مشاكل في اليوكن

خيال 2006 @user_35026 · 27-11-2008

مساء الخير
أنا عندي يوكن 2004 فيه عدة مشاكل أبحث عن حل لها وهي :
1- أول ما أشغل السيارة تولع لمبة الدبل في أزرار الدبل الأختيارية يعني يولع أحيانا على زر الدفع الرباعي
أسفل شي (و المشكلة لو يشتغل الدفع الرباعي فجأة والسيارة مسرعة ) يمكن تصير مصيبة
2- أول ما أفتح السويتش أسمع أزيز في الجهه الخلفية تشبه أزيز أريل كهربائي يطلع او ينزل
تكفون يا أهل الخبرة عطوني حل

sultan3939 @user_135631 · 05-12-2008

اخوي العزيز
الصوت الخلفي الي تسمعه هذا طبيعي لاني خذت يوكن 2005 من الوكالة ومن اول يوم وهو يعطيني هالصوت عند التشغيل او بعد وضع السويتش على الاوون بثواني , اتوقع انه طبيعي جدا وما في مشكلة بالخزان لان الخزان بالجهة الاخرى , والصوت استمر معاي الين بعت السيارة من فترة قريبة وحتى لو خذتها الوكالة بيقولون لك طبيعي

خيال 2006 @user_35026 صاحب الموضوع · 04-12-2008

M

Magellan

خيال 2006 وش سويت باللي قلت لك عليه
ياشين الواحد يعطيك طناش لرده:a120(121):

السلام عليكم ورحمة الله وبركاته
وآسف جداً والله لعدم الرد عليك ولكن أعذرني لأني والله ما افتح النت الا من فترة لفترة والامر الثاني أنا رديت لو رجعت لردود السابقة ووضحت أن فيه مشكلة في الدبل أما بالنسبة للصوت فلا زال وصار مستمر على طول مثل الأزيز في الشنطة الخلفية من السيارة جهة الراكب وليس السائق والصراحة اني منحاس والايام هذي رايح للحج وأن شاء الله بعد الحج بابحث عن حل لها لما ارجع
تحياتي لك وكل عام وانتم بخير

Magellan @user_96776 · 01-12-2008

خيال 2006 وش سويت باللي قلت لك عليه
ياشين الواحد يعطيك طناش لرده:a120(121):

خيال 2006 @user_35026 صاحب الموضوع · 01-12-2008

أشكركم جميعا يا أخواني على التفاعل مع الموضوع
وآسف على التأخر لأني ما فتحت الموقع من فترة
عموما اليوكن اللي عندي يوكن عادي والصوت في الجهه الخلفية اليمنى يعنى عكس التانكي والظاهر أن الشباب اللي قالوا أنه من الهيدوروليك اتوقع أنه فعلا كلامهم صحيح لأني إذا فتحت السويتش على [COLOR="Red"]on يطلع صوت الأزيز كم ثانية وبعدين ينقطع
- بالنسبة لأزرار الدبل فليس فيها العلامات التي سأل عنها الأخ أبو ماجد الشمري بل هي علامات عادية كما هي في الصورة المرفقه وبعدين ما ينتقل دائما وإنما في أوقات متفاوتة المهم عساه ما يشتغل وأنا مسافر لأني مسافر إلى مكة للحج عقبال عندكم وأسأل الله لنا ولكم التوفيق:a120(31):
- هناك مشكلة ثانية أنا ما ذكرتها المره الماضية وهي طقطقه في الدركسون مع المطبات وكشفت عليها في التوكيلات قالوا هذا من عامود الدركسون ولكن المشكلة أن العامود توقف بيعه سوى قطعة بلاستيكة تركب فيه هي اللي ممكن تغيرها وفعلا غيرتها ولكن خفت الطقطقة فترة بسيطة ورجعت مره ثانية:emot105: [/COLOR]

أبو ماجد البشري @user_109566 · 28-11-2008

الصوت اللي بالخلف عند الكفرات اكيد ان موترك المساعدات على هيدرولك وميزتها ان السياره ماتتمايل لان فيه حساسات إذا تمايلت السياره يشتغل دينمو, عادتاً يكون موجود عند الكفر الخلفي اللي يم السائق يكون خلف الكفر من الداخل وتجد المساعدات (الجامبينات)مشبوك بها مواسير هواء صغيره ومتصله بالدينمو .. اما الدبل إذا السياره مسرعه مايعشق خاصه الثقيل ..تأكد يمكن موترك دفع رباعي مستمر انا عندي كذا ويفصل على سرعة80 يجي ب2004اليوكن العادي ,,شف الزراير بالدفع المستمر 3 الأعلى عليه صورة سيارص خلفها زي الخطوط المتعرّجه وهو زر الأنزلق ,الأوسط عليه صورة سياره والكفر الأمامي لاف لجهة اليمين ,, الزّر الأسفل حق الثقيل عليه رقم 4وسهم للأسفل
واللمبه تكون مضيئه على الزر اللي بالوسط... شوف موترك ورد هل الزراير بالطريقه هذي

