شرينا اكسبيدشن وترورطنااا؟؟؟

اتمنى إن الشباب أفادوك وماله كل هذي الضجه عشان عطل بسيط
بعد إذن صاحب الموضوع يغلق لعدم الحاجة إلى رفع الموضوع
تقبلوا تحياتي اخوكم مشعل

السيارة هي الوحيدة في فئتها اللي يصعب أنقلابها على سرعة عالية عند أنفجار أحد الأطارات إن شاء الله

وهذه صارت معنا وما درينا على الكفر حتى علمونا اللي في الخط

لو كان لاندكروزر ولا أي سيارة أخرى

كان ألف قلبة في الهواء

الله يبارك فيك وفيها ولا يضيق صدرك على لمبة يمكن تعالج بسهولة

الصراحة توقعت من العنوان انه فيه مكينة او قير فيها عيب او شي خطير واخرتها لمبة حساس الهواء مولعة اكيد فيه عيب بواحد من الكفرات او عيب بنفس الحساس ممكن يبغى برمجة
اهم شي عندك الضمان ساري المفعول
والسيارة ماشاءالله مع ولد عمي احيانا اركب معه ا راحة وهدوء وتكيف صح وخفيفة بالمشي نمشي ما ندري الا وحنا طاقين 140 الرجال يمدحها كثير لا في بر وفي خط
لا اخوي العزيز غير عنوان الموضوع وقل الحمدلله شرينا اكسبدشن احمد الله واشكره ففي الشكر تدوم النعم

فرغ الهواء من الإطارات ثم إنفخها من جديد على الضغط المحدد بكتيب السيارة ثم افصل الإصبع السالب لبطارية السيارة لمدة عشر ثواني أو أكثر قليلاً ثم إشبكه من جديد كي يعيد كمبوتر السيارة برمجة نفسة لأنك إذا عبيت الإطارت بالهواء ولا فصلت البطارية مثل ما قلت لك لن يتعرف كمبيوتر السيارة على حل المشكة مثل بالضبط لما تحمل بعض البرامج التي يتطلب تثبيتها إعادة تشغيل كمبيوترك الشخصي أو المحمول
خبرة في مثل ها لشغلات مع تمنياتي لك بالتوفيق

الله يبارك لك فيها ترى السيارة طيبة وهذه ما هي مشكلة كبيرة وجاري عنده إكسبيدشن هذا الحساس متعطل عنده من سنة ونصف ولا غيره ، ولا شفته يوم إشتكى من السيارة ، علماً أنه شاريها مستعمله

متفأل واضح من كلامك انك تبي بس تقلل من شأن السياره وواضح انه ماهمك انك تحل مشكلة السياره

ولا المشكله بسيطه مره مره مره ولا تخلي الواحد يقول كل هالكلام



تميم تراك وهقت نفسك مع ابولميس و واضح انه متمكن بالرد عليك وافحمك

خاصة اني اشوف انه على حق وغير كذا انت بديت تخربط وتطلع عن صلب الموضوع

ولا عرفت ترد على ابو لميس وواضح من ردودك .. ترى مافيها شي لو قلت اني اخطيت

والعذر والسموحه والعفو عند المقدره لاني بصراحه اشوف انك اخطيت بحق ابولميس

وفي شخصه بالاسم بس صراحه رد عليك رد حلو ( سوزان تميم الله يرحمها ):e058:



بعض الاعضاء دخلو عشان يتشمتون بس ولا والله مايدرون وين الله حاطهم بالسيارات

والمفروض الواحد يدخل ويعالج المشكله واللي ماعنده حل يتوكل على الله

لان بكلامك هذا اذا كان الرجال توه شاري السياره عز الله اللي حطمتوه وراح باعها من ثاني يوم

لان بعض الناس تبيع من التأثر بالكلام ويروح يخسر نفسه الضعيف على شان كم واحد قالو له

ترى السياره خربات وحساسه ومدري ايش .. الله يهديكم ويصلحكم ويصلحنا


تحية كبيررررررررررررررررره لا ابو لميسسسسسسسسسسسسسسس


وما ننسى كاريرا

والسلااااااااام

بصراحة
المشكلة بسيطة جدا ولا تحتاج لكدر أو ندم على سيارة ناجحة مثل اكسبدشن

راجعهم وان شاء الله تنحل بيسر

صراحة أخوي مكبر السالفة
لمبة عادية جدا توضح خلل في ضغط أحد الإطارات
هذي ممكن تصير في اللكزس واللاندكروزر واليوكن والألتيما
يعني عشان حساس ضاق صدرك
أجل لو حادث لاسمح الله وش تبي تقول

