أسعد الله أوقاتكم بكل خير .......أنا قبل مده يمكن 8 شهور غسلت سيارتي ماكينه بستم !!!! وبعد الخروج المغسله تفتفه عجيبه غريبه بالأضافه إلى لمبه التشيك إنجن مولعه<<<إنهبل
قلنا نروح للميكانكي السوري حبيبنا قلي ياصاحبي طقم كويلات وطقم بواجي !! وإنتوا عارفين إنها بكم قلتله الميزانيه ماش قلي طيب خلينا نغيرلك البواجي وعندي كويلين بحطهم لك قلت أوكيه .....لمبه تشيك إنجن طفت وراحت الرجفه وهي واقفه وقلت الحمدلله إنها جت على كذا ولكن لما أمشي ومن ثم القير يرتاح _يعني يكون ماشي بالرابع على سرعه 80 أو 70 كم _ احسه تفتفت أدعس يروح ضاااااااق صدري بصراحه وخليته على ماهو عليه اليوم كنت عند باكستاني ميكانيكي وقالي ماله داعي نغير الكويلات الثمان كلها ...أنا قلتله خير إنشالله وخلصت شغلي عنده من تغيير بكرات وشداد السير وطلعت... بس السؤال هو كيف نعرف أحد الكويلات بالضبط إنه خربان أو عطلان مع العلم إن سألت وقالولي حتى الفحص بالكمبيوتر مايقدر يحدد الكويل !!!! وهل عادي إني أمشي عليها وأسافر مثلا للشرقيه مغادراً من الرياض وهي على هذه الحاله؟؟؟
نقدر نشوف أراأكم قبل مانتهور
أخوكم : عشقتكـ ياماركيز
