندي مشاكل ..
لكن أخاف تتلف الإطارات الجديدة ... إذا فعلا فيه مشكلة !
والإيطارات بيني وبينك غالية ( جنط 18 ) :)

وكلامك مطمئن :)


هلا أخضر العين
المشكلة بالنسبة لي الآن تعدت مسألة الإهتزاز .. لمسألة مسح الكفر واختلال الوزن !
السيارة ما تشتكي من رجة قوية مثل منت متصور .. حتى يمكن الراكب العادي ما يحس فيها ..
بالنسبة للوكيل .. أحلى المر .. إذا دعت الحاجة :)
ويبدو إن محتاج زيارة كم ميزان قبل ألجأ للوكيل ..


هلا القمر المديني
مثل ما قلت لأخوي أخضر العين .. الهم تعدى .. الاهتزاز ..
بس .. لعلك تقدر تفتي في مسألة مسحة الكفرات الأمامية من الداخل .. هل هي طبيعية ؟
وبالنسبة للفرامل .. ما حسيت بمشاكل ولله الحمد ..



يعطيكم العافية جميعاً ..
وإن شاء الله أسمع وتسمعون أخبار طيبة

:)

يا اخي الكريم

انا كان عندي باجيرو 2004 وكنت اعاني من نفس المشكله الي تتكلم عنها وفعلا مشكلة مزعجه للغاية وايضا ترى فيها نوع من الخطوره ولافضل تحلها قبل السفر ايضا ليش؟
يا اخي الكريم المشكله الي عندك والله اعلم هي من قماشات الفرامل والهوب وهذه مشكلة معروفه في الباجيروا ورغم انه قماشات الفرامل تجلس فترة طويلة ولكن مع الاسف تنعدم وتسوي هذه المشكله مع 25000 كلم استخدام والسبب يعود لشئ غريب فعلا حسب افادة مهندس الشركة وهو انه القماشات والهوبات حقت الباجيروا رغم قوة الفرامل فيها الا انها تتاثر بالماء طبعا ليس من اول مره لكن بعد عدد محدود من التعرض للماء تبدا تطلع هذه المشكله
الحل؟
الله يعينك سوف تظطر لتغيير القماشات وخرط الهوبات ويعتمد الرجه جايه من فين اذا الامام او الخلف عن نفسي ظهرت المشكله وراحت لما غيرت القماشات والفرامل وخرط في الشركة
اخيرا قد تكون هذه هي نفس المشكله عندك او لاتكون لكن نفس الشكوى كانت عندي وفي النهاية ترى الباجيروا سيارة لايعلى عليها الله يباركلك لكن لكل جواد كبوه
ارجو اكون قد افتدك في شئ واسف على الاطالة

أنا صار لي تقريباً شي مقارب والسيارة لم تتعدى 10 ألاف ذهبت إلى أشهر محلات ترصيص الإطارات وتم ترصيصها خف الإهتزاز ولكن لم يذهب و أخبرني أحد الأصدقاء ( يعمل في شركة زراعية لديهم أسطول من سيارات هيونداي توسان مشابهة لسيارتي وأخبرني أن فيها مشكلة مشابهة لمشكلتي ) بعدها توكلت على الله وغيرت طقم إطارات السيارة ( الجديدة ) بإخرى من أفضل أنواع الإطارات على الإطلاق ( بريلي ) إنتهت معها المشكلة منذ ذلك الحين
ملاحظة الوكيل ( وكيل ميتسوبيشي ) لا أنصح به لأنه صار لي تجربة سابقة معه فهو سئ بالصيانة لأبعد الحدود " الموضوع أبسط من أن تذهب بها إلى الوكالة "
أتمنى لك التوفيق

وعليكم السلام ورحمة الله وبركاته

المفروض تسوي تدوير للاطارات كل 10 الى 15 الف كم عشان تكون الدعسة متساوية في التآكل والشي هذا مذكور في الكتيب عندك وفي جميع كتيبات السيارات وخاصة ان الامام تعليق مستقل يفرش شوي عند اللفات لزيادة الثبات ..

انا اشوف ان سيارتك سليمة مبدئيا ..

الحل انك تغير طقم كفرات جديدة وتسوي تبديل مثل ما ذكرت لك .

تحياتي .,

وعليكم السلام ورحمة الله

أخي الكريم لماذا لم تذهب مباشرة إلى الوكيل عوضا ان تذهب بها إلى من لا يفقه في سيارتك كما يجب، وخصوصا السيارة مازالت تحت الضمان؟ الضمان يشمل كل شيء عدا الامور الاستهلاكية.

تمنياتي لك بالتوفيق