يارجال لاتشيل هم

الاكسبديشن لو يخرب شكله يرضيني

بالنسبة للكفرات أنا مرة اللكزس 460 قالي إن فيه كفر مبنشر نفخت كل الكفرات 40 وراحت العلامة يعني أخي الكريم وسع صدرك وعيد وارتاح

اخوي هذا موضوع يبين لك ان اغلب اصحاب سيارات الفورد مرتاحين منها ولا يشتكون من شيء ..

http://www.assayyarat.com/forums/showthread.php?t=128714

..

اخوي صاحب الموضوع .. ترا القصه ماتستاهل تضيق صدرك ... ههههههههه انا البي ام الي عندي طالع لي انه تاير بانشر .. عااادي وسع صدرك ..

واذا مضيق صدرك ان سواق هندي هو الي مطلع السياره .. ترا عادي الحين البي ام والكزس والمرسيدس والبنتلي والمايباخ .. اغلب الي يسوقها سواقين .. ولا قللت من قيمة الموتر شيء ..

انت وسع صدرك الموتر الي معك .. مشاء الله زين ويستاهل كل قرش .. ولايهمك كلام الي يسبه ترا الناس الحين يسب اي سياره .. عشان يحاول يرفع من قيمة سيارته ..

والله يوفقك اخوي .. وترا علامة الكفر هذي تطلع باغلب السيارات اذا كان الكفر منسم .. تجي وتروح

وانت لاتشيل هم واذا مضايقتك ودها للوكاله ..


هههههههه اخوي اذا تخاف تسافر بسياره امريكيه وش بتسافر فيه .. والله عجيب

اخوي انت لاجربت الاكسيبدشن ولا شيء .. كيف تحكم انه خربات لاتعد ولاتحصى ..

انا ماودي ادخل معك في جدال طويل .. وبعدين تسألني عن اسمي .. الخ الخ ..

اخوي انا عندي بالبيت اكسيبدشن 2001 ماشين فيه حدود 500 الف كيلو ..

وتجي انت .. الي ماعندك سالفه بالاكسيبدشن وتقول خربات ..

السياره الي عندي يسوقها من اخوي الصغير الى الوالد .. الله يحفضه ..

السياره هذي يتغير زيتها كل 10 الاف الى 15 الف .. ماقد سخنا السياره قبل مانمشي .. السياره سافرت للامارات 1000 كيلو ورجعت 1000 كيلو بنفس اليوم .. وبعد اسبوع نفس الشيء ..

ومشاء الله على السياره تتحمل الكرف ..

واخوي اسمح لي الكوري الي انت تهايط فيه .. وخصوصاً كيا اعرف اثنين طلعو فان كيا من الوكالة وكلهم وضبو المكينه .. مادري وين السياره هذي عمليه فيه .. بس الله يخلف القرد بعين امه غزال ..

اخوي تميم انا قريت كل الردود تقريباً .. الي فهمته منك انك ماتفهم بالامريكي ولاجربته ..

فياليت تنورنا وتقولنا من الي لاعب عليك وقايلك عن هالخرابات ..

واذا بتتكلم جبلي واحد مطلع سيارته وكاله .. مو تجيب لي سياره من بقايا احداث 11 سبتمبر وتقولي خربات .. واذا بترد بتعصب الله يرحم لك والديك لاترد ..

على العموم انا طولت بالرد وتأخرت ..

واشكر ابو لميس على ردوده الواقعيه .. والمعقوله ..

وكل عام وانتم بالف خير وصحه وسلامه .. ان شاء الله

أخوي الكريم ممكن تفصل لنا كيف حساس مرة من الفائدة ... يمكن لك تجربة وأحتمال نستفيد منها يعني نكون غافلين عن أشياء أنت تنبهنا لها
وشكرا



مثل هذا الكلام هو اللي يجب أن يقال وهذا هو اللي يسمى وجهة نظر

شكرا أخوي عتيج برستيج

أهلين أخوي كاريرا وكل عام وأنت بخير .. ومن العايدين الفايزين ..

أولا شيء أخوي ما أقول عن كلامك إلا كلام موزون منطقي عاقل ولا يصدر إلا من إنسان عاقل عارف وش هو يقول ...

