الفزعة ياشباب مشكلة في اليوكن 2007 أبغا مساعدتكم

عفوا أخوي
انا كنت أقصد كراسي القير

وسألت ميكانيكي شايب

وعطاني حلين لا ثالث لها
وهو
1- يرفع السيارة عن الارض في مستوى متر تقريبا وبعدها يشغل السيارة ويدوس بانزين الى ان تصل الي سرعة الاهتزاز وبعدها الفني يستطيع ان يعرف مكان العطل اذا كان كراسي القير او عامود القاردن او القير .....الخ
2- يدخلها كراج سيارات ويوقول المشكلة وهم بكيفهم يفحصونها ويصلحونها ولا يتبهذل بالكراجات ويريح بالة

وتحياتي لك

والله دوخناك بس الله يعينك..
اولا اضم صوتي لصوت الأخ (ولد وايل) روح الوكالة بس لا تخليهم يصلحون شي لأن بعض الوكالات تلجاء للتغيير علطول وممكن تغير اشياء مالها علاقة ..
وعندي سؤال انت دخلت في منطقه طينيه من قريب؟؟ سبخة ولا طريق مطين؟؟
شوف ارفع السياره عند االبنشري وشيك ع العمود يمكن يكون تلصق فيه طين وتحجر وهو سبب الرجة انا قد حصلت لي نفس المشكله وغسلت وراحت بس انت شوف وتأكد..
واذا ماطلع من العمود خل البنشري يفك الكفرات واحد واد ويركبه بآلة الترصيص وشيك كل كفر على بلحاله,,, وبعدها شيك على الكراسي كلها القير والمكينة اذا ماتعرفها اسأل العامل وين الكراسي وخله يفحصها,,,,
والله معك...

أتمنى لك التوفيق ..

وياليت ترجع تقول لنا -بعد إصلاح سيارتك - بما حصل معك ، حتى يستفيد إخوانك مستقبلاً من مشكلتك وحلّها .

لأخوي إذا أنت في جدة أو الخبر أو الرياض .. رح لورشة أوتوستار لفحص القير وكراسي الجير والحساسات ... مالك إلا هم بعد الوكالة لأنهم أرخص بكثير وهم أبرع وأفض ورشة بالسعودية فيهذا المجال وبتجربة شخصية ما في أفضل منهم وتوكل على الله ..

ممكن تكون الرجة من الجير وممكن تكون من البيرينجات اللي هي تجي تحت الهوبات على طول وهذي لازم يفك الكفر والقماشات والهبات عشان تبان معاك جرب فك الكفر الأمامي اللي على اليمين فقط حق الكفرات الأمامية .. وخاصة إذا كنت مطعس ودخل ماي ورمل ولا سويت غسيل بستم من أسفل ..

والله يجيب الخير أخوي ويكفيك شر الأعطال

^^^
مثل هالكلام و صعبة تحديدها بدون التجربه من فني مختص

تحياتي

ياخوي ود موترك الوكاله وريح عمرك

لو انك موديه اول مره كان افتكيت من هالدوران على الاقل الوكاله تعطيك ضمان مدة شهر على التصليح اذا رجعت يصلحونه على حسابهم

بدل ماتطامر بموترك بالصناعيه

حرام اصلا سياره موديلها 2007 وتوها جديده توديه الصناعيه
كلهم عمال هواة وينهم وين الخارابات اللي مثل ذي واللي فرضية الخلل في اكثر من مكان بالسياره

الله يعينك بس

ياشباب لا تخوفون الرجال احتمالات الرجة بالسيارة كثيرة
ولكن بالتدريج يبدا من الاسهل يعني لو راح لواحد وقال غير
كراسي المكينة مثل ماصار بالكفرات ولا صار منها وش الحل
لكن تجريب الجنوط ما يكلف واذا ما طلع منها في ذاك الوقت
يبدا بالحل الي بعده وهكذا والحلول كثيرة
يجيك ناس يقول لك مثل ما قلت انا
الجنوط وتسمع كثير بعد
1- الجنوط
2- كراسي القير
3- كراسي المكينة
4- عمود كردان
5- عمود التوازن
كل ذولي احتمالات الرجة بالسيارة
لكن ممكن جدا يكون غلط بالترصيص
وعلى فكرة الخمسة الي فوق مع الترصيص
هذي هي الاحتمالات حقت الرجة بالسيارة
وما فيه غيرها لكن بالتدريج الاسهل فالاسهل
لا تخوفون الرجال وخلوه يتاكد من الجنوط
ومن بعدها الترصيص
وبعد كذا الباقي التاكد منه بسيط جدا
وشكرا للجميع

