الله لايهنكم المشوره في الاكسبدشن 2008

والله انا ناوي اشتريها وان شاء الله قريب

اولا الله يهدينا ويهدي جميع المسلمين <<<اميييين....

ثانيا: انا امتلك اكسبديشن 2008 اقل فئة XLT سيارة ماشاء الله لايعلى عليها..ويش اقس وايش اقول ...قووة...قطع تتحمل وتصبر ....رساوة ..عزل ممتاز ....وكل حاجة تريدها ....


ع العموم استخير ربك وتوكل على الله ...

اتمنى عدم الخروج عن الموضوع والخوض في نقاشات ليس لها هدف ...
ارجوا الإلتزام بالأخلاق الفاضلة ... وعدم التجريح في شخص أو آخر
تقبلوا تحياتي اخوكم مشعل

ياخي استح على وجهك وزين ردك

ياخي احترم المنتدى اللي انت فيه منتدى السيارات يرفض مثل هالردود الناقصه مع احترامي لشخصك

ماهو عاجبك الموتر لا تنقص من قيمته ويالتك تحترم ملاكه وشعورهم تجاه السياره

وين المشرفين على هالردود

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اما بالنسبه للموتر فانصح فيه وبشده والكلام هذا من تجارب كذا شخص اعرفه

موتر اثبت جدارته خصوصا الموديل الاخير شكله نوعا ما حلو ماهو عاجبني مره

لكن الموتر عملي ورخيص ومواصفاته حلوه

الله يكتب لك اللي فيه الخير

حبيبي اخونا ( مازدا 2003 ) يسال عن الاكسبدشين عندك شي عنه اذكره سوى كان سلبي او ايجابي
بالنسبه للدوائر الحكوميه انت تدري ان مخزون الفورد كروان فكتوريا موديل 2008مسحوب كله من قبل وزاره الداخليه يعني تروح للوكاله يقولون فيه 2009 هذا غير استخدام وانيت الفورد الاف 150 في قطاع امن الطرق والجيش والحرس وغير استخدام الاكسبدشن في حراسات المواكب الملكيه
وبالنسبه ما تحصل موديل 80 يا عزيزي سيارات فورد لها في السعوديه 20 سنه يعني وكاله توكيلات الجزيزه فتحت عام 1988 تقريبا رغم ذلك تحصل وانيتات فورد بالخمسينات ما زالت تعمل وبكل كفاءها
وكونك شفت سياره فورد تحترق عادي وتحصل في جميع السيارات طيب وش رايك بالاندكروزر هذا
[youtube]-0uxswzxYOc&feature[/youtube]

وهذا جيب نيسان باترول
[youtube]xH-eZxlbDmQ&feature[/youtube]

وهذا هايلكس جديد محترق ( فيه اغنيه اتمنى كتم الصوت )
[youtube]QG9m9DmPZFM[/youtube]

وهذه كامري تحترق
[youtube]lYKXqbEyLqI[/youtube]

وهذه كيا الكوريه
[youtube]VEVMGiouiCo[/youtube]

وهذي سياره ما ادري وش هي
[youtube]PQ0U85reyLM[/youtube]

والكثير من السيارات انواع الماركات تحترق ولا احد راح يلومك اذا ركبت حمار بس انتبه لا يكون كامه وحده وانتبه ترى بعض الحمير ترفس:eh_s1:

ونعم الخلق جزاك الله خير
بس الي حارقني ليه انتى زعلان على الفورد تراها شركة سيارات لاراحة ولاجات
حتى الدواءر الحكوميه تخلت عن السيارات الامركية وبذات الفورد
حتى في امريكا ذات نفسها تقلصة شعبية الفرد واليده في النار مو مثل اليده في الفلوس ماعلينا اسفين انا غلطنى على حبيبتك بس هذى الواقع فتقبله بروح رياضيه وفي حاجه عجيبه ياخي ابي اشوف سيارة قديمه من الفور يعني في ال80 ولكن لم اج بينما تشوف الكرسيدى والهيلكس والمرسدس والبي ام والفولكس وحتى الكابرس اما الفورد تلقاه في التشاليح
وانا بعني شفة كذا فورد يحترق قدام عني من تلقاء نفسه وتلومني ايه اركب حمار احسنلي وبدون زعل عندك كلام قله بس رجاء اخي العزيز بادب فالاختلاف في الرئي يثري العقل ويعني قلت الادب

