الفزعه ياخبراء ال س س 96

السلام عليكم و رحمة الله

حياك الله


:c0214:


طيب الكمبريسر يختلف بحسب نوع الخراب بما ان عندك مجرد صوت ممكن البيرنج الي في الكمبريسر يتبدل وتخلص المشكله ولا يحتاج الى كمبريسر جديد او غيره وطبعا الصوت الي في السيور بيروح مع تصليح الالبليات او البيرنج



اذا عندك طقطقة مستمره وخاصة مع اللفة فهي ليست جلد او شي هي رمان بلي الكسلات متكسره ولازم تبدل الاكسلات و الرمانات


يبغيلك تضبيط معدل الهواء مع البنزين او تصليح الخانق الجوك (الشفاط )


النص اعتقد انها عادي


والله اعلم

السلام عليكم ورحمة الله

أخوي بالنسبة لهالصوت - طبعا في الكابرس الـSS 96 - كان يطلع معي تقريبا زي هالصوت ولا يطلع الا اذا مشيت مشوار مثلا 20 كلم وبعدها وقفت يطلع صوت مع طقطقة في السيارة من الأسفل والمشكلة كانت في الدفرنش وغيرت دفرنش والحمد لله راحت المشكلة

على فكرة سعر الدفرنش 1500 لا أكثر

وأما بالنسبة لمشكلة الحرارة للأخ شيخ المنتدى فهي سهلة

أول شي غير بلف الحرارة حط حق ددسن 93 وقيمته من 40 - 50 ريال

ثاني شي شيك على الرديتر وتأكد ان الموية تروح وتجي بسهولة

ثالث شي اشبك المراوح على السلف

ورابع شي دق سلف وانسى الحرارة بإذن الله

أتمنى انتي أفدتكم

دمتم بخير

1- لربما الخلل من البيرنج التابع للكمبريسر ..
2- افحص كل مايتعلق بالمقود والاطارات الاماميه
3- لربما من الصبابت صوت التفتفه والسياره بارده
افحصهن وافحص مدى سلامة مضخة الزيت .
والله اعلم

بالنسبه للحراره انا سيارتي مع تشغيل المكيف في الضهر تحت النص بشرطه اول ما امشي يكون على الربع

وزي ما قالك اخوي tala55

شبك مروحه على السلف وبتنسى مشكله الحراره

اما الطق طقه

انا زيك عندي هذا الصوت بس مو لما امشي

لما الف يمين بس والصوت زي كذا ( طق-- طق-- طق ) بس مو قوي مره
شيكت على الجوزات والجلد كل شي سليم

وش تتوقعون المشكله ؟

وصوت ( تف تف تف ) هذا الاقزوز عندك ينسم
واذا احتر ( حمت السياره ) يروح لانه معدن يتممد بالحراره ويتقلص بالبروده خخخخ >> ايام الثانوي

صارت معاي

طلعت المشكله من برغي من براغي الاقزوز مكسور وصار الاقزوز ينسم


المشكله الجديده الي توها طالعه لي ومصدعه راسي خخخخخخخ
صوت لما تمشي السياره فتره
صوت من ورى او قدام مدري زي كذا ( تك تك خرر خرخرر ) >>>>> شوف التعبير بس
كانه الهاند بريك عالق في الكفرات الورى او البريك فالت

والصوت يجي بس لما السياره تدحدر لين 10 كم وبعدين ماله اثر

والاي مجنني ما يطلع الصوت الى بعد ما تمشي السياره مشوار

بعد اذن صاحب الموضوع >>>>> خليت فيها اذن

وش منه هذا الصوت ؟

الى اخي شيخ المنتدى

السلام عليكم ورحمة الله وبركاته

بالنسبة لصوت الطقطقة اللي في الكفر فهذا احتمال كبير يكون الجوزات وتاكد منها لانها خطيرة

اما الحرارة الى النص فهي طبيعي ولو تشبك المراوح مع السلف يكون افضل

اما الباقي من الاعطال فلا اعلم عنه

والسلام عليكم