السلام عليكم ورحمة الله وبركاته
من خلال انبهاري بالمزاد .. قررت متابعته وشراء السيارة من المزايدة
بداية المزاد الدولي للسيارات كانت قوية ومشجعة جداً
سيارات على الزيرو راح على مديلاتها سنه او سنتان بسعر جيد
وخاصة سيارات شركة الراجحي (( التي تباع بالتقسيط ))
وبعد فترة من نهاية الصيف شعبان الماضي .. كنت اتابع المزاد
ولكن مشواره البعيد وعدم امتالكي لسيارة في وقتها الا اني تابعت
وكانت وقتها المزايدة على شركة شيري للتأجير
(( للمعلومية ليست شركة تاجير تجارية انما شركة تشتري السيارات وتأجيرها للاتصالات السعودية فقط وبعد 3 سنوات تستغني عنها ))
(( للمعلومية ليست شركة تاجير تجارية انما شركة تشتري السيارات وتأجيرها للاتصالات السعودية فقط وبعد 3 سنوات تستغني عنها ))
وكنت حاط عيني على كذا سيارة
دوج درانجوا دفرنسين موديل 2005 و2004
ميتسوبيشي ناتيفا موديلات متعددة وكان واحد ممشاه 24 الف كيلو موديل 2004
وسيارات اخرى
وتفحصت السيارات زين ورحت دفعت التأمين (( الفين ريال ))
بداء المزاد ... الدرانجوا ماتعدى 34 للدفرنس والدفرنسين 37 الف
الناتيفاد .. كلها ما بين 32 لين 36 الف الا ابو ممشى 24 الف جاب الاربعين الف
لانسر 17 الف .. لها سالفه اللوحة
المهم طلعت وانا ماشريت وبرمضان كان السوق فاضي ولا فيه احد
بعد العيد .. اسعارهم فوق السحاب
درانجو 2007 ممشاه 35 الف كيلو
سعرة بالسوق المعارض والساحات مابين 58 الف الى 64 الف ريال
سعرة بالسوق المعارض والساحات مابين 58 الف الى 64 الف ريال
بالمزاد فتحوه على 50 الف ولا احد زاد الا واحد وتوني بقول 52 الف طلعوا السيارة ويقول لي المحرج سعرها فوق 70 الف ريال
معقوووولة .. المشكلة شايف اسعارها بمعارض النسيم والجديد منها 85 الف اقل نوع
وموديل 2008 بعد واصفار عددها
وموديل 2008 بعد واصفار عددها
والي بقوله فية تلاعب بالاسعار بالمزاد والمزاوده لو تشوف بالالف والخمس الالف ريال
وقدام عينك ... ماخبرت تطير سيارات كذا بالحراج لا بالمعارض ولا بغيرها
الي يقمون السيارات 3 اشخاص ياخذ كل واحد 30 ريال من التقيم
مثلا السيارة قيمت 50 الف
اقل من لخمسين ماتباع
والي يقيم معرض الحمزة بالنسيم
وعلى فكرة سالفة اللوحة لسيارة اللانسر
كانت مثل لوحة جاري بس نقل مو خصوصي
ولقيتها بعرض بالنسيم مسيومة على كلام اليماني 23 الف ريال في شوال
وانا شايفها بالمزاد مبيوعة 17 الف ريال برمضان
الي بقصده .. هل تسحب السيارات من المزاد الى المعارض وتباع هناك
سيارة جراندي ماركيز (( نظام التأجير للبنك الاهلي .. مسحوبه من راعيها ))
ستاندر ذهبي موديل 2008 ممشى 8 الالف كيلو
صدمة بالرفرف الامامي اليسار + الابراق طالع ومعدل
معلوب الكهرباء مركب شاشات دي في دي ويسقط الضمان عنها بالوكالة
معلوب الكهرباء مركب شاشات دي في دي ويسقط الضمان عنها بالوكالة
سعر الموتر جيد بالوكالة 84 الف ريال بالمعارض تختلف حسب الالوان ولقيت 81500
طيروه الميركوري لين 74 الف ريال
فرق 10 الالف ريال عن الجديد
الي ابي اقوله بكم نقطة
هل المزاد الدولي للسيارات فية مصداقية ولا تلاعب
هل االمزاد الدولي للسيارات راح يفشل ولا يستمر
هل المزاد الدولي للسيارات يستحق انك تغامر وتشتري وانت متاكد اخذته بسعر افضل
عالماً اغلبيه السيارات لشركات تاجيرالسيارات و مقاولات ومصانع صناعية الخ
ونادراً تلاقي سيارات شخصية
وعلى فكرة مزاد اليوم لشركة عبداللطيف جميل
لسيارات المتسبدالة في فروعه (( اسعارها غالية من السوق بزيادة 5 الالف ريال ))
طايحة من تسبده من فترة ولا انباعت وباعة للمزاد
نقلت لكم ماشاهدت ومايدور بخاطري وانتظر تعلقياتكم
واتمنى الجميع التوفيق
