بسم الله الرحمن الرحيم
السلام عليكم ورحمة الله .. ومساكم الله بالخير ..
صراحة وبدون مقدمات .. أنا وكالة هونداي في السعوديه بدأت تكبر في عيني ..
فيه واحد من الاصدقاء عنده سيارة هونداي سوناتا 2007 ماشيه تقريباً 17 الف كيلو ..
وقبل فتره صارت الشماسه حقت السواق تطيح .. يعني ما تثبت في مكانها .. والسياره مطلعها من الوعلان في الرياض ،، ولما جاء في الشرقيه راح لوكالة و غيروها له على طول .. ولا شغل نص ساعه .. فك وتركيب جديد .. لكن طلبوا منه فاتورة صيانة الـ10 الاف لان العامل ما ختم الصيانه في دفتر الصيانه !! وطبعاً مجاناً ..
وأيضاً عنده مشكله في فتحة المكيف .. وحده من الريش ما تنزل مع الباقي .. ووراهم إياها قالوا بنطلب القطعه واتصل علينا بعد كم يوم ... لكن ماني متأكد إذا مجانا برضو ولا لا ..
وأذكر انه قبل لا تمشي 5000 صارت مشكله في ثبات السياره ( ترج ) .. وغيروا له الكفرات كامله ...!!
يعني صراحه أعجبتني صيانتهم .!
وآسفين على الاطاله