صبحهم بالخير
عندي تاون كار 2000 ورحت سويتله صيانة ، تصفية مكينة وكويلات ومن ذالامور
على العموم فحصتها كمبيوتر وقالي اللي فحصها ان السلندر الأول 80% لأني عندي تنسيم في البلف
حق السلندر الأول ، قلتله خلها ولا سألته عنها ، فهل هو صادق ولا حرامي ويبي يسرقني وهل لو أخليه يضر بشي ؟
ووش الفايدة من البلف وكم يكلف وهل يحتاج أفك المكينة
السيارة دايم أسويلها صيانة بس مافي شي يتغير عن كيلو متر محدد ، بمعنى أنا ما قد صلحت بالمكينة إلا الكويلات والبواجي وتصفية ومشيت على السيارة 100 ألف
والقير قد غيرت له طقم وجيه وغيرت السسته حقته ، وغيرت عكوس والرمانات حقتها ، وحاجات ثانية بسيطة مثل خرابيط الكهرب والمكيف
فهل في شي لازم يتغير عشان السيارة ما تتعطل بعدين ؟ أنا سمعت ان سير التايمينج يتغير كل 100 ألف فهل أغيره ؟ أتمنى انكم فهمتوني
ثاني شي عندي الدفرنس فيه حنة لها سنة مع دعسة البنزين وإذا شلت رجلي راحت فأنا متأكد انها من الكارونة ، فوش حلها لأنها طفشتني بصوتها
أخيرا عندي زيت القير مبطي ما غيرته ولا أدري كم مشى فأبغيره لأن التغييرات مافيها نعومة
فهل أغيره بزيت الطنجرة ولا بدون ؟ وواحد من الشباب قالي انتبه من الزيت أبو علبه حمرة
وقالي خذ زيت من الوكالة ، فهل تفرق ولا آخذ اللي يبيعونه بمحلات قطع الغيار ؟
علما اني منزل القير من سنة ونص أو أكثر شوي وغيرت الزيت كامل
ألف شكر لكم وآسف على كثر الأسئلة ،،،