الله يكون في عونك اخي العزيز
انا مع الذي قالك من الطنجره لان عندي زميل سيارته بليزر عانا من نفس المشكلة وفي الاخير غير الطنجره وغدا الشر
بس انت شيك عند اكثر من واحد قبل ما تغيرها

عزيزي اليوكون الاسود ... نصيحتي لك افحص كراسي القير وكراسي المكينة وترا شغلتها بسيطة جدااا ... ما تاخذ الى نص نهار ومو مكلفة واجد ... لانها سارت لسيارتنا نفس حالتك ترج السيارة على سرعه 100 الى 120 وسارت المشكلة كراسي مكينة علما بان السيارة كاديلاك DTS
فنصيحتي شيك على كراسي المكينة والقير سيما انك راعي قمز ارصفة

الحمد لله على السلامة وغدا الشر ان شاء الله
شوف حبيبي مشكلتك ما هي كبيرة ابدا بإذن الله
بعني ما هو فير ولا مكينة ابدا بإذن الله تعالى
ولكن تحتاج الى احد سبق مرة عليه هالمشكلة
شوف ما دامك تقول انك رصصت الكفرات
عند ناس ممتازين وان الرجة تجي عند
سرعة 80 او 100 او 120 هذا يعني
ان المشكلة قدام واقرب شيء
الجنوط الي قدام واعطيك طريقة تجرب فيها
روح الى اقرب بنشر واقلب الكفرات
يعني حط كفرات قدام ورا وكفرات ورا قدام
وانتبه لا تغلط وانت تركب
وجرب السيارة اذا جت الرجة بسرعة 140
او اكثر معناه مبروك مشكلتك انتقلت من
قدام الى ورا وش الي انتقل الجنوط لما غيرتها
يعني المشكلة بالجنطين الي انتقلن
لما كانت قدام الرجة من 80 الى 120
يوم صارن ورا الرجة ما تجي الا بسرعة
140 او اكثر يعني المشكلة بالجنوط او الترصيص
الله اعلم
جرب وشوف ورد وراح اتابعك ان شاء الله
بالتوفيق وخير ان شاء الله

الله يعينك اخوي .... على العموم اخوي انت وسع صدرك ولاتاخذ الامور بحساسيه ترا تتعب نفسيا والنفس اهم من كل شي وان شاء الله تنحل مشكلك .

السلام عليكم ...
الله يكون بعونك اخوي...
حبيت اسألك الرجة تجي كامل السيارة ولا بالطارة بس؟
اذا بالطالرة شيك على مساعد الدركسون...
وذا الموتر كلة شيك على الجنوط ممكن ماكل رصيف ولا شي ..
اذ مب الجنوط انا ما وذي افتي بس من الافضل انك تروح لميزان العضيب ولا الطيار في الرياض وتقولهم السالفه
وذا ماعرفوا روح الى ورش سيارات كبيره لا تروح للورش الصغيرة ممكن يكونون اكثر معرفة...
وياليت لو تنقل الموضوع لمنتدى ورشة السيارات ممكن يفيدونك اكثر...
والله ييسر لك ويعينك...

عزيزي اليوكون الاسود ... نصيحتي لك افحص كراسي القير وكراسي المكينة وترا شغلتها بسيطة جدااا ... ما تاخذ الى نص نهار ومو مكلفة واجد ... لانها سارت لسيارتنا نفس حالتك ترج السيارة على سرعه 100 الى 120 وسارت المشكلة كراسي مكينة علما بان السيارة كاديلاك DTS
فنصيحتي شيك على كراسي المكينة والقير سيما انك راعي قمز ارصفة