عزيزي (عزيم قوم) لا تتعب نفسك وترد ردود على ناس ما يستاهلون الرد اذا والله هذا الانسان فكرة صغير ولا يعرف يتكلم عن مين خله يكتب بدينه وارجوله لان شركة فورد ما يهزها كتابات سخيفة زي هذي

اتمنى انك ما تزعل يا خوي 4x4forever بس نتمنى الرقي في الردود

ودمتم سالمين

طيب ممكن نعرف كم سعرها
او اي احد عنده خلفيها عن الاسعار الله يجزاكم خير

ما دام الفحمات اصليه وصالحة لحدود 60 الف كيلو خلها ان شاءالله بثلاث الاف اهم شي اكون مرتاح وبعد اذا ركبتها في الوكاله عطوك ضمان سنه او 20 الف كيلو
واهم شي في السياره فحمات الفرامل ومب مثل فحمات بعض السيارات تغيرها كل 6 شهور الظاهر معروفه وش هي السياره
توكلوا على الله اخوي مازدا2003 الله يطعمك خيره ويكفيكم شره

يعطيكم العافيه
:emot154:

الاكسبدشن سيارة مافيها كلام عملية وراسية ومريحة جداً مع اني شايف اليوكن اجمل شكل وارتب 00 عموما اليوكن والاكسبدشن عينين في راس ويرجع لذوقك في الاخير


بس تأكد من قطع الغيار لاني قبل اسبوع سالت عن فحمات الاكسبدشن فكانت غالية جداً >> يحلفون ماوقف شعر حاجبه خخخخ



دمت بخير

أنا متاكد انه ما في موتر افضل لك ولعائلتكم .. توكلوا على الله ..

ألسيارة حلوه

الصراحة ما جربت السيارة لكن متأكد من ثلاث حاجات:
الاولى بالنسبة للموديلات القديمة أعرف كذا شخص يمدحونها ويمدحون أداءها واعرف شخص كان عنده موديل 2005 والحين عنده موديل 2008 والرجل يقول جربت شيء وارتحت منه خلك عليه
الحاجة الثانية اشوف الموديل الجديد كأن الجميع اتفقوا على حبه والثناء عليه ولا شفت احد يسبه من علة كبيره مثل مشاكل في المكينة أو قير
الحاجة الثالثة سعره المنافس بالنسبة لمواصفاته

بيت التمويل الكويتي بالبحرين ( أوتومول )

عندهم ثلاث سيارات واقفين بره وحاطين عليهم عرض ... يمكن يعجبك .. لونهم ذهبي xlt

السلام عليكم اخوي

اللهم لك الحمد شرينا الاكسبيدشن 2008 قبل 3 شهور ورحنا فيها دبي وجينا السيارة ما شاء الله رووووووووووعة بمعنى الكلمة وهي الافضل من منافسيها اليوكن والتاهو والارمادا

طبعا في الراحة والرساوة ممتازة بشكل ماتتصور وهي الافضل وهذا شي معروف عن شركة فورد و لا تنسى ان قير السيارة 6 سرعات

بس يقولون ان النوع الطويل في عيب مصنعي وهو ان الجزء الخلفي يطلع صوت هواء بشكل غريب وانا والله ما ادري هذا الكلا صح والا لا لاني ما جربته

لا تنسى الدبل طبعا واللون الاسود او البيج , اتمنى اني افدتك هذا رأيي والله مو مدحا في سيارتي ومافي مانع انك تستأجر وتجرب يمكن ما يعجبك الموتر لكن هذا الاحتمال 1%ّّ>>>> واحد واثق:smilie532:

لا تنسى صلاة الاستخارة

تقبل تحياتي

يعطيك العافيه