عيوب الكامري 2008

almasy · 2008-10-07T03:58:52+03:00

بسم الله الرحمن الرحيميا ليت يا شباب تعطوني خبر عن الكامري 2008 هل صحيح ان مكيفها ما يبرد زين وكثير عطلاته ياليت تعطوني خبر واذا فيه اي عيب ثاني تقولوني الله لا يهينكم ومالكم الا الدعاء عن ظهر الغيب وشكرا

ابوميس @user_5312 · 09-10-2008

انا معي كامري 2007 مكيفها زين

بس السياره عباره عن كرتون مقوى

اعتقد لو يصهرون كل الحديد اللي فيها يفصلون به باب سياره مرسيدس

وذلك طبعا يؤثر على الرساوه بشكل كبير

ونصيحه لوجه الله استأجر السياره قبل لاتشتريها وسوقها بنفسك وجربها

ولا تاخذ بنصيحة واحد كان عنده اكسنت مثلا واخذ بعدها كامري

اكيد راح يشوف الكامري احسن سياره في العالم

تحياتي

abdziz1981 @user_49243 · 08-10-2008

السلام عليكم

مع احترامي للجميع . انا معي 2008 و الحمد لله و ما شاء الله ممتازة و لا عليها كلام . في صيانة ال1000 كيلو رحت للوكالة لانها تلف يسار شوي و انا امشي . و الحمد لله على الضمان تعدلت .
يقول مهندس الصيانة انها كثير هذا المشكلة يمكن عيب مصنعي .

لو كانت كثير المشاكل لما رأيتها بشكل كبير في شورعنا . فعلاً راي الشخصي هي سيارة الشعب الاولى .

تقبلوا مروري و تحياتي .

أبوسدله @user_124007 · 08-10-2008

ن

نسيم الريح

ألكامري ألمضبوط من 1993 إلا 2006 وبس أما ألجديد ورق مقوا أصبرو عليه بس بتشوفون مصايبه وبلاويه

كلامك سليم 100% تسلم أناملك:a120(40):

نسيم الريح @user_113720 · 08-10-2008

ألكامري ألمضبوط من 1993 إلا 2006 وبس أما ألجديد ورق مقوا أصبرو عليه بس بتشوفون مصايبه وبلاويه

الهايم وهو نايم @user_56323 · 08-10-2008

ياشباب بالنسبه لدفع المكيف الاصحاب الكامري نضفو فلتر المكيف وراح يضبط دفع الهواء

المتمكن123 @user_119455 · 08-10-2008

عندنا كامري 2007

ماشاء الله مافيه مشاكل ابد

بس في مشكلة وحدة في الظهر

المكيف دفعه تعبان افتح الدريشة احسن لي

ودمتم...........

almasy @user_88566 صاحب الموضوع · 07-10-2008

يعطيكم العافيه شباب

aramco @user_53336 · 07-10-2008

انا اخوي عنده كامري 2008 طلعها رمضان العام اول شيئ خربت الرومانات الامامية وغيرها بـ 600ريال على الضمان وبعدين خرب المكيف صار يطلع صوت (بوررررر) وبعدين خرب الزنون اليسار ووديناها الوكالة اكثر من مرة لمده شهر كل مرة يصلحونه يخرب من ليلته والمسجل كمان تعبان مرة يخرب مرة تمام ما تعرف له والحين الكفر الامامي في مسح ماني عارف يمكن يكون من مطبات جدة هذا اللي عندي ..

Y A S S E R @user_31184 · 07-10-2008

ماشاء الله الشباب افادوك

ينقل الى القسم المختص

ACCORD_2009 @user_124925 · 07-10-2008

الكامري القديم وبس
اما الحين كراتين وورق

امير الود @user_122234 · 07-10-2008

اخوي

المكيف عندى ماشاالله تبارك الله ممتاز ماعمري حطيته على العالى فى عز الظهر احطه على الطقه الرابعه طبعن هو من سبع طقات والناس الى تسب فى التكيف هذولا ماينظفون الفلتر المكيف لما اروح للبنشري اخليه ينظفه بالهواء

السبيت @user_115097 · 07-10-2008

انا ياخوي معي كامري 2007
وما شاء الله الموتر ولا احلى منه وبالنسبه للمكيف ممتاز
والسبب:مكيف الكامري سبع طقات والناس يخافون ويحطونه على الو عشان كذا يقولون مايبرد
وبالنسبه للكامري ليش تحترق شفت كوامري كثيره محترقه والسبب
تركيب كشافات وجرح الاسلاك والعب في الكهرب

برير @user_121800 · 07-10-2008

ما جربتها شخصيا
بس جربت الأوريون و أحسها حلوه ..
بس الغريب أني في مره جاي الرياض وشفت الكامري الشكل الجديد واقف على جنب وتحترق والدفاع المدني معاهم يطفون النار !!!
مدري هذا نتيجة عبث في الكهرباء تبع السيارة او هناك اي مشاكل في كهرباء السيارة الله اعلم
بس بصراحة استغربت - كامري جديد يحترق :a120(89):

about mazda @user_119019 · 07-10-2008

اخوي السيارة جيدة انا رحيمي معه كامري 2007 اول ما نزلت مشاها في سنتين 120000 كيلو
و الصيانة في الشركة خلال سنتين 5000 ريال بس وما فيها اي مشكلة بس :( انتهت سوا بها حادث و بعاها تشليح لان واحد صدمه شال له الواجهه. الحمد على سلامته
لكن انا طلعت مازدا 6 لاني احببتها