وداعا فورد كراون فكتوريا

يوسف الفهد @user_86117 · 26-09-2008

السلام عليكم ورحمه الله

نعم اخوانى استطيع ان اقولها اليوم بعد ان تاكد لي خبر انقطاع الكراون فكتوريا عام 2011 يعنى اخر موديل منها راح يكون السنه الجايه 2009 واللى بعدها 2010 ان شاء الله.

اليوم راح الوالد لشركه فورد المجموعه واخبره المسؤول عندهم ان اخر موديل هو 2011 وانها راح توقف بعدها.وسعرها مغرى 5,555 د.ك وما حصل اللون المفضل عنده وهو ال`دهبي ولكنه راح يتوفر بعد عيد الفطر مباشره ان شاء الله .

للعلم بس : كراون فكتوريا انتجت لاول مره عام 1956 باسم Faire lane crown victoria وفى السبيعينات اصبح اسمها Ford LTD وفى الثمانينات اصبح Ford LTD Crown Victoria ومن التسعينات لليوم واسمها Crown Victoria . يعنى بالضبط 53 سنه من غير توقف فى الانتاج !!!

السؤال اللى محيرنى شلون تقدم شركه فورد على وقف تصنيع الكراون فكتوريا ؟؟؟ احس رزق الشركه كله منها؟؟؟ وهل راح تتوقف نهائيا ؟؟ ولا نفس الكابرس ترجع بعد 3 سنوات ؟؟ وهل ترجع مثل مانعرفها ولا ترجع فاشله نفس كابرس (((2000))) ؟؟؟؟

نترك هالسؤال ليجيب عنه التاريخ ...............

أبـو جارالله @user_131239 · 20-11-2008

مااعتقد لانه سبب شهرة سيارات الفورد الكراون & القراند والله أعلم

computer123 @user_132912 · 19-11-2008

جزاك الله خير اخوي

EPICA 219 @user_113013 · 18-11-2008

ماأعتقد تتوقف لأنو هي إلي مربحة شركة الفورد عندنا

handam @user_125896 · 17-11-2008

ياخساره اذا هذا الكلام راح يطبق
لاكن من الممكن انه يوقفو الفكتوريا ويبقا خط انتاج الماركيز مع تطويره
نظرا لانه افخم وبنفس مواصفات الفكتوريا وسعره في البيع بالنسبه للشركات اعلى
وهذا مجرد راي.....

طاوي الخطوط @user_44551 · 01-10-2008

أعتقد القرار فاشل لو تم الايقاف
لانها سيارة عملية وفيها شئ من الراحة

q8ty40 @user_51366 · 30-09-2008

السلام عليكم
بالنسبه للخبر اخي الكريم أعتقد أنه عاري عن الصحه
وذلك بسببين

ألأول هو أعتماد الولايات المتحدة على هذه السيارة في الشرطه-التاكسي-الأجارة-التصدير-....
......مصدر قومي
الثاني
هو تصريف الكمية الموجودة ---لأن الشكل أخذ مدة طويله ولم يتغير أو لم يواكب
التقدم التقني للسيارات
فيبدأ أنتشار شائعه مفادها أن السيارة سوف تنقطع ويشح عددها بالسوق
فيعطي دافعا لكل من له نية شراء

-------------

نعم هذه السيارة عملية جدا وبسيطه
القي نظرة على التابلوه والمواصفات من الداخل قديمه جدا
لا ترتقي بالسيارات الحديثه

كنت أتمنى أن يمسها التغير الشامل
كما جرى على الفوردF150
وأعتقد أن الشركة خائفه على زبائنها التقليدين
ولكن في يوم سوف تفقد مكانها اذا لم تلاحق نفسها بالتطور

شكرا لك وسلام

just one @user_32322 · 30-09-2008

مستحيل فورد تتنازل عن حصة كبيرة له في سيارات الشرطة والتاكسي في امريكا الا وعنده خطه بي استمرار الفكتوريا او ايجاد بديل له يضاهي الفكتوريا ولاننسي انا منافسيه يفتقدوا الى جودة الفكتوريا و اعتماديته وبالنسبة للسوق الخليجي مستحيل فورد تترك منافسته جنرال موترز تنفرد بي هذي الفئة وهو منافس الفكتوريا الكابرس v8 لان الفايف هندرد من فئة اللومينا ولاننسي انه سحب امامي او رباعي تجي
هذا راي الشخصي وشاكر لكم:emot154:

احمد 999 @user_57330 · 30-09-2008

انا اتوقع انها سوف يقف انتاجها لان الان الدوريات خذت دودج شارجر في امريكا وحنا في السعوديه دورياتنا شارجر

هاجوووس @user_89601 · 28-09-2008

H

HFR50

شركة فورد مهيب قاطعة الكراون فكتوريا الا وهي عارفه انها من مصلحتها
مهوب منطقي ان شركة تسوي شي بعكس مصلحتها
غير كذا الكراون فكتوريا ماعليها اقبال في امريكا, ماعليها اقبال ابدا بسبب اسعار البنزين وتوفر بدائل بنفس سعرها واقتصاديات اكثر ومواصفات اكثر
طبعا لا احد يغتر ويعتقد ان السوق السعودي والخليجي سوق ضخم, مقارنة بامريكا; هالسوقين مجتمعات مايساوون سوق ولاية امريكية وحدة ;)

