السلام عليكم
في يوم 3/9/1429 الوالد وهو راجع من الحرم بعد المغرب و هو ماشي بسيارة أخوي (أيكو2005) بالخدمات حق الدائري بمكة و يطلعله واحد معاه فورد عاكس الخط و ماشي بسرعة جنونية و يدخلو في بعض.
طبعاَ الإيكو أنعجنت و أنتهت و الفورد بس واجهة مع راديتر ,والوالد كان تعبان من ضربة الإيرباق في صدره و حولوه لمستشفى النور,والحمدلله ما طلع فيه شئ و هذا أكثر شئ أحمد ربي عليه.
المهم جاء المرور و عاين الحادث و الغلط 100% على راعي الفورد وحولونا لقسم حوادث العزيزية و بدأت الاجراءات الروتينية.
تتنازلوا؟ لا لا لا
طيب سعرو السيارة و تعالوا
و نفس الوقت سحبنا السيارة و قدرناها و قدرت ب14880 ريال.
رحنا للقسم قالو التسعيرة كثيرة روحو لشيخ المعارض يقدرها ,طيب رحنا لشيخ المعارض (وكل سحبية ونش على حسابنا 150ريال وراها 150ريال ....) المهم شيخ المعارض قدرها قبل20000و بعد6000 يعني الفرق 14000ريال نفس التقدير الأول.
الحاصل رحنا للقسم و قلنا هذا تقدير الشيخ قالوا طيب الرجال ما يبا يدفع(عجيبة يعكس الشارع و ما يبا يدفع).
المهم العسكري قالي المعاملة تتحول للمحكمة (و ما أدراك ما المحكمة) طيب رحنا لمرور أم الجود عشان ناخذ رقم بالمحكمة لقينا المعاملة ما وصلتهم و قالي العسكري: كل عام و أنت بخير.ما لك إلا بعدالعيد.
طيب اللي عنده خبرة بهالأمور يفيدني كيف حيحكم الشيخ هل يلزمه بدفع المبلغ كاملاَ أو يقسط المبلغ عليه علماَ بأنه يدعي بأنه لا يعمل.و علماَ بأنه غير مؤمن و لو كان مؤمن حتى ما ينفعه التأمين لأنه عاكس خط
أرجو إفادتي و شكراَ.
أخوكم خالد
