كيف تعلمت القيادة والتطعيس......... دعوة للجميع للمشاركة

والله انا الصراحة عمري حاليا 15
وانا اسوق من صف خامس بعدين مو سواقة مزارع وبس سواقه في المدينه وقد مسكت خطوط طويله وان شاء الله راح انزل موضوع فيه صور وانا اسوق

السلام عليكم ورحمة الله وبركاته
انا تعلمت السواقه وكان عمري 15 سنه على كابرس 58 وكان ديك الحزه البريك مايمسك عدل وانا امشي اشويشو الى علمني ولد خالتي والقير العادي الى علمني هو نفسه ولاكن لقيت اشوية صعوبه في البدايه ولاكن تسهلة الامور والى يومك وانا اسوق بدون رخصه

السلام عليكم...
اولا الصراحة ان خوتكم تنشرى ..والله يجملكم...
و بالنسبة لي تعلمت السواقة بكابرس 85 (كسرة حديد) في الثاني متوسط ..
وبعدها صني 2003 وكنت عاقل لا اسرع ولا اكسر السيارة ولاشي <<<نصاااااب
ايه وبعدها بديت اتهور طلعات مع الشباب بالمحروسة(الصني) وكنا نروح لطريق المطار ولهافمون
وكانت المجموعه كلها سيارات سيدان وانا كنت اتحمس بسرعةاروح اطعس واغرز واشغلت الشباب حتى ان الشباب جتهم فتر ما يخلوني اجي بسيارتي اركب سياراتهم بس. لين صرت اروح بالحالي اتعلم والحمد لله.
وعقبها رحت(( وقلبت الصني دفع رباعي)) ركبت لها كعكات اكبر شي رفعتها 7 سم
والموتركله عزب تقل شاص...
وانواع التكسيييييييير بس انا اشهد انها جملت...
وبعدها التاهو ما يقصر لو انه اول ما شريته ما كنت متعود علية بس الحين الحمد لله اروح واجي بر ونفود وخطوط ولا عليه ما شاء الله... الله يتمم عليه...

يادكتر كيف

وين انت

تعال معنا بالطلعة الجاية زحنا نعطيك دورة تحت اشراف المدرب حقنا ابن صقيه في كل مايخص التطعيس ............ يوجد تطبيق عملي و........ واجب بالبيت لازم تحله ههههه

تعلمت السواقه عن طريق الوالد الله يحفظه وانا في الابتدائيه اما التطعيس انا الأن ما جربته بسبب ان ماعندي سيارة دفع رباعي

طيب والباقين وينهم

بس هاذولي أعظاء المنتدى

ولا الباقين مايعرفون يسوقون...... مالها إلا كذا

والله انا بديت ادخل الطعووس على ثاني ثانوي

كان معي النترا وكنت انسمها الى 7 وادخل اذادخلت من عند دوار العويضيه يسار تمشي بيجيك بعد تقريبا كيلو نفود بسيطه على اليمين

وبعدها كان معي باجيرو 2005 وتطورت وصرت اوصل الثمامه والعااذريه خ خ خ

والحين اف جي 2008 وشكلنا بنتطور مع ابو صقيه وابوفهد والشله الطيبه هههههههه

لكن ابعد مكان وصلت له ( المزاحميه وثولثت فيه بالاف جي مثووولث ربك ستر وطلع ولله الحمد بالدف لوك ،)


يعطيك العافيه يابو فهد


**ابو صقيه لايدري عنك ابو الخل

والله تفاعل قوي من الأعضاء
أثاري أكثرهم كابتين وساكتين -----((((محلل نفسي)))------

يله يالباقين عطونا سواليفكم

أنا أدري إن فيه أعضاء ودهم ويحبون يشاركون بس عاجزين يمسكون الكي بورد ويكتبون

بس أقول لكم هالمرة غير الموضوع أحس انه قوي فعطونا مشاركاتكم

واحد متحمس:emot175:

خخخخخخخخخــآإي ..

والله أعضـآء حآلـهـ .. تعلمـوو من أخـووكـم .. ^_^

أوول شـيء .. أنـآ أوول مـرهـ أسووق السيـآرهـ في صف 4 إبتـدآئي

كـآن أبووي يعطينـي المفتـآح أشغلهـآ .. ^_^ وطبعـاً مع الأيـآم لآزم من اللقـآفه

وش سوويت سرت أرجع السيآرهـ وأقـدمهـآ .. خخخخخخخخخخخــآإي .. ^_^

طبعـاً مهـوو اليـوكـون كـآن عندنـآ فـآن شفروليـه

ومن صف سآدس بدأ الوآلـد يعلمنـي السـوآقـهـ .. علىآ يـوكـون 2002 في سنـهـ 2003 م

والآن سـرت أسـووقه وأنـآ مغمض عيـوني .. ^_^

مشكـور يآ صآحب الموضـووع .. وأنـآ في جـدهـ عشـآن كـذآ مـآعنـدي شيء في الطعـووس بس أسحب جلنطـآت و مطـآرحآت و دعـس بنـزين .. ^_^