خبير قديم @user_54638 · 28-11-2008

شكلك نسيت الموضوع ..:a120(96):.... فيه اسئيله طرحة . والجواب عندك .... وبدون جوابك مانقدر نفيدك بشي .. :emot86: والكلام عن نفسي انا ......... تحياتي

Magellan @user_96776 · 28-11-2008

ا

التسعه شفر

والمشكله الثانية صوت طرمبة البنزيم الي في التانكي

صح كلامك أخوي 100%
وعشان تتأكد إن الصوت من الطرمبة خل السويتش على وضع [COLOR=red]on لمدة 20 ثانية بدون تشغيل السيارة راح ينطفي الصوت،،،[/COLOR]
والظاهر الطرمبة على وشك الموت فبعض الأحيان تطلع صوت قاربت نهايتها
لكن قبل تغييرها تأكد من ضغط الطرمبة إذا كان تحت 50psi فيلزم تغييرها
طبعا بلف القياس تشوفه إذا فتحت الكبوت تحت الغطا البلاستيكي الأسود فوق المكينة ،،ويشيك عليه الكهربائي

التسعه شفر @user_37208 Banned · 27-11-2008

والمشكله الثانية صوت طرمبة البنزيم الي في التانكي

Magellan @user_96776 · 27-11-2008

أخوي أنا أعرف مشكلتك الأولى من واقع خبرة وتمرس
طبعاُ عارف إن الدبل يعشق معك بدون إختيارك
والنكبة لو عشق الثقيل وأنت ماتدري
شف وأنا أخوك فيه حساس كبر الريال المعدن مرتين شف صورته تحت:

سعره بـ330 ريال عند دوار الخرج بالصناعه القديمة بالرياض من نوع ديلفي،،
وتغييره بـ150 ريال
وطبعا هذا يكون شابك على الدينمو اللي طالع من القير
يعني في وسط السيارة من تحت،،،

cool raider @user_134434 · 27-11-2008

الله يعينك ياخوي خيال وان شاء الله الدعوه سهالات وتطلع الأعطال بسيطة بأذن الله

ياخوي ياليت لو توضح اذا كان موترك يوكن دينالي ولا يوكن عادي
لأن دبل الدينالي غير دبل العادي

وضروري جدا انك ماتسرع على السياره فهي فعلا زي ماتفضلت وقلت ياعزيزي وعسى الله يحفظك من كل شر
وبنفس الوقت شييك عليه عند كهربائي أحس من كلامك انها مشكلة كهربائية

وبالنسبه لصوت الأريل هذي ان شاء الله بسيطه لأن في بعض المواتر الأمريكية اذا موترك منهم
يكون راعيها اللي قبل مشبك اريل ( لأيكوم اوما شابه ) واذا فيه الغه وبترتاح من صوته واي كهربائي يسويها لك

بس اخاف يكون الصوت صادر من الهيدرولك اذا فيه هايدرولك يبيلك تشييك عليه
بصراحه ماعندي اي فكره عن الهايدرولك

والله يسر لك امرك وتنحل مشاكل موترك وتتهنابه

مع تحياتي

cool raider

خبير قديم @user_54638 · 27-11-2008

اخوي خيال عند تشغيل السيارة تسمع صوت في الدبل ؟؟ يشبه صوت طقه قويه ؟؟ومن ناحية المشكله الثانيه . الصوت اللي تسمعه ؟؟ في اسفل السياره من جهة تانكي البنزين؟؟

خليد عينين @user_51730 · 27-11-2008

الله يعينك ياخوي خيال وان شاء الله الدعوه سهالات وتطلع الأعطال بسيطة بأذن الله

ياخوي ياليت لو توضح اذا كان موترك يوكن دينالي ولا يوكن عادي
لأن دبل الدينالي غير دبل العادي

وضروري جدا انك ماتسرع على السياره فهي فعلا زي ماتفضلت وقلت ياعزيزي وعسى الله يحفظك من كل شر
وبنفس الوقت شييك عليه عند كهربائي أحس من كلامك انها مشكلة كهربائية

وبالنسبه لصوت الأريل هذي ان شاء الله بسيطه لأن في بعض المواتر الأمريكية اذا موترك منهم
يكون راعيها اللي قبل مشبك اريل ( لأيكوم اوما شابه ) واذا فيه الغه وبترتاح من صوته واي كهربائي يسويها لك

بس اخاف يكون الصوت صادر من الهيدرولك اذا فيه هايدرولك يبيلك تشييك عليه
بصراحه ماعندي اي فكره عن الهايدرولك

والله يسر لك امرك وتنحل مشاكل موترك وتتهنابه