مطلوب عاجل : قراند ماركيز 2007 ls فل كامل يفضل تكون بطاقة جمركية

شوف هذا 2007 LS ماركيز

ماشالله اخو الجديد

http://www.assayyarat.com/forums/showthread.php?t=160449

الله يهديك بس

حرفت الموضوع 360 درجة

وجبتها على راسك الله يهديك :bigggrin:


اللحين تعرض 2005 للبيع ب55000 ريال وفل كامل

وانت في موضوعك تبحث عن 2007 وفل كامل وب 51000 ريال !!!!!

كيف صارت تعرض موديل اقل من الموديل اللي انت طالب وبسعر اغلى

وانت في رد سابق تقول 2005 ب 45 الف كيف ارتفع الى 55 الف

معقولة !!!!!!

فية تناقض كبير في كلامك الله يهديك

يعني الاسعار اللي تتكلم عنها خيالية


قايل لك الله يهديك الاسعار هذي هي للسيارات النظيفة والنظيف دائما يأخذ حقة

أما الاسعار اللي طالب فيها انت 2007 تبية ب51000 ريال هذي تحصل مصدوم بالتشليح

على العموم اختلاف الرأئ لايفسد للود قضية

وبالتوفيق :bigggrin:

الله لايهينك اخوي فهد الكلام ماهوب مثل النظر ..
يعني لو جبت لك 2005 فل كامل ماشيه اقل من 30 الف ميل
تاخذها بـ 55 ....؟؟؟

وسياره مشروطه من الصدام للصدام
وعليها ريبورت الكارفاكس
وفحصها بالوكاله وعلى حسابي واذا كنت خارج جده

تذكرتك واقامه بأحلى فندق على حسابي

بس تشتري السياره :rolleyes1:

وش قلت :c0214:

ياأخي أصيل الله يهديك بس

اللحين بديت بكلامك انك محصل وحده بالرياض 2007 ونظيفة وب 53000 ريال

السؤال :

كيف عرفت انها نظيفة وزي الورده ؟

الجواب المتوقع :

واحد اعرفة بالرياض فحصها

طيب انت تقول لي بس المشكلة انها بالرياض يعني واضح من كلامك انك بتشتريها لو هي عندك بجده وبالسعر هذا !!

ماراح تفرق معك لو بتشتري تدفع 200 ريال لخويك ويشحن السيارة الى جده


لكن أسمحلي كلامك متناقض

او عطني جواب مقنع كيف عرفت انها نظيفة وزي الورده

بتقولي مكلم راعيها او شايف الصور

أسمحلي بعد كلامك متناقض

بعدين تقول 2008 نظيف مره ب59 الف وماشي 90 الف ميل يعني أكيد فية شي الموتر ماشي كثير وهو مالة الا سنة !!!!!

أسمحلي بعد ماتدخل الراس الموتر فية شئ أكيد مية بالمية يعني ملعون ابو جدها واللي بيأخذها بيرقع فيها لين يدوخ




تقولي 2008 وماشي 8000 وفية بابين مغيرة ب61000 ريال

يعني سيارة منقلبة او جايتها صدمة قوية مره زي ماقلت لك بالأسعارهذي تحصل سيارات معدومة فقط لاغير

يعني هذا اقدر اقتنع شوي بكلامك اما اللي قبلة أسمحلي مايدخل العقل !!!

اما اللي قبلة أسمحلي احنا أهل سوق اذا كنت صاحب سوق ونروح للمعارض ونشوف الاسعار

والشمس ماتغطى بغربال

على العموم الرجال رافض يبيع ب 51 الف يعني اذا كنت صامل ب 52 الف صافي بشاوره لك

وماشي ممشى صحيح يعني ممشاه معقول لسيارة لها 4 سنوات

وتذكر دائم ان النظيف غالي غالي

واذا تدور سيارات ملعوب فيها تحصل بالاربعينات واقل بعد

أما شئ نظيـــــــــــــــــــــــــــــــــــــــــــــــــــــــــــــــــــــــــــــف

مستحــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيل

والدليل شوف موضوعك لك شهر قاعد ترفع فيه.

ونفس ماقلت

( الاختلاف بالرأي لايفسد للود قضية )

موفق خير

لاحول ولاقوة الا بالله

اخوي فهد انا بجده وهذا رقمي اذا تبيني اخذك من ايدك واوديك المعارض وتشوف بعينك
انا محصل وحده 2007 وموجوده الى الان محدوده بـ 53 الف بالرياض وزي الورده
بس المشكله انها بالرياض ..

وحصلت وحده بجده 2008 ماشيه 90 الف ميل محدوده 59 الف بس ردني عنها الممشى كثير
ولا نظيفة ما شاء الله وفل كامل

وحصلت وحده ماشيه 8000 محدوده بـ 61 بس فيها بابين مغيره ..

انتبه لكلامك وخاف الله فيه وانا ماتكلمت الا اعرف اسعار السيارات زين سوا بالسعودية او الامريكية
ومثل ماقلت لك ان بغيت اخذك وتشوف بنفسك وبعينك واثبتلك هالشيء امام الله وامام الناس اللي هنا ماعندي مانع وهذا رقمي

0559300762

ان شاء الله اني ما ابخس حق احد ،، ومثل ما كل واحد يبي يبيع سيارته بسعر زين
من حقي ادور السياره اللي سعرها يرضيني

تأكد من معلوماتك واسعارك لأنك تتكلم عن شيء لايعقل وبالنسبه لسيارة خويك تقولي انها ( ستاندر )
أجل الحين ستاندر بـ 52 هههههههه اذا كان الفل ال اس وممشى بسيط يباع بحدود الـ 45
الله يوفقك انت وخويك وقوله اذا جاته 50 يبيع ولا صدق بتصدي عنده او يجيها واحد مغفل وياخذها بهالسعر

ومانيب بحب شغل الشريطية
بالرغم إن الوالد شريطي وصاحب معرض بالمدينة

( الاختلاف بالرأي لايفسد للود قضية )

موفق خير

اخوي مع احترامي لك ولطلبك لكن لو ترفع الموضوع بيديك ورجليك :smile:

السوق ماراح تحصل طلبك فية الا شئ مصدوم وغير مصلح

على العموم فية 2005 ستاندر اللون عنابي والداخلي قماش اسود

في رفرف قدام يمين مضبط شغل فنان

السيارة ماشية 160 الف ميل بس لو واعوذ بالله من كلمة لو تشوفها تحلف ان الموتر مامشى وجديد مره مره

نظرة غير طبيعية ماشاءالله علية

حاده راعية ب 52 الف وبحاول براعية يبيع ب 51 الف اذا كنت جاد

وانسام من عنده ب 50 الف صافي ولاباع

وبرد لك خبر ان شاءالله

عمرك طويل
يفضل انها تكون بالسعودية لضروف الوقت
شاكر تجاوبك

السلام عليكم اخى الفاضل

اذا تبي اجيبها لك من امريكا

ارسلى طلبك على
[EMAIL="mustafa19082000@hotmail.com"]mustafa19082000@hotmail.com[/EMAIL]

وان شاء الله خلال شهر تكون عندك