تعلمت السواقه على سيارات أخواني نهاية عام الثمانينات
بعدين على داتسن موديل 92
وأول تجربة تطعيس على الونيت نفسه
الموقع عند طعوس روضة المحلية اللي عند حفيرة نساح كنت عند الدركال اللي على اليسار كان أول أرفع من الحين لكن جار عليه الزمن
السالفة أشوف الناس تشبك الدبل وتطلع على راس النفد
أنا ما حقرت نفسي رحت لين عند المسفلت واللي يعرف المكان بيحس من وين أخذت عزم
وبعدين دزة ومطامر أخر نظرة لي على الطبلون كنت أمشي تقريباً 90كم من قوي العزم اللي من عند المسفلت بغيت أشق الطعس وأطلع مع الجهة الثانية لكن ربك ستر
وهبا على الطعس لكن للأسف ما رقى الموتر وتعلقت فوق على آخر الطعس
الناس تبي تعرف وش راعي هـ الفيراري اللي شق من عندهم (أحس يقولون الله يستر على هـ المهبول)
كانت ايام حلوة وحتى لو عرزت

اولا تعلمت السوقة وعمري 5 سنين بسيارة الريموت ههههههههههه اما الصدق تعلمت السواقة فثالث بددسن 91 بالمخيم يوم بالطعوس كان عمري 10 سنوات برابع بجمس موديل 98 بالدهناء غرست من اول ما ادخل خخخخ التجربة الثاني وانا بسادس بلاند كروزر موديل 2001 بالثمامة والمشكلة غرزت على طرف قص والتجربة الثالثة بلاند كروزر 2007 غرزت على مكان جاي زي المطبات والتجربة الأخيرة بالتاهو 2008 بالدهناء عاد سرت خبير ولا غرزت

يعطيك العاافيه على الموضوع اللي يذكرني بايام الثاانويه اول موتر تعلمت عليه هو فان كيا كرنفيال
بديت اسوقه بنهايه اول ثانوي من الاشياء اللي كانت ترفع ضغطي انه 6 سلندر وحجم المكينه 2.5
والله من زين الهندسه ياكيا :c024: ماافيه عزم ابد بس كانت ايام حلوه عليه.
الموتر اللي بعده الغالي الارمادا وهواللي تعلمت عليه التكسير قصدي التطعيس:c005: والله يصبره علي.
تحيااتي

ولو أبو خزيم شايفك فاتح مشروع تسمين بالهالبوذي

والثمن عندي اني داري دافعته الصني تحصلها لليوم تدعي عليك

يا مسكين يا بوخزيم ..

طفر بك السواق حسبي الله عليه ..

السلام عليكم :)
موضوع رهييييب يابو فهد ... تعلمت وانا بثاني متوسط السياره صني98 :) ذكريات حلوه ذيك السياره ....في البداية علمني خالي وكان عصبي وماله خلق وزهق وطنشني واول يوم شرينا فيه الصني وابوي دخلها الحوش ودخل البيت اخذت المفتاح وركبت وشغلتها (قلبي قوي) وقعدت اتذكر وش علمني خالي وفعلا ضغط الكلتش وعشقت الاول وتركت الكلتش بسرعه وقعدة السياره تناقز وقدامي غرفة السواق اذكر ان مت خوف ومادري شلون ضغط الفرامل ونشبت بالطاره المهم السياره وقفت خخ:) بعدها ماسقت فتره وبعدين رجعت احاول وصرت اسرق السياره لاطلع ابوي (اعطي السواق رشوه اثنين شاورما وانزله عند خويه واقعد ادور)لين صرت محترف وبعدين صرت اقول لابوي ابي اسوق عشان اروح المسجد وبالقوه رضا بشرط السواق يكون معي والسواق كان بوذي خخخخخ وكالعاده الشاورما تضبط الامور خخخخ:) والله ياهو سمن ذاك السواق خخخ:) وبس :)

انا وصلت اولى ثانوي وانا لم المس طارة اي سيارة في حياتي من قبل...

وكان ودي اروح المكتبة اشتري اغراض..قلت لأخوي عشان يوديني..دخل غرفته واعطاني

مفتاح الونيت اسوزو 2001 ...وقال رح دبر عمرك..!

انا طبعا ماقد سقت سيارة من قبل...والونيت طبعا عايدي..لكن الحمد لله طلعت ذيب ومانتعت السيارة في الأول

بس نتعت في الثاني...هههه...

وجلس معي الونيت من ذاك اليوم اللي تعلمت فيه... إلى أن تخرجت من الثانوي...

ولم يتعرض لأي حادث ولم تتكسر الاصطبات ولم ينفقع الكارتير ولا القزوز ولم يخرب الدينمو

ولم تتعرض المكينة للتخبيط...<<والله من الخراط

وطبعا تعلمت عليها التطعيس ايضا وحيداً...وطبعا مافي احد ماقد غرز لكن الحمدلله ما احد قد سحبني

إلا مرة وحدة طحت في غضارة أو فنجال وكان الصدام في الرمل ..والسيارة دفرنس واحد

و4 سلندر يعني افلقني ان قدرت تطلع السيارة بدون ما يسحبها احد..

والحمد لله الذي بنعمته تتم الصالحات