... ضمان هيونداي للي ماعنده خبر ((( عااالمي ))) ...

ماشاء الله تبارك الله من جد إكتسحت السوق الياباني والأمريكي بعد بس أتمنى التأكد من الخبر

ياشباب مافي شركه سبقت اخرى

الضمان يسري على كل الوكلاء شي طبيعي وليس ميزه

حتى هوندا اعرف واحد من الشباب يسوي صيانه للأكورد في البحرين

مشكور ..

لكن اظن ان جنرال موتورز سابقه الهونداي من زمان ..

اذكر ان موظف في شركة العيسى للسيارات قد قالي من تقريباً سنتين اني اقدر اسوي الصيانه للتاهو في اي وكاله في السعوديه .. واذكر انه قال برضو في الخليج !!

لذلك اتوقع انه عالمي برضو . او على الاقل خليجياُ !!


لكن اتمنى انهم يحسنون الصيانه في الوكاله نفسها ويحصروننا بهم .. ولا انهم يخلونه عالمي والصيانه ( الله بالخير ) !!


ومشكور مره ثانيه على المعلومه

حسب معلوماتي أن أي منتج (بشكل عام)

يكون ضمانه دولي وين ما أخذته تقدر تصلحه عند الوكيل

طول مالضمان ساري لكن للأسف بسبب الحرص الشديد والمبالغ فيه

لدى هيئة حماية المستهلك عندنا جعل الموضوع مُبهم لدى الغالبية.!!

معرووف انه عالمي شي ممتااز
يعني اي مكان تروح فيه
تدخل موترك صيانه وعلى الضمان

سرني مروركم و مشاركتكم لنا من خبراتكم

و انا صراحه ماكنت ادري عن هالمعلومه من قبل لين قال لي الموظف

لكن شال من راسي هم يوم جيت اسوي اصلاح مشكلتيين كهربائية عند وكيل ثاني و على الظمان مااخذوا مني شئ , خصوصا في ديـار معروف عنها ان كل واحد بيرمي المسؤوليه على الثاني

انا اول رد كنت متوقعه ان المجدوعي بيقول انت شاري سيارتك من الوعلان حنا مالنا دخل

بس اشوا قالوا نصلحها

حسب علمي أن الضمانات ما لها دخل للوكيل في كل السيارات... موب بس هونداي

السبب أن تصليح الضمان يكون على حساب الشركة الأم... و ليس الوكيل... و الفاتورة ترسل للبلد المصنع بما فيها فاتورة شغل يد

الوكيل فقط يتعب في الاجراءات الادارية و الاستلام و التسليم.... يعني ما يتعب شئ

ضمنان اومن دون علا مزاج وكيل الهيونداي

صوت الزنة الديكور والحين يجي الشتاء وتسمع أنواع الزنات
وعندي بداية شق في محل الايرباق مانتبهت له الا قريب قبل لا يكبر
وما ادري متى بدا عندي لكن بيزيد شكله بالشتاء
ووافقوا لي على الضمان تغيره وأنتظر الطبلون يجي ان شاء الله

اخوي بندر ليش بتغير طبلون الأزيرا فيه مشكلة؟

كلامك صحيح الهيونداي تيجي في دفتر الضمان 3 و 60 الف كيلو
والوكيل مزود سنتين ضمان هذا موجود على دفتر الضمان وإذا حافظت على الصيانة حسب كلام مندوب المبيعات راح يعطيني السنتين الباقية و 40 الف كيلو الباقية
وفي بعض السيارات نزلها ضمان 5 سنوات و100 الف كيلو موجود بالدفتر تبعها

بالنسبة للخرابات الي تصير للسيارات اذا كانت على الضمان ما تتغير القطع على حساب الوكالة لكن تتغير على حساب الشركة الأم بعد موافقتها

أما الوكالة ماعليهم الا التركيب فقط هذا الي لاحظته
وراح أطرح تجربتي عند تغيير الطبلون كامل حق الأزيرا بس أنتظر وصول الطبلون حقها من كوريا على الضمان

أخوكم بندر

شكراً اخي على المعلومه الجديده بالنسبه لي :)

وهذا شي يُحسب لصالح هيونداي ,,

شباب ماحد يعرف سيارات أخرى غير الهيونداي تملك ضمان عالمي ؟

تحياتي ,,,,

تكسر الياباني عشان ضمان عالمي
اظن نيسان في دول الخليج واغلب الشركات كذلك او عالمي بس مومعقولة اشتري سيارة من السعودية واصلحها في الهند ولكن المهم التصليح بين الوكلاء الثلاثة
عموما مشكورعلى التوضيح

أنا اللي أعرفه شخصيا
أن الازيرا ضمانها 3 سنوات من المصنع
وبعض الوكلاء يعملون عروض بوضع كفالة تمتد ل 5 سنوات أو 100 ألف كم
الضمان عندي بالأوبيروس مكتوب بدفتر الصيانة بالعربي والإنجليزي بأنه 5 سنوات مفتوح الكيلومترات
بعكس الأزيرا اللي نزلت ببعض الدفعات بضمان 5 سنوات أو 100ألف كم
<< بالله يا شباب هذي معلومات عندي من فتره ولو كلامي فيه اي خطأ أرجوا أنكم تعدلون لي
وأنا أعتذر بشدة إذا كنت أتكلم بشء خاطئ

مثل الأودي تبع الوالد سنة 98 كانت سنة واحده أو سنتين من المصنع ...!!!
والثالثة من شركة تأمين تضمن السيارة بقية الفترة بالخليج العربي
والضمان طبعا 3 سنوات و 60 ألف كم

تحياتي للجميع
أخوكم أبو عبدالعزيز

الازيرا عليها ضمان 5 سنوات او 100 الف كيلو عالمي ايضا

انا ما اعتقد عالمي لاختلافات المواصفات بين منطقه واخرى
على سبيل المثال تروح تجيب سياره من اوروبا باجوائها البارده وتستخدمها بالخليج
وتخرب ما اعتقد ان الوكيل راح يضمنها والعكس
ممكن يضمن سيارات ذات المواصفات الخليجيه معقوله بس غير كذا ما اعتقد

أنا أذكر من أيام القرانديور قالوا لي إن الضمان عالمي

على العموم مشكور على الخبر

مشكور على الخبر
وأنا أعرف هذا النظام من زماااااااااااان بالأوبيروس أن ضمانها 5 سنوات عالمي مفتوح الكيلومترات
أما هيونداي وبعض سيارات كيا 3 سنوات أو 60 ألف كم عالميا
وكذلك بقية الماركات والله أعلم

تحياتي للجميع