نزول سعر مازدا زوم 3 2008

لو تنتظر افضل

الداخليه البيج افضل.
نبي لمحة سريعه عن المازدا 3 2008 الميزات والعيوب من شخص مجرب السيارة اخوي يفكر ياخذ وحدة يعني نبي نصائح المجربين...
من جميع النواحي خدمة الوكيل والقطع والصيانه والتحمل والرساوة وغيرها...
طبعا لا شك ان سعرها نزل لتصفية الشكل القديم.
مشكورين

بخصوص اللون عزيزي ..


شوف ..

اللون الخارجي :

افضل لون على الزووم السيدان بدون مقارنه صراحه .. الابيض .

جميل جدا جدا جدا جدا .. خصوصا لو تضلل اسود خفيف .:)

ثاني اجمل لون عليها : الاسود ..

روووعه ..


ثالث لون الذهبي ..


الباقيات كلهم متساويه بالدرجه ولا تعجبني مره .. خصوصا الاخضر القاتم مدري وش اسمه


الفيراني او الرصاصي حلو لكن مع الوقت يخرب لونه ومع الغسيل ..


الداخليه :

اذا انت ناوي تعدل عليها من داخل خذ الاسود . يعني ينفع معه اي تعديل .. مره شفت زووم 3 سيدان اللون ابيض والداخليه اسود . ملبسها اسود+احمر . اقسم بالله غير طبيعيه :D

اما لو تبي تخليها زي ما عليها . ترا البيج افضل وااااااااااااااجد

لان الاسود يجيب الاكتئاب شوي .. خصوصا حق الوكاله شد البلد ..


وبالتوفيق ويعطيك خيرها ويكفيك شرها مقدما :D

أخوي أنا عندي موديل 2005 واشتكيت من بعض المشاكل مثل صوت بفتحة السقف بعد ماأمشي 120 يطلع صوت قوي مثل الصفير لكن بعد فترة الحمدلله اختفى الصوت وبعد صارت عندي مشكلة أزعجتني صوت قرقعة بالشنطة بالمطبات ورحت للوكالة وسمعوا الصوت وصلحوها للأسف على حسابي ب150 ريال وبعدها بشهر رجع الصوت مثل أول وكأنهم مرقعين الشغلة يقولون مسوين تلحيم وبعد خرب عندي الفرار حق التكييف حق تقصير وتطويل درجة الحرارة وعصا الإشارات بعد اختربت وصلحوهم على الضمان لكن للأسف بعد فترة رجعوا اختربوا وراح علي الضمان يعني لازم الحين أصلحهم على حسابي
وعموما السيارة جيدة وثباتها جيد على السرعات العالية يعني أفضل من غيرها بالثبات لنفس الفئة لكن حط في بالك الماكينة صغيرة والعزم جدا ضعيف إذا أنت ماتهتم للشغلات اللي أنا ذكرتها فتوكل على الله واشترها مع ملاحظة أنه موشرط العيوب اللي أنا حصلتلي في سيارتي تحصل في سيارة ثانية يعني المسألة توافيق حبيت أنقل لك تجربتي مع السيارة وبالتوفيق .

شباب وش رايكم في االلون افكر اخذ الخارجي جلكسي والدخلي انا اقول اسود واخوي الصغير يقول بيج ؟؟؟؟:confused1:

شباب وش رايك في االلون افكر اخذ الخارجي جلكسي والدخلي انا اقول اسود واخوي الصغير يقول بيج ؟؟؟؟:confused1:

امم بصراحه مازدا مبدعه بالشكل
واكثر الشباب يمدحونها وانا تعجبني شكلها الخطير
والسعر حلو صراحه
افضل من الكورلا بمراحل

قول خلوكم مع الاكسب ديشن ازين سياره يابانيه

والله اذا ما يفرق معاك السعر انتظر الشكل الجديد مع ان هذا الموديل مع خويي 2005 ماشاء الله مرة تتحمل كرف وهوا رجلو حارة بس السيارة ماشاء الله ما تقول لأ

صحيح الفروقات مو كثير وبعدين في ددفعه وصلت جده امس وانا ابي اتوكل على الله واشتري

مافي فرق مرة كبير بين الشكل الجديد والقديم بصراحة يعني الفروقات ماهي جوهرية

تحياتي

شوف انا عندى الشكل ذا

ماشاء الله راحه ورساووه ومواصفات

بس انا من رايء انك تصبر شوى وتنتظر الشكل الجديد
بس اذا مستعجل خذها ترى ماشاءالله مرره رووعه سواقتها ممتعه

واستخير ربك قبل لا تشترى
تحياتي

^^^^^^^^^^^^^^^^^^^^

سيم سيم كلام

سعرها يبدأ من 48600 ريال
وهم في طور تصريف المخزون ليحل محلها الموديل الجديد.. لكن




خلوها تصدي :D

هذي هي

http://www.autogazeta.com/g/430/MAZDA3_10.jpg