نفس النظرية ,

يعني مثلا مثلا
لو فورد كانت تبيع 200,000 كراون فيكتوريا في أمريكا , وفي الخليج 20,000 , وبعد كم سنة صارت تبيع في أمريكا 50,000 سيارة(قلت) وفي الخليج 22,000 (زادت) , أتوقع راح توقف إنتاجها ,

Naiooofe @user_123248 · 28-09-2008

والله قهر صحيح الكل كان يتمنى شكل جديد لها لنها سياره صدق قويه

HFR50 @user_13255 · 28-09-2008

شركة فورد مهيب قاطعة الكراون فكتوريا الا وهي عارفه انها من مصلحتها
مهوب منطقي ان شركة تسوي شي بعكس مصلحتها
غير كذا الكراون فكتوريا ماعليها اقبال في امريكا, ماعليها اقبال ابدا بسبب اسعار البنزين وتوفر بدائل بنفس سعرها واقتصاديات اكثر ومواصفات اكثر
طبعا لا احد يغتر ويعتقد ان السوق السعودي والخليجي سوق ضخم, مقارنة بامريكا; هالسوقين مجتمعات مايساوون سوق ولاية امريكية وحدة ;)

speed12 @user_114598 · 27-09-2008

ي

يوسف الفهد

السلام عليكم ورحمه الله

نعم اخوانى استطيع ان اقولها اليوم بعد ان تاكد لي خبر انقطاع الكراون فكتوريا عام 2011 يعنى اخر موديل منها راح يكون السنه الجايه 2009 واللى بعدها 2010 ان شاء الله.

اليوم راح الوالد لشركه فورد المجموعه واخبره المسؤول عندهم ان اخر موديل هو 2011 وانها راح توقف بعدها.وسعرها مغرى 5,555 د.ك وما حصل اللون المفضل عنده وهو ال`دهبي ولكنه راح يتوفر بعد عيد الفطر مباشره ان شاء الله .

للعلم بس : كراون فكتوريا انتجت لاول مره عام 1956 باسم Faire lane crown victoria وفى السبيعينات اصبح اسمها Ford LTD وفى الثمانينات اصبح Ford LTD Crown Victoria ومن التسعينات لليوم واسمها Crown Victoria . يعنى بالضبط 53 سنه من غير توقف فى الانتاج !!!

السؤال اللى محيرنى شلون تقدم شركه فورد على وقف تصنيع الكراون فكتوريا ؟؟؟ احس رزق الشركه كله منها؟؟؟ وهل راح تتوقف نهائيا ؟؟ ولا نفس الكابرس ترجع بعد 3 سنوات ؟؟ وهل ترجع مثل مانعرفها ولا ترجع فاشله نفس كابرس (((2000))) ؟؟؟؟

نترك هالسؤال ليجيب عنه التاريخ ...............

صحيح تكون خسارة لعالم السيارات أن يتم وقف إنتاج هذه السيارة العريقة....

أما عن رزق الشركة ... فما دامت الـF-150 تشم الهواء الفورد ما راح تخسر أبداً:e058:

manigasi @user_79886 · 27-09-2008

ياخي غريبين الامريكان

عندهم عقده من الاسطوره

اي شيء سوف يكون اسطوره لابد من تحطيمه

والدليل كابرس ..ومن ثم الفكتوريا

بعكس الالمان واليابانيين

لكن اكيد الخسائر سوف تتراكم على فورد

MARQUIS LS 2005 @user_119392 · 27-09-2008

غريبه شركة فورد معتمده أعتماد كلي على هالسياره وتوقف إنتاجها؟؟؟

إلا إذا كان ناويه تنتكس نفس إنتكاسة GM لين وقفت الكابريس هذه شي ثاني.

tala55 @user_108040 · 27-09-2008

اتوقع ان اقتصاد الشركة قائم على هذي السيارة

ولو انقطعت راح يصير لشركة فورد ماصار لشركة شفروليه

يوسف الفهد @user_86117 صاحب الموضوع · 27-09-2008

اشكركم اخوانى كلكم على ردودكم .
والله بصراحه الموتر ما عليه كلام ويمكن هى السياره الوحيده اللى تشتريها من غير ما تسأل عنها والسبب انتشارها الرهيب يعنى مافيه بيت فى الكويت والا السعوديه واغلب دول الخليج الا وتلاقى فيه فورد .
وانصح الاخ اللى قال كنت بشتريها وهونت بعد هالخبر , اقوله توكل على الله واشترها تراها تستاهل وانت كمستخدم يهمك سيارتك جديده وماعلينا من الشركه حتى لو تقطعها لانها ماهى شركتنا .. فالافضل اذا تبيها توكل على الله وتاخذها موتر لك وللزمن.

وي ر فورد 2006 @user_60377 · 26-09-2008

ما اتوقع ان الفكتوريا بتتوقف

اهيم شوقا @user_100185 · 26-09-2008

الاخبار هذي ماتؤخذ من موظف عادي
لازم تصريح من مسؤل كبير في الشركه علشان نصدقه :)

fahad4876 @user_91268 · 26-09-2008

اعتقد ان الفكتوريا افضل سيدان في الوقت الحالي
جودة + راحة = فورد كراون فكتوريا