والله يا أخوي أنا ما ودي بمثل هذه المناقشات كل المسألة لمبة مولعة وأنت شفت ردود بعض الأخوان هداهم الله ...يعني أخونا متفاءل عنده مشكله عندك حل أذكره ما عندك أسكت أو على الأقل أدعو الله أنه تنحل مشكلته ...

وأنا من النوع اللي يكره المدح المبالغ فيه واللي يوصل إلى تزييف الحقائق وخصوصا مع السيارات اللي أنا مجربها وباخصها أو الذم المتطرف...

فمني العذر ومنك ومن جميع الأعضاء السموحة

وعليكم السلام أخوي متفاءل .. وتقبل الله منا ومنك وجميع المسلمين صالح الأعمال... وكل عام وأنت بخير...

أخوي الكريم أهم حاجة يكون الإنسان مقتنع بالسيارة اللي يبي يشتريها ... يعني لا يقدم على شراء سيارة وكأنه مغصوب عليها ...

وصدقني أي خلل بالموتر راح يصلحونه وغصب عليهم على الضمان ولا لهم منة عليك بل يتشرفون بخدمتك ...

وكلامك صحيح من ناحية ضيقة الصدر .. لكن وأنا أخوك شف مصائب غيرك قيور مخبطة ومكائن مضروبة ... يعني بلاوي ما يعلمها إلا الله ... والله تهون مصيبتك أنت مجرد لمبة حساس مراقبة ضغط هواء الكفرات مولعة ... يعني الموضوع ما راح يأثر على أداء السيارة .. ولعل في الأمر خيرة ...

وبالنسبة لمساءلة الرزة وما الرزة الإنسان هو اللي يرز نفسه بأخلاقه وتعامله مع الناس مهوب الموتر اللي يرزك ... ودائما أنظر لما هو دونك لا لما هو أعلى منك علشان تعرف قدر النعمة التي أنعمها الله عليك ... وأعتقد الجودة تأتي في المقام الأول وأهم من الرزة وش لي برزة تكون بالورش ؟

أما بالنسبة أنك حقرت موترك لأنك شفت هندي يطلع إكسبدشين لكفيله وين المشكلة ؟ الموتر مهوب ذنبه إذا ساقه هندي أو غيره ... وبعدين يا أخي الكريم وبمناسبة العيد أسمح لي أقول لك ما يجوز أحتقار الناس وخصوصا إذا كانوا مسلمين ... وهذا إن دل على شيء فهو يدل على ثقة الكفيل بالموتر وأنه ما راح يتعبه ...والإكسبدشين رزة وملفت للنظر سواء ساقه هندي أو غيره ...

يعني ما عمرك شفت سواق يسوق بانوراما أو بي أم أو كدلاك أو لنكون أو لكزس ؟

فقط نظرة على أحد أسواق المول وشف وش هي السيارات مع السواقين سيارات تبدأ أسعارها من 80 ألف ويمكن أقل إلى حدود 300 ألف ويمكن أكثر( وأغلبها مظاهر وفشخرة على الفاضي )

وأخيرا أقول كما قلت أنت الحمدلله على كل حال

جميع السيارات بلا استثناء يابانية اصلية او استرالية والامريكي والالماني والسويدي ... الخ، جميعها قد تعاني من مشاكل جانبية او اساسية عند الشراء.
..
..
انا سيارتي الكامري من اول يوم اشتريتها فيه وهي ماتخلا من المشاكل ... من اول يوم للسيارة شفت ان عزمها ضعيف مو مثل الكامري اللي استأجرتها ثلاث ايام للتجربة، وفي الوكالة قالوا لي ان السيارة ستاندر والكمبيوتر يشهد... ويوم اصريت جاء خبيرهم الياباني وقال لي ان السيارات اللي تطلع من المصنع تتفاوت في ضغط السلندرات combustion ratio، قلت خلها على الله، من اول اسبوع طلع لي موضوع تنسيم الهواء المزعج قالوا عادي، السكان فيه صوت وماعرفو يحلونه لليوم، الداشبورت انتفخ فجأة بدون سبب وغيرته الوكاله.
..
..
مو هذي الكامري اللي الكل يقول مشاكلها قليلة ومريحة ولما تاخذها اترس بنزين وغير فلاتر وزيت وريح بالك؟؟
..
..
ارجع واقول السيارات بالحظ ولازم نتعرض لمثل هذي المشاكل.

الله يكـــون

بعــــــــــــــــــونكــ

صراحهـــ

الاكسبديشن حساس مرررررررررررررهــ